[志在賀年] 新.英超極速傳說 (大亨 , 大賓評述)

本故事純屬虛構 , 如有雷同實屬巧合
亨:歡迎大家黎到蘇格蘭場 , 今次有8位選手角逐呢次"新-極速傳說 男子800米 英超賽區 選拔賽" , 聽個名真係好勁 , 陣容都鼎盛 , 今次我地有幸請到知名長跑好手 , "大賓"周SIR作為呢次比賽的客席評述 。


亨:周SIR , 你好 !

賓:大家好 !

亨:事不宜遲 , 我地先介紹下呢次比賽的8位選手吧。先介紹1號

亨 : 1號 "馬狀元" 馬迪爾

亨 : 8位選手中最年輕的一位 , 代表曼聯公司 , 今季初出 , 季初就係威係勢 , 爆發力應該係呢8位選手入邊最勁 , 近排表現就相對回落左少少 , 大賓SIR , 你點睇"馬狀元"的表現呢? 今次佢排位企大外檔。

亨 : 回落少少唔出奇 , 呢期天氣凍左成倍 ; 外檔佢無咩大問題 , 佢"攝位"一流 , 以下佢季初的表現精華 :
http://i.imgur.com/0Bpfc63.gif

亨 : 咁就睇佢今次攝唔攝到靚位啦

亨 : 2號 "無雙小子" 華倫西亞


亨 : 另一位代表曼聯公司 , 狀態都唔差 , 唔經唔覺都變老將 , 近兩年由200米變400米再到今次800米 , 愈跑就愈長 , 傷就大傷兩次的了 , 但爛船點都有三分釘 , 當年的世界極速傳說冠軍 。

http://24.media.tumblr.com/tumblr_mavegbVEj91qh2a1qo1_500.gifhttp://kaktackle.files.wordpress.com/2012/09/tumblr_mavegbvej91qh2a1qo2_500.gif

賓 : 其實唔難

亨 : 今次就真係有D難 , 有少少睇彩數。

亨 : 3號 "步步尤" 安祖阿尤

http://i.imgur.com/u8acHsR.gif

賓 : 唯一一位非洲選手 , 論狀態絕對一流 , 今次主要睇適唔適應到個場地。

亨 : 地講真就一流 ; 佢係上年的法國冠軍 , 今季表現都唔錯 , 代表史雲斯 ; 試跑都有幾好表現 , 他優勝之處就個氣量好夠 , 後上一流。

亨 : 4號 "福星高照' 高普

賓 : 論狀態都幾反復 , 但勝左夠哂熱血 , 今次睇下換左新眼鏡表現點啦。


亨 : 代表利記 , 今次8位選手中最老 , 對眼都仲好有神 , 爆發力都仲好夠 , 勝左夠經驗, 同埋今次賺到個內檔 ; 200米應該難唔到佢 , 不過今次800米就有點危。


亨 : 5號 "愛的呼喚" 巴克利

賓 : 今季明顯漲左 , 但唔係肥左 , 係結實左 。


亨 : 代表愛記 , 今季明顯個身型比上年勁左唔少 , 肌肉多左 , 無明顯大缺點 , 但都無明顯大優點 , 短跑佢真係一流 , 今早睇佢熱身表現都唔錯 , 今次2號檔位睇佢會唔會有驚人表現。

亨 : 6號 "快槍手" 貝連


亨 : 代表兵工廠 , 今次比賽大熱門 , 狀態一流 , 長跑好手 , 當年都係兵工廠"快槍手"出身的大賓SIR , 有冇咩建議比呢個師弟呢 ?

https://giant.gfycat.com/WavySingleAmericanbulldog.gif
賓 : 意志要夠堅定 , 道氣要夠忍得 , 應該放時就放 。

亨 : 有冇話幾時先要放呢 ?

賓 : 睇經驗 , 要實戰

亨 : 今次就睇呢位大熱能否大熱勝出了。

亨 : 7號 "華恩庭" 華迪

http://static1.squarespace.com/static/51a2e9abe4b01fcfc7489cbe/t/565bf533e4b0509ba9fff20a/1448867175156/LEIMUN_Vardy.gif亨 : 今次比賽的次熱 , 狀態好足 , 至今所有比賽戰無不勝 , 不過就剛小傷痊癒 , 有少少隱憂 ; 大賓SIR有冇試過傷都照跑 ?

