英超講場 第二十二期週報 -- 『埃及文明迎落幕，渣古亦未認清誰是家。』 精選

轉會窗一開，轉會傳聞，續約新聞自然日日鮮，所以特登隔左一段時間揀左近幾日內以下幾單相對有話題性/重鎊交易同大家分享翻

文尼遠走，埃及文明正式落幕
自係歐冠決賽之前，一直都有大小報導指呢位球星會係今夏決定迎接新挑戰遠走德甲，但就因為買賣雙方球會未有達成轉會費上嘅共識，所以就未郁到身。紅軍原本就想有咁高賣咁高去填紐尼斯條數，但拜仁就話泰亞高個筆人情想碌落呢單交易。去到近日就終於官宣佢轉會去拜仁嘅新聞，交易嘅轉會費有指3200萬歐元再加上900萬歐元流動條款，主要都係個人/團體/登場數等等成就下激活嘅獎金。而當時文尼嚟紅軍就用左3400萬鎊，轉翻嚟計，紅軍對於文尼嘅引入，使用至賣岀都係賺，至少佢的確為利物浦付出唔少，亦為球隊贏得唔少，祝福佢去德甲順利踢開新一章！阿仙奴欲購列斯拉芬夏被拒
係簽入中場韋拉之後，阿仙奴繼續努力推動轉會，而今次嘅目標就去到列斯聯拉芬夏身上。近日有報導指阿仙奴對呢位鋒線球員非常有興趣，特別領隊阿迪達認為佢係計劃中一位重要嘅連結人，所以就係日前送上左一份報價，希望再做一單交易。但一日左右之後，TA就已經報導列斯聯拒絕左呢份報價，主要原因都係同自己心目中嘅價位有岀入，至於實際報價係新聞中就無提及，若果阿仙奴上下真係對佢咁有興趣，或者要翻去睇睇結餘再報多次價俾呢個巴西心頭號。車路士接受國米租借渣古一季
只不過回家左一年嘅盧卡古，係一季後又再回家，不過今次佢話國米先係他的家，搞到車仔國米兩邊球迷又愛又恨。相信大家都記得係季中渣古就因為係訪問話唔習慣車仔，掛住國米嘅新聞，最尾搞到要道歉收場，更係稍後場上表現亦嚴重下滑，正選變後備不受重用，上到場就只令球迷記起一啲失誤。而唔知係咪呢啲原因之下，杜曹都無心留住呢位咁念舊嘅球星，批准球會俾佢租借翻國米，係意甲自我感覺良好算數，以800萬歐元借翻去一季，到時會唔會一借無回頭就睇下佢認邊隊做家啦！