英超講場 第十期週報 -- 『最新續約/傷情 , 英政府『鎖車』 ,FIFA加強制裁對俄力度 』

英超講場 於 10/03/2022 發表 收藏文章
傷情,轉會/續約新聞
先講一下今個禮拜各隊嘅新傷兵。
    華Dee - 對上休戰左七場復岀啱啱好翻嘅佢又遭遇受傷,今次就因膝傷需要休息至少幾個禮拜,確實時間就未定,佢頻密嘅缺陣不但直接影響李城輸出,更係提醒李城要快啲搵定一個可靠接班人,畢竟佢已經35歲啦….

    列斯占斯 - 亦都係一位啱啱康復並交岀好表現嘅球員,上一場對住般尼亦有入波,但點知休養左兩個月之後依家又傷,將會缺席至少未來四場賽事。相信杜曹只可以繼續用翻老將艾斯派古達去右翼衛位置,亦可能用埋奧杜爾輪換呢個位置,視乎球隊需要再改變,或者會影響車仔係多線作戰嘅表現。
    傷情之後就送上續約消息:
  • 柏度尼圖 - 狼隊最近同呢位鋒線人物續約至2年至2027年,相信下位就到24歲嘅中場利維斯。
  • 楊格- TA報導維拉領隊有意留楊格係球隊多一季,現時佢嘅合約係過去夏天簽訂嘅一年合約,姐係過埋呢幾個月就會成為自由身,而維拉的確需要一位老大哥同閘位後備。
FIFA用上足球界「核武」,容許俄烏球會外援無後果下解約
俄烏局勢係一個幾禮拜之後,對於「完戰」好似仲遙遙無期,而FIFA係考慮局勢同諗好點制裁之後,係星期一宣布左容許身效力緊俄烏球會嘅外援,包括教練可以無後果中止合約,用自由身同其他球會簽約,即使新球會嘅有關轉會窗已經關閉都好,都可以係4月7號之前搞註冊,但就限左同一球會只可以簽入兩位有關球員,避免岀現暴發户。

英國政府『鎖車』,二手車無得搵新車主
早前車仔老闆艾巴交岀管理權之後無耐就改變主意決定賣埋隊波俾人,睇嚟係接管過程上信託人真係岀現問題,或者艾巴聞到鑊氣實在太重。係艾巴有意放售球會之後,近排傳岀左幾位老闆睇中左呢架藍色跑車,大聯盟小熊老闆Ricketts正考慮緊上車,以金融業取得成功嘅佢去年嘅家族參考資產為45億美金,個人就有大約20億美金,財力對於成為新車主嚟講不多也不少,不過就未必好似艾巴咁,咁願意為足球洗錢。

點知所有傳聞去到今日呢刻就永遠只可以傳啦,事關係今日英國政府再推出制裁,而艾巴今次就榜上有名,太陽報指車路士會獲得特別許可繼續比賽但艾巴所有利潤將會被剝奪,將會禁止門票或商品岀售,更有指唔可以達成新合約。若果係下個轉會窗前未搞掂隨時無得買人,變相靚車隨時俾人劏,前途茫茫。

如果喜歡我們的文章,請即分享到︰

標籤: 李城  艾巴  車路士  英超  英超講場  

留言


請按此登錄後留言。未成為會員? 立即註冊
    快捷鍵:←
    快捷鍵:→