有大戰就自然有上下集架啦！例牌2+1嘅組合，上集嘅車路士對水晶宮同埋列斯聯對曼城，而下集就會有「復仇者摩佬」作客曼聯嘅報導。
頭場就會係輕量級嘅賽後報導，車路士對水晶宮嘅比賽。呢場想同大家分享嘅原因唔係因為賽事有咩特別大事發生左或者有具爭議性嘅話題，而係想同大家報道下車路士呢一場假陽性表現，所以內容報導就係輕量級。先同大家講吓呢一場最主要嘅焦點先，對於車路士而言，當然就係陣中用左2200萬英鎊嘅新門將Mendy同價值4500萬英鎊嘅Chilwell正選上陣啦。呢兩位球員其實早已經係英聯盃亮相，叫做預先適應左代表車仔嘅身份。而佢哋兩個呢一場亦都算係交到表現，Mendy有幾下精彩嘅撲救，而Chilwell更加係交到一個打破疆局嘅入球同一個助攻嘅好成績，睇黎幾習慣著住呢件3號波衫喎！再係尾段連續以兩個十二碼以4:0嘅勝利迎接國際比賽週。咁咩係假陽性表現？就係4:0呢個比分過份誇大左車路士呢一場嘅表現。上半場45分鐘係水晶宮442專注防守，上落整齊攻防轉換快下，令車路士進攻端上無咩表現。特別係應付車路士兩側進攻上佢地有針對地一見到K角位有進攻球員就閘同最靠兩側嘅中場包夾，成功限制對手，令車路士半場兩腳中龍射門一球靠反擊，一球靠對方中堅少少甩漏先造成，係被動狀態下獲得零星機會，打唔穿對手防守對強隊車路士而言就當然唔理想。下半場其實車仔無作岀明顯調動改善，只係主要靠對手表現嚴重失準，防守上三次犯錯同一次明買明賣去入波，當中以Sakho嘅犯錯最為多同致命造就車路士假陽性表現，林伯如果心水清應該了解到球隊進攻端仲係差咁啲破密集同組織嘅問題。另外就係Werner係咪真係仲有需要被安排係左路？4場過後感覺佢係呢個位置有少少爭扎，明白美國隊長同Ziyech可能因傷未用到，但陣中咁多球員過往Mount 都可以係呢啲位交到功課，俾Werner去翻箭頭位可能更有效釋放佢嘅能力，一於睇下國際賽檔期林伯會唔會諗通先！而第二場列斯聯對曼城，兩位戰術大師對碰。呢場波雖然賽果係1:1，但絕對反映唔到雙方呢場係有幾多埋門機會。開波2分鐘曼城已經借左過De Bruyne一次罰球差少少就先開紀錄，只可惜射中柱彈出又無人執到雞。上半場早段列斯聯開波就已經嘗試壓迫去令控球為主嘅曼城踢得無咁舒服，但係未算企穩陣腳下，效果有限，曼城依然係唔係頭15分鐘瓜分到70%控球權，場面上有啲受制，加上自己大意犯錯亦造就曼城唔少埋門機會。調翻轉，曼城早段有體力下睇準時機先去壓，就把握到16分鐘一次機會，對方開界外球被自己迫到回後，龍門Meslier解圍直接送左俾Mendy佢直接由中圈策動反擊上去，途中Cooper其實曾經有一秒掂到佢嘅傳送但就只係輕輕一掂清唔走，瞬間就落翻係Torres腳下，之後就交俾Sterling由左邊過Cut入大位，直接攞盡右邊網仔先開紀錄。但係落後情況下反而列斯聯就表現得更好，放膽挑戰曼城防線，上半場尾段已經見到追和嘅希望，只係暫時未能過到Ederson十指關，特別上半場補時嘅一次長傳由Ayling把握Mendy攞甩腳接應反擊，半單刀機會下俾Ederson救到，可惜地帶住落後翻入更衣室。