第九輪嘅焦點賽後報導就揀左利物浦對李斯特城呢一場同大家分享。雙方喺比賽之前，呢場比賽就已經有十足嘅話題性，除咗一隊係衛冕冠軍同另一對係暫時嘅一哥之外，仲有唔少嘅話題落左係利物浦身上。事因繼Van Dijk後，利物浦就好似撞邪咁唔同球員例如Fabinho, Thiago, Arnold, Gomez等都各自受到需要一段時間康復嘅傷病困擾，甚至乎需要收league，令唔少報導都係賽前大造文章，講得最勁嘅就當然係紅軍四位正選後衞人選都傷哂，後防岀現人手短絀嘅嚴重困擾。咁實際嘅情況又係點？
先睇翻兩邊嘅正選陣容，利物浦就有係傷兵滿營下都無改變企位陣式嘅433。除左傷員外就仲有個salah因為中肺炎而被迫隔離，位置就由今季收購而且近期有好表現嘅Jota代替，中場上亦因為Jota上左前線同隊長Henderson大腿筋受傷下要由後生仔Jones打正選，不過相信如果有睇開波嘅球迷都對呢位係盃賽證明過自己嘅後生仔唔陌生，通天老官嘅Milner就落去踢右閘，從而組成今次嘅十一人陣容。雖然牌面上就望落無咩太大問題，但望翻後備名單紅軍就會擔心翻啦，唔少後生仔都要臨危受命，隨時準備上場，無邊位可以有能力上場改變戰局嘅感覺，你話落後左高普想調動都頭痕。而李斯特城陣容係無特別新增傷員下就當然無特別變化啦，3中堅3421作客岀撃，陣中有Vardy, Maddison打個正選，儘管國際賽期都令佢地有球員疑似受傷嘅情況，但相關球員好似門將同Fofana都能夠趕得切係今場正選踢呢場比賽，賽前亦都有唔少話題表示李城現階段所有嘅分數比佢地當年15至16嘅奇蹟一季嘅分數仲要多，並且係賽前係暫時性嘅一哥，令唔少人都會對佢地係面對陣容不整嘅紅軍有所期待。打法上李斯特城係有比較好嘅體力同陣容深度下，羅渣士睇黎對住利物浦過往輸到驚就選擇收縮，固然就係一種相對保守嘅打法。站係佢角度諗，佢當然絕對有本錢同利物浦搏盡鬥一場快打快，消耗對手有限嘅體力同放大對面唔少位置都係由替工擔當嘅問題。但自己後防上比較有信心嘅球員例如上季踢得唔錯嘅Soyuncu，Nididi，Pereira同今季新黎就有好表現嘅Castagne都仲休息緊，搞到用3中堅入面其中兩位已經係32同34歲，另一位中堅Fofana同左翼衛Justin就好後生比較嫩。若果選擇快打快後防不但要面對回追可能較慢的問題，仲有就係快節奏下年輕球員缺乏經驗增加防守犯錯嘅情況。皆因利物浦Salah雖然無得落場，但替工Jota同Mane都唔係講得笑，選擇保守等球隊可以做翻自己一向嘅防守反擊去搏下亦唔係壞取向，例如佢地就有好積極咁去針對老將Milner，上半場比賽誇張嘅一項數據就反映呢個情況，有三分之二嘅進攻都係打Milner呢邊。可惜睇比分都知道李城呢個打法無攻而還，但又實在係了解到上面嘅情況之後，好難責怪羅渣士呢個決定。當然啦，李城揀得保守就要接受翻呢個戰術嘅負面效果，令利物浦有得睇住控住黎踢，上半場開波無耐就已經收縮，俾對手長期圍攻搏到角球，唔好彩地造成烏龍要先落後。但落後左李城都仲係選擇傾向保守，係利物浦有時控住黎壓嘅時候呈現一個541嘅企位係哂自己半場，控球上半場更因為咁縮水到35%，成功中龍嘅射門更只有一次，明確咁反映李城係戰術取向下就上半場俾唔到威脅利物浦嘅情況，最終上半場尾段再俾Jota加多一刀兩球落後，早早令享受控球嘅利物浦奠定勝局，即使下半場中後段透過換人變陣都好亦無補於事，令佢地係呢一輪後失去暫時一哥嘅地位。而至於利物浦就可以話今場未受到真正考驗，李城二揀一之下就選擇左保守，令佢地體力唔洗受到太大考驗，同埋防守嘅時間亦因此較少，減低翻後防傷兵眾多嘅影響，再係小將同替工發揮穩定下鎖死李城寥寥可數嘅威脅攻門，成功係不同報導下嘅「殘陣」拎走3分。但若果我係高普就應該點都要俾啲壓力管理層冬季轉會窗做翻啲補強去解決兩位中堅要收league嘅問題，畢竟現階段嘅陣容經唔起快車嘅挑戰亦經唔起再有球員受傷，望下今場後備名單後防得翻啲小將就知咩事，否則係未來日子好快頻頻失分，同時失去衛冕節奏。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
