英超講場 第十五期週報 -- 『熱刺折翼,曼城失寶 ; 歐足協推新措施取替公平條例。』

英超講場 於 14/04/2022 發表 收藏文章
UEFA批准新財政限制措施取替舊有公平條例
係剛過去嘅星期四,歐洲足協就宣布借住對球會新嘅財政限制去取替舊有嘅財政公平條例。對於新制度,有關措施將會針對性限制球隊陣容價值上限,限制球會係轉會費/薪金上嘅資岀,亦都會有關費用設立上限。而限制雖然增多,但同時亦容許球會有更大嘅負債空間,上升一倍到6000萬歐元,而有財力證明嘅球會更可以達到上限9000歐元。當然有關措施可以針對性解決球會大手買入各球星去一夜變班霸,但對於球員價值去衡量岀球隊總值嘅參考標準就無說明。歐足協係公布後亦表態希望足球生態可以盡快融入新制度,暫以25至26年球季為目標。
近況大勇嘅杜靴迪因傷提早收咧
係狼隊踢到好生猛嘅杜靴迪嚟到熱刺之後,經歷幾位教練都無好表現。到近排終於有起色仲開始穩佔正選席位嘅時候就偏偏受傷收咧向勇態說聲再見。隨住佢近排交岀嘅2入球,3助攻,熱刺把握阿仙奴失分升上第四位,但係啱啱一仗對維拉踢到21分鐘,杜靴迪受對手埋身招呼後就傷岀,賽後幾日診斷為右膝外則韌帶撕裂,康復期為時接近3個月,間接宣布今季收咧。對於熱刺嚟講就當然唔係好事,話哂同兵工廠跑到最尾一刻,少咁對腳又點會好過,幸好陣容深度仲提供到列基朗等後衛人選俾干地揀,再加上阿仙奴埋門一刻洩氣,爭四情況依然樂觀。
費南甸奴宣佈今季結束後將離開曼城
費南甸奴近日向外公佈將會係今季結束後告別曼城,而今年已經36歲嘅佢隨住洛迪穩定表現及融入體系後成為左洛迪嘅後備,都已經記唔起上場佢為曼城踢足全場係幾時。雖然佢正漸漸步向自己職業生涯嘅尾聲,但佢亦希望可以穩定咁獲得出場時間,所以係回應自己今季去向時,佢透露已經同家人作出回歸巴西嘅決定,為曼城效力嘅9個賽季劃上句號。
TA:曼聯與坦克格達成口頭協議將成下任領隊
根據TA以及英媒報導,紅魔鬼已經同坦克格達成口頭協議將於下季上任,簽約至少三年加附帶延長1年選項,而係呢位阿積士教練嘅『轉會』將會需要曼聯用上大概170萬鎊用嚟支付解約金。而由於現時呢刻阿積士仲係聯賽忙於保住一哥位置,優勢只得四分距離,係仲有大約十場左右嘅場事實在不容有失,而仲要煩埋嚟緊荷蘭盃決賽,所以為表示尊重球會曼聯同坦克格會係決賽前保持低調,換言之官宣等報導至少要過埋今個禮拜先會睇到,而我相信曼聯球迷無論聽到邊個嚟都好都會拍手,事關今日嘅蘭歷克實在令人太失望。
標籤: UEFA  杜靴迪  狼隊  熱刺  費南甸奴  曼城  曼聯  紅魔鬼  蘭歷克  

留言


請按此登錄後留言。未成為會員? 立即註冊
    快捷鍵:←
    快捷鍵:→