英超講場 第八期週報 -- 『轉會窗蝴蝶效應下英超冠軍起變數，腦震盪換人機制再被引起關注』 精選

英超講場 第八期週報 -- 『轉會窗蝴蝶效應下英超冠軍起變數，腦震盪換人機制再被引起關注』
哥帥賽後訪問未有抱怨曼城係轉會窗買唔到簡尼
係剛過去嘅一輪賽事，曼城意外地係主場輸俾近況麻麻嘅熱刺，而係呢場比賽當中，哈利簡尼係熱刺反擊戰術上發揮關鍵影響，亦係曼城失分嘅主因之一，賽後訪問自然就挑起記者對曼城係轉會窗收購簡尼失敗嘅提問。而哥帥並無逃避或者抱怨問題，表示：『我地的確嘗試同熱刺交涉想買入簡尼，但經過兩次，三次嘅嘗試亦都唔成功，最終就無下文，我亦無對球會係呢次轉會窗嘅動作感到失望。如果我同球會有未有共識嘅地方，我地都會內部好好解決。』事實上，各種報導都係當時指主席利維為簡尼標上1.5億英鎊嘅價錢，多次不讓步下令交易告吹，而曼城亦轉移目標簽入22歲嘅艾華雷斯，但暫時就租借翻俾所屬球會用多陣先用。最尾係蝴蝶效應下失購簡尼失敗令曼城係積分榜上踢多一場下，領先分差縮到得翻六分，令英超冠軍或起變數。腦震盪換人機制再被引起關注
過去英超週末賽事，列斯聯Koch上半場頭部受傷嘅事件間接令腦震盪換人機制再被引起關注。當時Koch受傷後並無即時被換走，而係治理後球員再翻落場踢多左十分鐘後，球員自己認為堅持唔到先被換走。事件發生後，腦損傷慈善機構 Headway以及職業足球運動員協會都為有關處理方式作出批評。而其後據《郵報》報導，多間英超球會都表示現時腦震盪換人機制並未夠好，應該增加臨時替補，球員仲未得到充足保護。現時規則下，球員若因傷需接受檢查/治理就需要到場邊，場上打少個，場下醫生就好大壓力，用最快時間做決定。雖然早前英足總都跟左國際足協建議，增加左因腦震盪衍生嘅換人名額。但就有其他聲音，PFA表示反而希望實施腦震盪臨時換人。然而有一必有二，如果實行左一個可以接受臨時換人嘅方案，他日係其他因素下可能又會有類似要求，當局相信都會因為咁未必會批准，去避免日後麻煩到自己。因應烏俄局勢，歐聯決賽地點或受影響
近日烏俄局勢升溫，英國首相約翰遜表示歐聯決賽不應該再係預訂地點聖彼得堡舉行。雖然現時歐足協並未有任何「走場」嘅方案，但歐洲方面認為到時如果真係要「走場」都可以好快手搞掂，而之前亦試過因為疫情係短時間內決定轉地點。話就話要轉就轉到，但英國首相約翰遜就係宣布制裁俄方嘅政策同時，再次建議決賽地點唔應該如常係當地舉行，都咪話足球唔關政治事。