先睇翻兩邊嘅正選陣容，利物浦就有係傷兵滿營下都無改變企位陣式嘅433。除左傷員外就仲有個salah因為中肺炎而被迫隔離，位置就由今季收購而且近期有好表現嘅Jota代替，中場上亦因為Jota上左前線同隊長Henderson大腿筋受傷下要由後生仔Jones打正選，不過相信如果有睇開波嘅球迷都對呢位係盃賽證明過自己嘅後生仔唔陌生，通天老官嘅Milner就落去踢右閘，從而組成今次嘅十一人陣容。雖然牌面上就望落無咩太大問題，但望翻後備名單紅軍就會擔心翻啦，唔少後生仔都要臨危受命，隨時準備上場，無邊位可以有能力上場改變戰局嘅感覺，你話落後左高普想調動都頭痕。而李斯特城陣容係無特別新增傷員下就當然無特別變化啦，3中堅3421作客岀撃，陣中有Vardy, Maddison打個正選，儘管國際賽期都令佢地有球員疑似受傷嘅情況，但相關球員好似門將同Fofana都能夠趕得切係今場正選踢呢場比賽，賽前亦都有唔少話題表示李城現階段所有嘅分數比佢地當年15至16嘅奇蹟一季嘅分數仲要多，並且係賽前係暫時性嘅一哥，令唔少人都會對佢地係面對陣容不整嘅紅軍有所期待。打法上李斯特城係有比較好嘅體力同陣容深度下，羅渣士睇黎對住利物浦過往輸到驚就選擇收縮，固然就係一種相對保守嘅打法。站係佢角度諗，佢當然絕對有本錢同利物浦搏盡鬥一場快打快，消耗對手有限嘅體力同放大對面唔少位置都係由替工擔當嘅問題。但自己後防上比較有信心嘅球員例如上季踢得唔錯嘅Soyuncu，Nididi，Pereira同今季新黎就有好表現嘅Castagne都仲休息緊，搞到用3中堅入面其中兩位已經係32同34歲，另一位中堅Fofana同左翼衛Justin就好後生比較嫩。若果選擇快打快後防不但要面對回追可能較慢的問題，仲有就係快節奏下年輕球員缺乏經驗增加防守犯錯嘅情況。皆因利物浦Salah雖然無得落場，但替工Jota同Mane都唔係講得笑，選擇保守等球隊可以做翻自己一向嘅防守反擊去搏下亦唔係壞取向，例如佢地就有好積極咁去針對老將Milner，上半場比賽誇張嘅一項數據就反映呢個情況，有三分之二嘅進攻都係打Milner呢邊。可惜睇比分都知道李城呢個打法無攻而還，但又實在係了解到上面嘅情況之後，好難責怪羅渣士呢個決定。當然啦，李城揀得保守就要接受翻呢個戰術嘅負面效果，令利物浦有得睇住控住黎踢，上半場開波無耐就已經收縮，俾對手長期圍攻搏到角球，唔好彩地造成烏龍要先落後。但落後左李城都仲係選擇傾向保守，係利物浦有時控住黎壓嘅時候呈現一個541嘅企位係哂自己半場，控球上半場更因為咁縮水到35%，成功中龍嘅射門更只有一次，明確咁反映李城係戰術取向下就上半場俾唔到威脅利物浦嘅情況，最終上半場尾段再俾Jota加多一刀兩球落後，早早令享受控球嘅利物浦奠定勝局，即使下半場中後段透過換人變陣都好亦無補於事，令佢地係呢一輪後失去暫時一哥嘅地位。而至於利物浦就可以話今場未受到真正考驗，李城二揀一之下就選擇左保守，令佢地體力唔洗受到太大考驗，同埋防守嘅時間亦因此較少，減低翻後防傷兵眾多嘅影響，再係小將同替工發揮穩定下鎖死李城寥寥可數嘅威脅攻門，成功係不同報導下嘅「殘陣」拎走3分。但若果我係高普就應該點都要俾啲壓力管理層冬季轉會窗做翻啲補強去解決兩位中堅要收league嘅問題，畢竟現階段嘅陣容經唔起快車嘅挑戰亦經唔起再有球員受傷，望下今場後備名單後防得翻啲小將就知咩事，否則係未來日子好快頻頻失分，同時失去衛冕節奏。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
請按此登錄後留言。未成為會員? 立即註冊