英超講場 第二期週報 --紐卡素新戰術：損人利己，熱刺賠了夫人又折兵。 精選

週報第二期，係過去呢個禮拜未有英超輪次就相對少賽事消息，主要轉會及球會大小新聞。

轉會傳聞/消息

• 紐卡素激活護級對手般尼前鋒Chris Wood嘅買斷條款，用2500萬鎊夾走呢位30歲前鋒，價錢就當然唔叫抵，但用嚟削弱關鍵對手又未必係壞事，要睇最尾成績先可以有答案，但速度慢嘅佢我個人對佢融入有啲保留啦。

• 愛華頓有意維拉26歲翼鋒El Ghazi，願意以租借/轉會方式獲得球員。而El Ghazi係古天奴空降後，出場順位亦會比依家更後。

• 維拉方面亦簽入Digne，雙方已達成約2300萬英鎊嘅價位。而拖肥就簽入流浪者嘅Patterson，費用為＄1100萬英鎊

• 熱刺門將Lloris約將於今夏到期，但Conte表示情況樂觀，相信會同佢成功達成續約協議。

英超官方宣佈贏得PPTV訴訟案
根據此前的報道，PPTV獲得2019-2022年英超聯賽中國地區轉播權後，未能在2020年3月和隨後的六個月內支付2.1億美元（1.55億英鎊）的分期付款，而其後英超官方在2020年9月終止與PPTV方面的合同。
根據英國媒體TA報道，倫敦高等法院已經判處PPTV需向英超聯賽交付2.13億美元的賠償款。判就判左啦，但唔知條數幾時找。
紐卡素頹勢未止，更係未來兩個月失去一位重要箭頭
以為紐卡素係新財主入主後，冬季轉會窗嘅第一購Tripper可以為球隊刷下運程，點知係Tripper處子上陣協助下係足總盃竟然被英甲球隊劍橋聯以1：0踢出局，令人大跌眼鏡。點知最令人擔心嘅係係賽後紐卡素公佈佢地相對可靠嘅箭頭Wilson因小腿受傷需要傷出大約八個月。要知道佢係球隊嘅神射手，係十五場入面入左六球，球隊落後追和唔多唔少都要靠佢，亦係無波在腳嘅時候帶嚟一啲Maximin等球員無嘅功能。對於19場入19球嘅佢地只會繼續入少失多，護級都咪話樂觀。
熱刺足聯盃賠了夫人又折兵
熱刺早前宣佈嚟緊至少兩個禮拜都唔會見到佢地嘅韓星Son，皆因佢係英聯盃個場受傷後被診斷需至少休息兩個禮拜，教練Conte表示佢應該無法係一月國際比賽週為國家隊候命。除此之外，佢亦有機會無辦法係一月兩場（對李城/車路士）英超大戰上陣。而Son現時為止係隊中神射手，對於教練Conte排兵佈陣嚟講當然唔係好事。賽後Conte表示車路士表現得比自己球隊強大得多，強調熱刺整體而言只係中遊球隊，需要至少一年以上先可以達到應該嘅高度，呢季每一場三分都係一件難事，暗示如果唔買人呢班兵有排執。
李城前後兩線同受傷病困擾，一月恐怕成送分童子
而熱刺嘅未來對手李城同樣有不利消息，雖然佢地搏鬥利物浦成功贏波，但Vardy原來係個場係勉強頂硬上，係對紅軍個場同Matip硬碰硬後就令情況惡化，更慘嘅係當時已經用盡換人名額，佢又再因為咁頂硬上，當然就需要換嚟代價啦，就係至少需要一個月養傷啦。諗落其實相信佢都係想拯救領隊個排水深火熱嘅情況先咁做，絕對有情有義，慶幸今次贏波保帥都算值得。但係領隊Rodgers就要為前後兩線問題擔心啦，前線可靠有Vardy受傷，冒起嘅Daka亦同樣受傷，Iheanacho就要非洲盃，無哂用得嘅正箭頭。後防中堅就只有Vestergaard健康，只可以靠防中Amartey/Nididi輪流替工，入波同防守就咁睇都無保證，可能一月都要失翻啲分。