《 高普狂想曲之無中生有》冬季轉會懶人包 精選 推薦

如真⋯

※※※※※※※※※※※※※※※※※※※※※※※※※※

1。塞爾維亞中場 古積 Marko Grujic
成事指數：4.5

有留意新聞嘅利迷，或者都聽過關於依位19歲紅星中場轉會利記的新聞。佢係邊個？官方數據話我地知，依位身高1米91 嘅中場中，帶領塞爾維亞青年隊贏得U20 世界盃錦標，今季亦開始在紅星隊站穩陣腳，至今攻入5球。

踢法上佢又點呢？用利迷嘅角度，佢會似一個風格偏柔嘅安尼簡。雖有米九身高，但腳法細膩，中場拿球後傾向持球推進，亦能射出一腳好球。

（睇吓球王片又何妨？）https://www.youtube.com/watch?v=kg_3q1TbaSQ
轉會進度黎講，廣大可靠英媒已傳出利記接近購得古積的消息。有十足可信度的馬郡記者Tony Barrett 報導利記CEO Ian Ayre 已飛往塞爾維亞，去完成簽下此小將的轉會細節。轉會費將為5m，而利記會隨即外借古積回紅星至球季結束。據聞同為塞爾維亞人的利記助理領隊保域，一直有跟進古積的發展，高普亦因此對其十分青睞。

另外，古積本人亦在其官方Facebook網站以兩個笑臉回應其轉會利記的報導，睇黎好事近啦！