談上半季的馬拉加

藍斯有波講波 於 13/01/2015 發表 收藏文章

呢一次再一次的令我驚喜 , 上季其實都驚喜的了 , 全季排名第十一位 , 雖然入不到歐戰區(差十幾分) , 但比賽季前自已對呢支波的期望 --- 護級 , 已大大超出期望。

開季前賣走主力ISCO , 祖昆 , Toulalan , 而 Iturra , Demichelis , Baptista , 沙維奧拿 自由身離開 , 當然都係球隊出的待遇不及其他球隊啦 , 仲有盧根奴和Piazon的租借約滿 , 成隊波走哂都唔緊要 , 因為再上一季已試過 , 球一樣踢..踢到去歐冠...惜敗多蒙特。

最重要的是工程師走了... 成隊波的靈魂...


唯一少少開心係...以為走硬的辛達告魯斯竟回頭加盟馬拉加 , 他一度傳接近重返德甲 ; 而球隊主力左後衛ANTUNES也正式加盟球隊 , 正選陣容總算留得2個人... 好彩還有甘馬曹, 光頭佬 , GAMEZ , 威靈頓 , 山齊士 , Eliseu等人 , 可想而知當年的西甲曼城陣容是幾勁 , 賣了兩季人都仲有勁人在


賣人所得三千幾萬 , 買番人只用了四百幾萬 ... 所以Schuster帶到球隊護級我已好開心 。


Schuster對球隊的貢獻係帶出了2位B隊的青訓Samuel和Darder , 兩個現在都成為球隊的主力 , 而下半季租借左邊鋒Amrabat , 更如帶給球隊一位蘇亞雷斯 , 阿古路 , 他在從路無所不能 , 能扭能傳能射 , 成為球隊下半季的靈魂 , 他自已也重回他在荷甲時的狀態。 最後就係下半季留到甘馬曹


可惜球隊的成績仍是不能令老闆滿意..決定解聘Schuster...因他不能帶領球隊進歐戰區 , 這是他簽約時和球會的約定 , 球會有權提早和他終止合約

但看看球會的做法 , 賣了成隊兵, 留番幾百萬啤你洗...


其實睇到呢度應該有唔少讀者好奇點解幾季前仲係西甲曼城的馬拉加會淪落至此 , 主要問題係球會大老闆酋長不滿球隊的轉播費收入問題 , 其次是他不滿馬拉加市不能配合他的球隊發展 , 現在馬拉加的玫瑰園球場是和馬拉加市租用 , 酋長想買下 , 但馬拉加市不肯 ; 酋長想在沿海興建新球場 , 馬拉加市又唔批... 最終西甲曼城由有錢人一下子變為窮人 , 上上季就係因球隊財政問題 , 被歐聯禁歐戰資格。 位置由西維爾被上。


回到今季 , 請了位年青教練加西亞執教 , 其實我幾鐘意佢 , 不過世事的野就係咁神奇 , 如不是上季奧沙辛拿降班 , 加西亞可能仍在奧沙呢。

可能酋長請加西亞都係呢個原因 , 加西亞之前的奧沙辛拿又係窮球隊 , 習慣無錢洗要賣人渡日的日子...

今季仲慘 , 光頭佬出走曼城 , 隊長Gamez轉會馬體會 , Eliseu轉會賓非加 , 三個最後主力出走埋 , 其中隊長GAMEZ的離開令人費解 , 一個效力球會多年 , 而且實力強勁的右後衛 , 被球會低價賣走...

賣人其賣一千萬左右 , 因真係都冇咩人可以賣了 , 最終加西亞有幾錢可以洗 ? 佢仲慘過Schuster. , 至今只洗了百幾萬...


