再見不是朋友，Shall We Talk？
當年C朗係紅魔鬼嘅最愛之一，早年回歸雖然比以往嘅年輕少左啲體魄多左啲皺紋，但亦有專業態度用盡努力單季交出18球，為球隊最後時刻可以確定到歐霸資格付出甚多。坦克格入主，上至球會下至球迷都知道呢位教練所要求嘅，今日嘅C朗已未必可以場場90分鐘交到功課，後備時間人人都預到會減少。新一季只不過半季，兩者已多次因上陣時間制造唔少場外新聞，一方面要求結果，一方面就要求尊重，不論誰是誰非，今日球員同球隊嘅關係就係嚟緊過左轉會窗後兩者再無關係，事關近日呢位球皇嘅訪問間接地向球會說再見，而且不是朋友。內容主要包括球皇認為球會老闆格拉沙家族不在乎球會，亦唔識職業運動，當初回歸只因為愛同埋費格遜。而更重要嘅係佢認為球會背叛左佢，隊內有人自上年已有人想佢離開，佢亦表示球會咁多年無進步過，令曼聯球會非常不滿。最後就係補上球隊係要重建先會成功，如果個起點係佢，佢表示並不介意。事件發酵到依家，當然引發愛球皇同愛球會嘅兩邊岸對罵，愛球會嘅人當然就認為訪問好唔尊重球會，走就走，無需要咁樣大力批評，更激進嘅就放大佢年齡同近排嘅生產力WHO NEEDS RONALDO。愛球員嘅就表示佢咁樣其實只係為左推動球會改變，同埋領隊過份地不尊重呢位有級數嘅球員。
要數雙方嘅理據，絕對可以數足一篇文，對與錯只係在乎你係情感為先還是結果論為先，當中有無灰色地帶從而可以令C朗同球會，兩邊球迷有共識？有，當然有。咪就係好行嘅答案『溝通』，我地無辦法知道佢地中間決定簽約，留隊嘅時候傾左幾多，但今日嘅結果就係顯示唔夠多。球皇支體語言完全反映佢係決定留隊時上陣時間會遇到咁大折扣，而坦克第一日嘅形象就係威嚴，你就已經可以想像到硬碰硬嘅畫面，隨時除左比賽兩者都無溝通，而反而係靠第三者飛鴿傳書，過濾情緒。反映兩個問題，坦克格嘅威嚴係咪應該盲目100%施展？要知道成功嘅領導者就係不論手下點都好，都有辦法令佢信服，但靠惡並唔係成功嘅方法。而至於球員自己，一下子的確未必可消化現實導致地位有變嘅問題，但溝通至少可以知道自己係被領導下最新定位，若果出入太多，至少可以微笑再見搭句祝福，總比今日如斯田地要好。望一望自己生活日常，係時候拎起電話同對方講句：『Shall we talk?』
當年C朗係紅魔鬼嘅最愛之一，早年回歸雖然比以往嘅年輕少左啲體魄多左啲皺紋，但亦有專業態度用盡努力單季交出18球，為球隊最後時刻可以確定到歐霸資格付出甚多。坦克格入主，上至球會下至球迷都知道呢位教練所要求嘅，今日嘅C朗已未必可以場場90分鐘交到功課，後備時間人人都預到會減少。新一季只不過半季，兩者已多次因上陣時間制造唔少場外新聞，一方面要求結果，一方面就要求尊重，不論誰是誰非，今日球員同球隊嘅關係就係嚟緊過左轉會窗後兩者再無關係，事關近日呢位球皇嘅訪問間接地向球會說再見，而且不是朋友。內容主要包括球皇認為球會老闆格拉沙家族不在乎球會，亦唔識職業運動，當初回歸只因為愛同埋費格遜。而更重要嘅係佢認為球會背叛左佢，隊內有人自上年已有人想佢離開，佢亦表示球會咁多年無進步過，令曼聯球會非常不滿。最後就係補上球隊係要重建先會成功，如果個起點係佢，佢表示並不介意。事件發酵到依家，當然引發愛球皇同愛球會嘅兩邊岸對罵，愛球會嘅人當然就認為訪問好唔尊重球會，走就走，無需要咁樣大力批評，更激進嘅就放大佢年齡同近排嘅生產力WHO NEEDS RONALDO。愛球員嘅就表示佢咁樣其實只係為左推動球會改變，同埋領隊過份地不尊重呢位有級數嘅球員。
要數雙方嘅理據，絕對可以數足一篇文，對與錯只係在乎你係情感為先還是結果論為先，當中有無灰色地帶從而可以令C朗同球會，兩邊球迷有共識？有，當然有。咪就係好行嘅答案『溝通』，我地無辦法知道佢地中間決定簽約，留隊嘅時候傾左幾多，但今日嘅結果就係顯示唔夠多。球皇支體語言完全反映佢係決定留隊時上陣時間會遇到咁大折扣，而坦克第一日嘅形象就係威嚴，你就已經可以想像到硬碰硬嘅畫面，隨時除左比賽兩者都無溝通，而反而係靠第三者飛鴿傳書，過濾情緒。反映兩個問題，坦克格嘅威嚴係咪應該盲目100%施展？要知道成功嘅領導者就係不論手下點都好，都有辦法令佢信服，但靠惡並唔係成功嘅方法。而至於球員自己，一下子的確未必可消化現實導致地位有變嘅問題，但溝通至少可以知道自己係被領導下最新定位，若果出入太多，至少可以微笑再見搭句祝福，總比今日如斯田地要好。望一望自己生活日常，係時候拎起電話同對方講句：『Shall we talk?』
請按此登錄後留言。未成為會員? 立即註冊