英超講場 第十九期週報 -- 『英超各大教練齊暴走；爭標教練鏡頭前齊齊發洩情緒』 精選

哥帥鬧脾氣扮被害妄想：『人人都支持利物浦』
要數英超最多人支持嘅球隊，我諗各大球會曼聯，曼城，車仔等球會嘅支持人數可以話係不相伯仲，始終每間大球會嘅歷史/過往球星戰績都有佢吸引人嘅原因。但曼城教練哥迪奧拿就覺得自己同爭標對手利物浦相比下，自己曼城呢隊波就唔多被人支持，佢更有自己嘅一套睇法。哥帥認為全國上下，不論係球迷定係傳媒，全國都係支持緊利物浦，佢仲愈講愈多話就算全世界同曼城為敵都好亦唔會介意，最緊要係贏到英超就得。實在唔知係歐冠輸左令佢受到少少打擊後搞到佢心情唔靚，定係出口術影響爭標對手啦。高普不滿熱刺踢法消極，不符合佢認同嘅踢法
除左哥帥暴走外，高普亦係賽後訪問發表左一啲相對有火藥味嘅評論，不過就火得原因。事關呢個訪問係利物浦1：1賽和熱刺之後做嘅，全場熱刺都成功控制紅軍進攻上嘅表現，更靠住致命嘅反擊連結令利物浦和得不容易。而呢場嘅失分對利物浦打擊又大，積分榜上追趕曼城嘅形勢一下子變得更被動，要封王除左淨低要贏哂之外仲要希望曼城失分，得個望字。所以係賽後高普表達出佢嘅情緒，雖然有讚對手係世界級，但之後就表示對手用盡方法浪費時間似足馬體會，靠一班頂級球員跑嚟跑去去擋走個波，更指對手只不過排係第五，接受唔到呢種踢法。但始終有攻就有守，各有所長，守到又可以俾到麻煩你就有佢嘅能力所在，yyy或者高普冷靜翻都會明白呢個道理。杜曹不滿球隊表現，取消球隊週日休假
第三位暴走嘅教練就係杜曹，不過佢就只不過係係想改善依家車仔嘅狀態。係新老闆面前贏住兩粒都要失分，令佢失左唔少面子，近排戰績又未如理想，五場只得一勝。最終呢位主教練就決定內部暴走，取消休假仲安排加操，佢表示咁樣係在所難免，認為禮拜日係咁嘅狀態下唔再適合放假，亦無人鐘意呢個情況。不過我相信藍軍球員都明白嘅，始終嚟緊決賽就要對利物浦爭足總盃冠軍，要把握今季唯一爭標機會係要努力下。