話咁快英超已經完成左大約四分一嘅比賽，暫時係爭冠嘅競爭上仲係未有邊隊有明顯特別絕對優勢，皆因今年有唔少意外彈起嘅球隊，甚至係十輪過後係積分榜霸住頭6嘅位置，就好似修咸頓同上年要煩護級嘅韋斯咸都分別排係第5同第6位，令今年爭六嘅情況比最近幾季更緊張，而今次第十輪焦點戰就落係車路士對熱刺嘅賽事。
以兩隊近況嚟計，各自嘅狀態其實都唔錯，至少係近五場入面，無論計埋歐洲賽事定淨係計英超都好兩隊都係未輪過，邊個攞哂3分就好大機會暫時登一哥嘅位置，自然就得到大家關注同引發話題性。
雙方陣容上，主場嘅車仔就以433示人，高價收購嘅Havertz就退居後備，不過前線嘅人腳就華麗依然，至少新寵Ziyech同Werner都係攻擊線上嘅兩側擔任正選，亦無需要為傷兵問題擔心。至於熱刺就睇黎搵到佢地一個常用陣式啦，4231，左右兩邊放低快馬配住Kane，Ndombele就企係個進攻中場嘅位置，唯一值得留意嘅就係由於正選中堅Alderweireld受傷，後生仔Rodon需要係今場取代佢嘅位置，以較少實戰經驗嘅佢黎講呢場嘅表現算係幾穩定，走動積極同唔會怯場，相信摩佬都幾滿意佢。跟住就講到打法上啦，主場岀擊嘅車路士就做左較會積極嘅一方，上下半場分開嚟計都獲得較多嘅控球時間，但效果就無好似控球率上咁高效，面對住對方企定定防守，中場好少跑落去幫波，再加埋熱刺密集嘅企位下，中路好難有突破機會，Kante被Kane, Ndombele睇實下亦好難係較前嘅位置攞波轉身再分，要攞波就要回到好後，拉開自己成條後防推兩閘上去，搞到大部分攻勢就係呢個情況下要邊路去，左右兩邊嘅攻勢就佔整體70%。車仔除咗進攻積極上，即使係需要防守嘅時候，佢地亦做得比較積極及高壓，係開波早段更接近全場壓迫，前面直接迫到上對方嘅禁區附近，若果俾對方過到半場，前線嘅球員都唔會吝嗇體力，特別兩隻翼都會跑翻黎收得幾落下，球隊會係呢啲時間似一個451去做緊密防守，需要擔心嘅就只係因為大舉進攻下兩條邊路身後嘅空位，亦係熱刺主要威脅嘅來源。而熱刺嘅打法係摩佬調教下就已經變左一個公開嘅秘密，繼續防守反擊，特別係呢場前熱刺就坐住第二位嘅位置，你話如果你係摩佬都應該諗唔到需要冒險鬥攻嘅原因啦。所以兩隊比較下，佢地就相對防守性啲，面對對手控球進攻，唔介意讓個波俾人，更加退一步海闊天空，收去自己半場變一個442，前面個2就對住對手兩個中堅，順便夾住對手嘅防守中場，係對手攻到入自己後半場先開始用密集人手去招呼，令車路士係透過猜傳造到嘅威脅埋門就唔算多，好多都需要用到條邊斬波去明買明賣搵Abraham，自然就少啲失波嘅機會啦。進攻上，Kane繼續回後去做一啲關鍵傳送去刷助攻數據，亦有成功打到岀黎嘅反擊，只略嫌熱刺球員係呢啲嘅反擊攻勢上做得太過細膩，需要起腳嘅時候都強行打算再去搵比較空或者插入嘅隊友，失去幾個入波嘅機會。而調動上都要讚下摩佬算比以往嘅佢快，係65分鐘第一個換走Ndombele亦好合理，講起呢位球員就要順便讚下佢呢季嘅表現，上季佢黎到表現其實一直麻麻地，令摩佬無哂耐性原本都唔太想再俾機會佢。但今季可能就係訓練場上tum掂翻摩佬，有翻唔少岀場機會，表現亦比上季有唔少嘅進步，至少就無發夢，打個進攻中場串連做得幾好，以今場上半場為計都有唔少畫面係見佢用個人技術箍住個波引到包夾都可以自己帶翻生，甚至交到岀去。防守亦有跑上跑落係防守嘅時候都有積極翻去融入條後防線等兩位防中可以移去邊路，防止對手overload條邊，加上今次車仔嘅進攻焦點就係黎自條邊，佢嘅跑動無疑幫輕後防唔少。但亦都因為咁佢就好快消左唔少體力，下半場十分鐘後有少少跌watt嘅感覺，換入差唔多功能嘅Lo Celso亦合理不過，最終成功係呢場比賽守得一分，順便係利物浦和波失分下做埋一哥。相信熱刺球迷見到咁嘅成績都有唔少捧盃嘅幻想，嚟緊好快就到快車檔期，若果到時摩佬都仲守得住的話，到時熱刺球迷再幻想更多都唔遲！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
