曾經他是英格蘭國腳 , 效力英超球會 , 有40,000週薪 , 住大屋揸波子
曾經他揮霍無度加投資失敗破過產 , 加上受傷患困擾 , 體能每況愈下 , 為錢更曾到印尼聯賽踢波搵食。
曾經你服藥自殺兩次 , 但兩次都搶救得返。
如果的軒祖 , 過得怎樣呢 ? 不如由得自已講番
曾經軒祖上過頭條 , 揸法拉利 , 住大屋 , 搵過百萬 但他最終都是破了產。
談到破產 , 軒祖回憶說 : " 我冇賭錢 , 但我認我像不少人咁鐘意出去玩 , 尋開心 ; 我認我鐘意名名車Ferrari , GT , 波子 ... 但最不幸運係我投資失利 , 地產市場急劇下滑 , 我手頭上D樓放唔到 , 個度成千幾萬 , 我做左樓蟹 (高峰期軒祖有25間物業)"
財政問題加上和前妻婚姻失敗 , 最終引致他第一次自殺。死前他更曾留下遺言給家人和現任太太。
" 第一次自殺醒番時我係部呼吸機旁 , 見到週圍都係我的家人 , 佢地個個都好憂傷 "
"個一刻我好尷尬和不安 , 我唔知講咩好 , 雖然我講啤人知我無事了,不用膽心 , 但實際唔係 , 個問題仍然困擾係我心入邊 , 可能就係咁促使我第二次自殺"
"我曾經買過兩層樓啤我媽同我奶奶 , 但財政問題要被收回 ; 我真係傷了我媽心 , 我唔知點算好 , 我媽同我爸為我付出了好多 , 我好想報答他們 ... 點知...... 個時我真係心碎了無限 , 也可能係我一生中最糟糕的一天。 "
而第二次自殺源自他飲酒 , 一晚他和屋企人鬧大架 , 他獨自出了去飲酒 , 抑鬱加上酒精係最壞的組合
"飲到第二朝 , 我返到我媽度 , 你一言我一語又黎過 , 加上我家姐又加把口 , 天啊 , 我真係頂唔順 , 我真係好想"走 , 最後我鎖埋我自已在沖涼房 , 我係鏡中見到自已 , 個時我真係覺得自已好樣衰好丟架 "
"第二次自殺醒番時 , 我起身時病房一個人都冇 , 直到有個護士入左黎 , 我同佢講 你放我走 , 我好想離開呢一度 "
"個時我心入邊好孤單 , 同埋我知我真係再次傷害到屋企人了 , "
軒祖有四個仔女 , 最大的15歲,最細的得4歲
"試幻想如果我唔係度睇住佢地 , 培養佢地 , 指導佢地行正確方向佢地會變成點 , 個影響會點我唔知 , 但我唔想有呢一日因我知他們都好愛我好關心我。
前威爾士史必 (Gary Speed)也是軒祖在錫菲聯時的隊友 , 他的死也影響他。
"我好記得個日(Speed自殺當天)我病左 , 我好難相信他會自殺 , 當我見到他的太太和子女傷心時 , 我真係好難過 , 我也不想讓我家人傷心了"
如今的軒祖真的重新投入了工作 , 重新開始 。 現在他是一間伯明漢地區青訓學院的教練 , 致力作育英才。
下年他將會取得歐足協B級教練證書 , 他希望可以做球隊領隊 , 他夢想當然係成為維拉的領隊啦。
同時他是半職業性足球員 , 週六日也有去業餘球會踢下波 , 因為他真係好鐘意足球。
"現在我早上8點起身訓練 , 中午返屋企休息下同埋準備明天的工作。 如果無工作和足球真的會令我生活好難過"
"我唔想再好似以前咁 , 活在過去 , 我現在踢業餘波 , 因為我好享受足球 , 我現在踢緊隊波排緊聯賽第一 , 有成六分優勢呢 ~ 哈哈 " 從他的笑容彷彿讓我們看到他是真正的快樂。
下個月他更會同現在的維拉教練彼德夫一同參加慈善馬拉松 , 軒祖笑說真係要操下否則下個月真係唔知頂唔頂得住。
原文 :
http://www.mirror.co.uk/news/lee-hendrie-reveals-suicide-attempts-830391
http://www.dailymail.co.uk/sport/football/article-3016225/When-Lee-Hendrie-woke-second-suicide-attempt-knew-turn-life-around.html
當你想"走" , 不如你回頭想想你的家人, 你的朋友
世上無難事,只怕有心人
香港撒瑪利亞防止自殺會熱線 2389-2222
請按此登錄後留言。未成為會員? 立即註冊