呢個可惜就令列斯聯教練比爾沙把心一橫係半場同下半場岀黎無耐連換兩個加強攻力，包括洗左球會唔少錢嘅Rodrigo，效果可以話係立竿見影，下半場岀到黎反而有效地霸住個控球權，半場後頭15分鐘更高達68%，呢個數據可以話係幾可怕，大家都知哥帥會著重球隊控球權，失控球後講求快速反搶去重獲優勢，而呢項數據並唔係簡單一兩分鐘嘅事，反而keep到整整15分鐘有多，更成功係一次攻勢轉化嘅死球下，把握Ederson半失誤由Rodrigo執雞追成平手。1:1後列斯聯並無因為呢個暫時嘅1分就收手打算縮到最後，反而愈踢愈有再係追和後嘅10分鐘再中多次楣，差啲就反超前，只係Ederson繼續做救世主令曼城唔洗失波。係哥帥後備上無可靠嘅鋒線選擇同埋見住球隊形勢想失下，保守咁換入Ake，同Fernandinho，加強守力最尾成功渡過曼城今季嘅危險階段，拎住1分走。呢場比賽可以再次見識到列斯聯呢支升班馬嘅韌力，係陣容完全不及曼城豪華下，用嘅只係教練比爾沙貫徹執行嘅戰術，將士用命去壓迫，就算失位後都一口氣齊腳回防企翻啱位，用整體去拉近同曼城牌面上嘅差距，係佢地一向習慣呢個打法下係呢場比賽尾段成功佔有優勢，曼城就相反快打快時候回防有心無力，球隊斷開兩邊情況時有岀現，尾段時間呢個情況就更加多，多次要門將救世界先力不保失。只能話列斯聯呢個咁賣命嘅打法，係充滿娛樂性下更帶點熱血，只係有少少擔心如果每場都採取差不多嘅戰術，對球員體力消耗未免過大，傷兵潮或者跌watt嘅情況可能會係快車期岀現而失分，希望佢地可以係呢啲情況岀現/俾對手睇穿之前有幾多分搶幾多分，等聯賽尾段都有失分空間，來季繼續俾玩迷欣賞呢支代表住進攻足球嘅隊伍。上集就黎到呢度先，下集同大家報導「復仇者摩佬」。
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
頭場就會係輕量級嘅賽後報導，車路士對水晶宮嘅比賽。呢場想同大家分享嘅原因唔係因為賽事有咩特別大事發生左或者有具爭議性嘅話題，而係想同大家報道下車路士呢一場假陽性表現，所以內容報導就係輕量級。先同大家講吓呢一場最主要嘅焦點先，對於車路士而言，當然就係陣中用左2200萬英鎊嘅新門將Mendy同價值4500萬英鎊嘅Chilwell正選上陣啦。呢兩位球員其實早已經係英聯盃亮相，叫做預先適應左代表車仔嘅身份。而佢哋兩個呢一場亦都算係交到表現，Mendy有幾下精彩嘅撲救，而Chilwell更加係交到一個打破疆局嘅入球同一個助攻嘅好成績，睇黎幾習慣著住呢件3號波衫喎！再係尾段連續以兩個十二碼以4:0嘅勝利迎接國際比賽週。咁咩係假陽性表現？就係4:0呢個比分過份誇大左車路士呢一場嘅表現。上半場45分鐘係水晶宮442專注防守，上落整齊攻防轉換快下，令車路士進攻端上無咩表現。特別係應付車路士兩側進攻上佢地有針對地一見到K角位有進攻球員就閘同最靠兩側嘅中場包夾，成功限制對手，令車路士半場兩腳中龍射門一球靠反擊，一球靠對方中堅少少甩漏先造成，係被動狀態下獲得零星機會，打唔穿對手防守對強隊車路士而言就當然唔理想。下半場其實車仔無作岀明顯調動改善，只係主要靠對手表現嚴重失準，防守上三次犯錯同一次明買明賣去入波，當中以Sakho嘅犯錯最為多同致命造就車路士假陽性表現，林伯如果心水清應該了解到球隊進攻端仲係差咁啲破密集同組織嘅問題。另外就係Werner係咪真係仲有需要被安排係左路？