以兩隊近況嚟計，各自嘅狀態其實都唔錯，至少係近五場入面，無論計埋歐洲賽事定淨係計英超都好兩隊都係未輪過，邊個攞哂3分就好大機會暫時登一哥嘅位置，自然就得到大家關注同引發話題性。
雙方陣容上，主場嘅車仔就以433示人，高價收購嘅Havertz就退居後備，不過前線嘅人腳就華麗依然，至少新寵Ziyech同Werner都係攻擊線上嘅兩側擔任正選，亦無需要為傷兵問題擔心。至於熱刺就睇黎搵到佢地一個常用陣式啦，4231，左右兩邊放低快馬配住Kane，Ndombele就企係個進攻中場嘅位置，唯一值得留意嘅就係由於正選中堅Alderweireld受傷，後生仔Rodon需要係今場取代佢嘅位置，以較少實戰經驗嘅佢黎講呢場嘅表現算係幾穩定，走動積極同唔會怯場，相信摩佬都幾滿意佢。跟住就講到打法上啦，主場岀擊嘅車路士就做左較會積極嘅一方，上下半場分開嚟計都獲得較多嘅控球時間，但效果就無好似控球率上咁高效，面對住對方企定定防守，中場好少跑落去幫波，再加埋熱刺密集嘅企位下，中路好難有突破機會，Kante被Kane, Ndombele睇實下亦好難係較前嘅位置攞波轉身再分，要攞波就要回到好後，拉開自己成條後防推兩閘上去，搞到大部分攻勢就係呢個情況下要邊路去，左右兩邊嘅攻勢就佔整體70%。車仔除咗進攻積極上，即使係需要防守嘅時候，佢地亦做得比較積極及高壓，係開波早段更接近全場壓迫，前面直接迫到上對方嘅禁區附近，若果俾對方過到半場，前線嘅球員都唔會吝嗇體力，特別兩隻翼都會跑翻黎收得幾落下，球隊會係呢啲時間似一個451去做緊密防守，需要擔心嘅就只係因為大舉進攻下兩條邊路身後嘅空位，亦係熱刺主要威脅嘅來源。而熱刺嘅打法係摩佬調教下就已經變左一個公開嘅秘密，繼續防守反擊，特別係呢場前熱刺就坐住第二位嘅位置，你話如果你係摩佬都應該諗唔到需要冒險鬥攻嘅原因啦。所以兩隊比較下，佢地就相對防守性啲，面對對手控球進攻，唔介意讓個波俾人，更加退一步海闊天空，收去自己半場變一個442，前面個2就對住對手兩個中堅，順便夾住對手嘅防守中場，係對手攻到入自己後半場先開始用密集人手去招呼，令車路士係透過猜傳造到嘅威脅埋門就唔算多，好多都需要用到條邊斬波去明買明賣搵Abraham，自然就少啲失波嘅機會啦。進攻上，Kane繼續回後去做一啲關鍵傳送去刷助攻數據，亦有成功打到岀黎嘅反擊，只略嫌熱刺球員係呢啲嘅反擊攻勢上做得太過細膩，需要起腳嘅時候都強行打算再去搵比較空或者插入嘅隊友，失去幾個入波嘅機會。而調動上都要讚下摩佬算比以往嘅佢快，係65分鐘第一個換走Ndombele亦好合理，講起呢位球員就要順便讚下佢呢季嘅表現，上季佢黎到表現其實一直麻麻地，令摩佬無哂耐性原本都唔太想再俾機會佢。但今季可能就係訓練場上tum掂翻摩佬，有翻唔少岀場機會，表現亦比上季有唔少嘅進步，至少就無發夢，打個進攻中場串連做得幾好，以今場上半場為計都有唔少畫面係見佢用個人技術箍住個波引到包夾都可以自己帶翻生，甚至交到岀去。防守亦有跑上跑落係防守嘅時候都有積極翻去融入條後防線等兩位防中可以移去邊路，防止對手overload條邊，加上今次車仔嘅進攻焦點就係黎自條邊，佢嘅跑動無疑幫輕後防唔少。但亦都因為咁佢就好快消左唔少體力，下半場十分鐘後有少少跌watt嘅感覺，換入差唔多功能嘅Lo Celso亦合理不過，最終成功係呢場比賽守得一分，順便係利物浦和波失分下做埋一哥。相信熱刺球迷見到咁嘅成績都有唔少捧盃嘅幻想，嚟緊好快就到快車檔期，若果到時摩佬都仲守得住的話，到時熱刺球迷再幻想更多都唔遲！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
請按此登錄後留言。未成為會員? 立即註冊