賓 : 係男人就吞淡口水忍陣算啦

亨 :果然係大賓SIR
亨 : 最後一位 8號"爪皇凌雨" 史達寧

賓 : 代表曼城 , 傳說中的黑美斯 , 今季轉左會 , 個樣好似開心左。

亨 : 無錯 , 延續上年的神勇 , 佢技術都進步唔少 , 狀態都好足 , 不過今次他排第七檔 , 感覺有少少影響 。 佢同第六檔的華倫西亞有少少"牙刷印" , 值得留意下。


亨 : 8個選手介紹哂 , 大賓SIR係時候選擇心水 。

賓 :7號 "華恩庭" 華迪

亨 : 熱身狀態好的有3號 "步步尤"大尤 , 5號 "愛的呼喚" 巴克利 , 大尤 , 6號 "快槍手"貝連同7號 "華恩庭" 華迪 , 嗯..... 我選.....6號啦"快槍手"貝連 。
睇埋英文台同事推介 , 阿Mimi就選左 "1號 "馬狀元" 馬迪爾。

6搭7 , 1 991推介


紅燈都亮起左的了 , 交比同事燕仔

燕仔 : " 紅燈亮起的了 , 選手都開始各就各位 , "馬狀元"同"無雙小子"雞啄唔斷唔知講D物 , "福星高照"係咁原地轉圈同跑熱緊身啊。

6號"快槍手"貝連同7號 "華恩庭" 華迪都仲係大熱啊

"福星高照"都埋哂位啦 , "新-極速傳說男子800米" 準備開始下。

準備 ...

雞聲一響 , "福星高照"應聲彈出 , " "愛的呼喚"緊隨其後 , 外檔有"馬狀元"同"無雙小子"" , 再之後"華恩庭" , "步步尤" , "快槍手" , 包尾緊係"爪皇凌雨" 。

跑左150米 , 形勢都仲係無咩點變下 , "福星高照"拍緊" "愛的呼喚"放頭 , 包尾都仲係"爪皇凌雨" , 大外檔"馬狀元"同"無雙小子"開始移返入內檔。

400米一半路程 , "福星高照"拍緊" "愛的呼喚" 放離後邊半身位 , "馬狀元"開始上 , "爪皇凌雨" 如狼似虎咁追返上黎 , 落後緊係"快槍手"同"步步尤" 。


600米轉圈哇 , 8個選手開始上態明顯加快左 , "華恩庭"先發力 , 開始上返黎 , 外擋"爪皇凌雨"蘇七上身咬住"無雙小子"唔放。


最後100米大直路 , 行頭都仲係"愛的呼喚"同 "馬狀元" , 後邊"福星高照"開始無氣 ; 嘩 , 呢個時候"華恩庭" , "快槍手"成支箭咁標上黎 ! 外檔"爪皇凌雨"愈追愈近 !!
跑到最後 , "華恩庭"鬥"快槍手" ! 後邊"馬狀元"無位"攝" !! "步步尤"都上緊黎 !!! 就快到終點冠軍唔係"華恩庭" 就係"快槍手" , "步步尤"仲差半個身位 !!



過終點 ! 第一"快槍手" , 第二"華恩庭" , 第三"步步尤" , 再次重覆 第一"快槍手" , 第二"華恩庭" , 第三"步步尤" ......


亨: 好精采的一場賽事 , 果然不出所料 , 兩位大熱選手叮噹馬頭 , 鬥得最後難分難解。

賓: "步步尤"有少少可惜 , 比多1,2米應該就過頭

亨 : 大賓SIR你認為呢次"快槍手"得勝主要原因係咩呢?

賓: 因為我冇參賽。

亨: 收到 , 期待大賓SIR下次參賽 。
亨: 大賓SIR , 臨到新年不如同大家拜個早年好嗎 , 你係香港地區特別多粉絲 , 仲勁過美斯。

賓: 一齊啦 ,叫埋Mimi , 阿燕

祝大家 ! 新年快樂 ! 身體健康 ! 萬事如意 !


http://farm3.static.flickr.com/2309/2244264729_2c1feb9c85_o.gif


新一年快到了 , 今次做一次小丑 , 希望新的一年 , 舊事隨他去 , 開開心心笑一笑 ~ 新年新開始 , 讀書的成績愈來愈好,拍緊拖的愈來愈甜蜜(早點結婚吧) , 結左婚的愈來愈幸運 , 返緊工的人工愈加愈多 .....

再一次真心的向你說聲 新年快樂


請支持香港出品的原創足球文章 你的支持 我的動力
https://www.facebook.com/ramsdiscusshk