最貴的支出是再次租借上季表現出色的邊鋒Amrabat , 其次都係透過自由身和租借方式買人, 都執到不少好野 , 如荷甲最佳右後衛之一Rosales , 長年在德甲踢波的非洲後衛BOKA , 前皇馬後衛Miguel Torres , 在利記不得志的西班牙中場Luis Alberto 和 七十幾萬買入的新10號 葡萄牙小國腳 HORTA

最令人期待當然是世界杯上表現出色的墨西哥門將Ochoa


新一季的馬拉加真係可以講黎自五湖四海 , 以上球員全部黎自不同聯賽 , 荷甲,德甲,希超,英超,葡超,墨西哥聯賽 , 熱刺和利物浦的經驗已令我感覺呢招行唔通

但偏偏在加西亞的魔法中利得通 ...


開季爆冷戰勝畢爾巴 , 之後球隊3平2負 , 輸的2場分別係敗給基達非和華倫西亞 , 雖然3:0輸啤華倫 , 但其實球隊對華倫的比賽係踢得好好 , 而且是在打少一個人的情況下

3場和的其中一場比賽是0:0戰平巴塞

對於實力有限的馬拉加而言 , 球隊每拿到的一分都係好寶貴好寶貴。


輸啤基達非後球隊打出5連勝雖然之後連輸雙馬---馬體會和皇馬,但是球隊再次打出3連勝 , 10場比賽8勝2負 , 雖然勝的都是中下游球隊 , 但對於現在的馬拉加而言絕對是驚喜中的驚喜 , 他們甚至有望打進前四。


加西亞的馬拉加用人上...重用球隊的青訓 , 上季的Darder和Samuel己成球隊絕對主力 , 今季加西亞再次提拔小將Samuel Castillejo , 他已成球隊左邊路主力 , 已受到如馬體會的垂青 , 進攻中juanpi Anor 和新10號HORTA也有不錯表現。

不能不提在威靈頓缺席加上DUDA沒有出場下的新隊長....前鋒Juanmi , 加西亞對他和SAMUEL好大信心 , 1月球隊放走辛達告魯斯。

成隊波最令人估唔到的是門將Kameni , Ochoa的加盟令原本就要出走的非洲後衛更堅定的想出走 , 球隊都想賣走他搵番少少錢 , 點知季初Ochoa季初受傷 , Kameni唯有頂硬上 , 點知呢一點令他重回在愛斯賓奴的高鋒狀態 , 至今Kameni成球會絕對主力 , 更已同球會簽長約 , 而Ochoa只能在杯賽中上場...
球隊踢4-5-1 , 球隊以快速的反擊為主 , 主打兩邊 , 主要由球隊靈魂Amrabat掌控 。 他的狀態好與壞成球隊的成績關鍵 , 球隊賣走辛達告魯斯都是為了籌款賣斷他 。

但辛達告魯斯雖老 , 入球能力也不算特出 , 但在前鋒為球隊鋪橋達路的作用Juanmi , Samuel能做到 (有點像阿仙奴的基奧特) , 馬拉加近兩場在沒有老師的情況下1平1負 , 主場輸啤Almería 更是爆出小冷門

球隊急急腳從英冠加迪夫城租借了西班牙前鋒Javi Guerra解決前鋒線問題 , 更從白俄羅斯買了位中堅返黎 (現在中堅無人用,要用托尼斯踢中堅)

之後3場有2場是對前四的主要競爭對手西維爾和華倫亞亞 ...


都係個句 , 每場波拿到1分好寶貴 , 1月不用賣人已開心 , 季尾護到級更開心 , 踢到歐霸真係100分。


希望愈踢愈好 ~!



中場大腦 Amrabat


專入靚波的 SAMUEL


黃金左邊鋒 Castillejo


新10號 HORTA (已成葡萄牙大國腳了)


新隊長 Juanmi


老隊長 DUDA


中場大將 甘馬曹


能天能守 DARDER


左後衛 Antunes


NO.1中堅副隊 威靈頓


中堅硬漢 山齊士


全能邊衛 Rosales


希望續約 托尼斯


快如閃電 BOKA


門神



http://www.fanpiece.com/images/default_livdig_l.gif

留言


請按此登錄後留言。未成為會員? 立即註冊
    快捷鍵:←
    快捷鍵:→