4場過後感覺佢係呢個位置有少少爭扎，明白美國隊長同Ziyech可能因傷未用到，但陣中咁多球員過往Mount 都可以係呢啲位交到功課，俾Werner去翻箭頭位可能更有效釋放佢嘅能力，一於睇下國際賽檔期林伯會唔會諗通先！而第二場列斯聯對曼城，兩位戰術大師對碰。呢場波雖然賽果係1:1，但絕對反映唔到雙方呢場係有幾多埋門機會。開波2分鐘曼城已經借左過De Bruyne一次罰球差少少就先開紀錄，只可惜射中柱彈出又無人執到雞。上半場早段列斯聯開波就已經嘗試壓迫去令控球為主嘅曼城踢得無咁舒服，但係未算企穩陣腳下，效果有限，曼城依然係唔係頭15分鐘瓜分到70%控球權，場面上有啲受制，加上自己大意犯錯亦造就曼城唔少埋門機會。調翻轉，曼城早段有體力下睇準時機先去壓，就把握到16分鐘一次機會，對方開界外球被自己迫到回後，龍門Meslier解圍直接送左俾Mendy佢直接由中圈策動反擊上去，途中Cooper其實曾經有一秒掂到佢嘅傳送但就只係輕輕一掂清唔走，瞬間就落翻係Torres腳下，之後就交俾Sterling由左邊過Cut入大位，直接攞盡右邊網仔先開紀錄。但係落後情況下反而列斯聯就表現得更好，放膽挑戰曼城防線，上半場尾段已經見到追和嘅希望，只係暫時未能過到Ederson十指關，特別上半場補時嘅一次長傳由Ayling把握Mendy攞甩腳接應反擊，半單刀機會下俾Ederson救到，可惜地帶住落後翻入更衣室。呢個可惜就令列斯聯教練比爾沙把心一橫係半場同下半場岀黎無耐連換兩個加強攻力，包括洗左球會唔少錢嘅Rodrigo，效果可以話係立竿見影，下半場岀到黎反而有效地霸住個控球權，半場後頭15分鐘更高達68%，呢個數據可以話係幾可怕，大家都知哥帥會著重球隊控球權，失控球後講求快速反搶去重獲優勢，而呢項數據並唔係簡單一兩分鐘嘅事，反而keep到整整15分鐘有多，更成功係一次攻勢轉化嘅死球下，把握Ederson半失誤由Rodrigo執雞追成平手。1:1後列斯聯並無因為呢個暫時嘅1分就收手打算縮到最後，反而愈踢愈有再係追和後嘅10分鐘再中多次楣，差啲就反超前，只係Ederson繼續做救世主令曼城唔洗失波。係哥帥後備上無可靠嘅鋒線選擇同埋見住球隊形勢想失下，保守咁換入Ake，同Fernandinho，加強守力最尾成功渡過曼城今季嘅危險階段，拎住1分走。呢場比賽可以再次見識到列斯聯呢支升班馬嘅韌力，係陣容完全不及曼城豪華下，用嘅只係教練比爾沙貫徹執行嘅戰術，將士用命去壓迫，就算失位後都一口氣齊腳回防企翻啱位，用整體去拉近同曼城牌面上嘅差距，係佢地一向習慣呢個打法下係呢場比賽尾段成功佔有優勢，曼城就相反快打快時候回防有心無力，球隊斷開兩邊情況時有岀現，尾段時間呢個情況就更加多，多次要門將救世界先力不保失。只能話列斯聯呢個咁賣命嘅打法，係充滿娛樂性下更帶點熱血，只係有少少擔心如果每場都採取差不多嘅戰術，對球員體力消耗未免過大，傷兵潮或者跌watt嘅情況可能會係快車期岀現而失分，希望佢地可以係呢啲情況岀現/俾對手睇穿之前有幾多分搶幾多分，等聯賽尾段都有失分空間，來季繼續俾玩迷欣賞呢支代表住進攻足球嘅隊伍。上集就黎到呢度先，下集同大家報導「復仇者摩佬」。
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
請按此登錄後留言。未成為會員? 立即註冊