【曼聯Talk】摩連奴：怎樣才算合格的曼聯領隊
近日摩連奴喺記者會上嘅「演說」，引起不少迴響
有球迷撐摩佬、有球迷鬧摩佬⋯⋯
發覺球迷間討論都圍繞一點，曼聯要點先算合格？
無成績時，球迷一定鬧
踢得唔悅目時，球迷一樣鬧
上週歐聯16強被淘汰，我都失望咗好幾日，因為我都認為曼聯就算要出局，都希望係被世界最強幾隊如拜仁、巴塞、皇馬淘汰，但說穿了假若有機會對碰，輸咗一樣係一堆人話曼聯同頂尖球隊差好大距離，其實大家都心中有數。
我咁樣講應該又有球迷鬧我迷摩，歐聯出局後我一樣批評摩連奴下錯棋、計錯數，但早兩個禮拜對陣車路士、利物浦贏波時，又好多人為摩佬拍掌，3:2反勝水晶宮，更有球迷大讚摩佬調動夠決斷。
係咪歐聯戰線16強宣布畢業，呢一份成績單就決定摩連奴係唔係曼聯嘅Mr. Right？咁今季英超如最終以第2名埋單，又係一份值幾多分嘅成績單？
亦見不少球迷話摩連奴黎到之後用左幾多錢買人，就應該要交出更好嘅成績：「你睇下曼城嘅哥迪奧拿！」如果咁講，曼聯轉會支出又真係少過曼城，第二啱數😂
我唔知大家心中對於曼聯、摩連奴嘅分數係點樣評價，因為好似早排Share出黎堅尼、史高斯等名宿對曼聯嘅表現係好唔滿意，認為班球員踢唔出曼聯應有嘅精神，呢一點我都認同，就視乎你覺得目前嘅曼聯係一隊點樣嘅曼聯：
我心中嘅曼聯係摩連奴口中無得到幾多「足球遺產」，要靠呢幾年重建嘅球隊，咁喺重建中有咁嘅成績，縱有好多不足，亦仍缺我最想見到的穩定性，唔敢話好滿意，但合格以上。
題外話：摩連奴一個「演說」令各人矛頭都指向自己，個人陰謀論地認為，已經達到他的目的～（明嘅就會明）
紅魔仔
————————————————————————————————
曼聯Talk，一個專屬曼聯球迷的平台，同你一齊傾，一齊講曼聯嘅嘢！
曼聯Talk Facebook 專頁：https://www.facebook.com/redeviltalk/?ref=bookmarks
近日摩連奴喺記者會上嘅「演說」，引起不少迴響
有球迷撐摩佬、有球迷鬧摩佬⋯⋯
發覺球迷間討論都圍繞一點，曼聯要點先算合格？
無成績時，球迷一定鬧
踢得唔悅目時，球迷一樣鬧
上週歐聯16強被淘汰，我都失望咗好幾日，因為我都認為曼聯就算要出局，都希望係被世界最強幾隊如拜仁、巴塞、皇馬淘汰，但說穿了假若有機會對碰，輸咗一樣係一堆人話曼聯同頂尖球隊差好大距離，其實大家都心中有數。
我咁樣講應該又有球迷鬧我迷摩，歐聯出局後我一樣批評摩連奴下錯棋、計錯數，但早兩個禮拜對陣車路士、利物浦贏波時，又好多人為摩佬拍掌，3:2反勝水晶宮，更有球迷大讚摩佬調動夠決斷。
係咪歐聯戰線16強宣布畢業，呢一份成績單就決定摩連奴係唔係曼聯嘅Mr. Right？咁今季英超如最終以第2名埋單，又係一份值幾多分嘅成績單？
亦見不少球迷話摩連奴黎到之後用左幾多錢買人，就應該要交出更好嘅成績：「你睇下曼城嘅哥迪奧拿！」如果咁講，曼聯轉會支出又真係少過曼城，第二啱數😂
我唔知大家心中對於曼聯、摩連奴嘅分數係點樣評價，因為好似早排Share出黎堅尼、史高斯等名宿對曼聯嘅表現係好唔滿意，認為班球員踢唔出曼聯應有嘅精神，呢一點我都認同，就視乎你覺得目前嘅曼聯係一隊點樣嘅曼聯：
我心中嘅曼聯係摩連奴口中無得到幾多「足球遺產」，要靠呢幾年重建嘅球隊，咁喺重建中有咁嘅成績，縱有好多不足，亦仍缺我最想見到的穩定性，唔敢話好滿意，但合格以上。
題外話：摩連奴一個「演說」令各人矛頭都指向自己，個人陰謀論地認為，已經達到他的目的～（明嘅就會明）
紅魔仔
————————————————————————————————
曼聯Talk，一個專屬曼聯球迷的平台，同你一齊傾，一齊講曼聯嘅嘢！
曼聯Talk Facebook 專頁：https://www.facebook.com/redeviltalk/?ref=bookmarks
請按此登錄後留言。未成為會員? 立即註冊