英超講場 特別篇 -- 『三大你要知的來季新措施』

英超講場 於 20/07/2022 發表 收藏文章
仲有唔夠一個月我地終於可以迎接英超歸位,而係新一季我地可能會見到規例上有所改變,即刻同大家重點指岀三個影響較大嘅新措施!

1.將增加比賽外備用波嘅數量,增加死球後供應。
根據每日郵報所指岀,嚟緊新一季英超官方將會增加備用波嘅數量到十個。一個波會用係比賽當中,一個由第四球證看管,共兩個波會放係各龍門後,而其餘六個波將會放係邊線等不同位置,並確保不會影響鷹眼系統嘅運作。相信官方想借增加備用波嘅供應令死球嘅時間縮短,令比賽更緊湊。但如果遇上大戰一方領先1:0下,自然球員就會用盡方法消耗時間,再多波都無用,措施嘅成效好大程度要取決於有幾多快上快落對攻嘅賽事。
2.每場比賽換人名額增至五個
正如我之前嘅文章報導,疫情令五個換人名額呢個方案誕生亦係其後成為主流,係英超係啱啱一季就特立獨行用翻三個。但新一季英超就又跟翻大眾,增至五個,有評論員亦認為三個換人名額而成歷史。
3.守門員守十二碼企位規定減辣
最近如果睇十二碼,就算守門員撲到都唔可以興奮住,因為VAR會檢查係個波被踢之前,其中一隻腳要踩住球門線,否則只會被要求重射,好大機會空歡喜一場。而新一季呢項規定就迎來輕微減辣,下季守門員其中一隻腳只要企係球門線或係線後都可以被視為有效,令門將可以企更深拉遠同足球嘅距離,增加微秒之程嘅反應時間,減辣唔多但好過無。
除咗以上三大嘅重要措施之外,其實IFAB仲有幾項新嘅改變或者係對於球例上嘅完善,但係對比賽實際嘅影響或者影響嘅次數則較少,我就唔特登加長篇幅講啦,我哋下一篇文再見!
標籤: 英超  

留言


請按此登錄後留言。未成為會員? 立即註冊
    快捷鍵:←
    快捷鍵:→