英超講場 第十一期週報 -- 『埃及法老或與紅軍緣盡於此,車路士賣盤程序重回軌道』

英超講場 於 17/03/2022 發表 收藏文章
英超講場 第十一期週報 -- 『埃及法老或與紅軍緣盡於此,車路士賣盤程序重回軌道』

沙拿拒絕利物浦新續約報價,更有指對加盟其他英超球會持開放態度
有轉會專家早前披露,沙拿同利物浦既續約談判陷入彊局,有指利物浦雖然為沙拿提供左一份新合約, 但就覺得待遇仲未達到自己想要既位置,更表示如果達唔到佢2000萬英鎊以上年薪要求,離開係佢既選擇之一。另外披露更提及佢本人亦唔介意直接轉投其他英起球隊,為左人工倒戈紅軍。上面幾多成真就唔知,但以利物浦財力嚟計,要動用咁大嘅資金去留住就嚟30歲嘅鋒線球員,不但做唔到更加唔係佢地轉會續約嘅風格。加上利物浦啱啱就簽入左一拍即合既迪亞斯,萬一沙拿要走都仲夠正選,煩嘅只係要搵個有一定能力嘅後備鋒線人員,難怪球會同教練對未續到約都無太大反應。而教練高普就係訪問中表達中立嘅立場,認為沙拿可以有佢嘅諗法,但亦明白球會難處同尊重球會決定,相信兩邊為對方退一步嘅機會有限。
車路士賣盤程序重回軌道,TA報導有信心交易可在4-6星期內完成
TA報導,英國政府就車路士賣盤一事重新開翻綠燈。係艾巴開頭被制裁後,各種新聞報導贊助商走佬,無錢買機票,甚至大巴入油都登過新聞,過去一個禮拜對車仔上上下下至球迷並唔好過。然而近排對轉手一事上就有翻啲好消息,有消息指賣盤轉讓嘅交易可以重新進行翻,前提係艾巴需要向英國政府證明佢唔會從中得到好處,以避免佢拎錢翻去幫俄羅斯。而報導都提及其實已有幾位潛在買家,但就需要等待批准確實進一步行動同作岀正式報價。或者車路士仲需要體驗基層球會嘅生活多一個月左右先正式解困,但以士氣嚟講,我見到教練杜曹同球員嘅肢體語言睇得岀士氣不跌反升,算唔算因禍得福?
意外後九個月,艾歷臣再重獲國家隊徵召
係九個月前,艾歷臣先係鬼門關前行左個圈,但好翻嘅佢就依然堅持足球,到最近成功係英超球會賓福特重新表現自己,過去踢三場入面幫球隊贏兩場,當中對般尼個場更係尾段交岀導航助攻為球隊帶嚟3分。而佢亦早前表示過自己並唔會放棄足球,亦然會想翻翻國家隊效力,目標係可以係今屆世界盃為丹麥效力。而佢呢份堅決嘅信念就帶嚟左正面嘅結果啦,佢係呢期再次得到國家隊徵召,係嚟緊國際賽期會同國家隊踢兩場分別對塞爾維亞同荷蘭,可能會先以後備身份登場。

留言


請按此登錄後留言。未成為會員? 立即註冊
    快捷鍵:←
    快捷鍵:→