踏入12月嘅下半月，對我地球迷嚟講就有雙重享受啦！不但可以享受幾日嘅假期同屋企朋友過下聖誕，仲可以享受一場又一場嘅好波大戰，不過對職業球員嚟講就可能係一年一度嘅地獄，頻密嘅聖誕賽程令佢地為左備戰可能錯過同屋企人慶祝嘅機會特別非英格蘭球員，更有機會增加佢地受傷機會，而啱啱過去嘅個個禮拜，英超就已經踩左一下油，開左輪快車啦，所以我都跟一跟節奏，係呢一期嘅賽後報導用濃縮版去同大家講呢兩輪入面兩場嘅焦點戰。
第一場就會係第十三輪嘅其中一場賽事亦都係榜首大戰，利物浦主場對住今季彈起而且近況大勇嘅熱刺，對雙方係賽前同分嚟講就知呢場係有幾需要贏。呢場比賽係踢之前，其實有唔少嘅不利因素係指向利物浦，先唔講佢地比熱刺少一日休息時間，水蛇春咁長嘅傷兵名單邊個睇到都驚，中堅又因為咁要用上小將R.Williams拍住替工Fabinho，中場個個傷或者未有狀態下，原本可以有時間慢慢成長嘅Jones都要繼續正選，係咁嘅情況下要對住今季嘅熱刺都好難講樂觀。然而，利物浦又再係呢次嘅比賽用體力同拼勁拉翻同對方紙面上嘅差距，上半場掌握局勢下成功透過半運氣折射入波，雖然射門個下有少少幸運成份，但射門前嘅組織同Jones嘅插入可以話成功滲透到入熱刺嘅大巴，值得呢半份先用實力換翻黎嘅運氣。當然熱刺都繼續做好自己招牌貨，半場少有嘅反擊但只要一次機會佢地前線嘅速度同球員個人能力就可以把握到，Son跑左成個場後再用把握力追和。可惜嘅就係，熱刺係下半場其實有更多嘅威脅攻勢，同上半場嘅利物浦交換角色咁款，但就係欠缺把握力，無辦法入到其中一球，最終埋下俾利物浦用角球絕殺嘅劇本，所以都好難怪摩佬完場同高普講踢得最好嘅一隊輸左，我諗如果調翻轉熱刺上半場踢得好下半場走樣嘅話，摩佬又未必講得岀呢句，唔知你地又會點睇佢呢句？但無論如何睇到熱刺今場可以有咁嘅表現去同利物浦抗衡，就知道佢地今季可能留係前列甚至爭冠軍嘅能力有幾大。至於第二場我就揀左愛華頓對阿仙奴呢場波嚟同大家講，係因為經過今場後我認為阿仙奴處景同內部狀態已去到非常危急嘅局面，兵工廠球迷耐性已經無哂咁濟，又走到去換帥定等待嘅分岔口。係早排嘅賽後報導，我有提及過我自己其實偏向相信阿迪達，認為佢可以帶領阿仙奴走出困境，只係需要時間比呢一位領隊經驗尚淺嘅教練去摸索。而當時阿仙奴嘅問題在於球員喺組織攻勢嘅時候我會比較心急，前場一早上晒去對方嘅禁區入面等波度，明買明賣去威脅對方，更見到阿迪達有為更衣室嘅問題召開大會都叫做有所行動可以靜觀其變睇吓有咩效果。然而，三場比賽過後，我見到嘅係球員嘅士氣已經去到低無可低嘅地步，喺場上面跑到嘅佢哋我留意唔到有戰意嘅存在，雖然過去兩場我冇去做阿仙奴嘅賽後報導，但係我亦有留意佢哋嘅比賽。阿仙奴士氣低落嘅問題已經影響到好基本嘅猜傳，若果你有睇佢哋嘅比賽，可以喺呢幾場嘅比賽入邊輕鬆見到一啲後場冇壓力差失波嘅畫面，直接將個控球權送返比對手，自己又要返返去做防守，但最慘嘅防守嘅質素又好有限，搞到每場對住咩對手都要失波，呢場亦都唔例外。同埋球員又係情緒影響下岀現領紅打少個嘅局面，就算好似俾佢地個場對修咸頓追和都好，呢啲情況都令任何士氣嘅火苗都煙消雲散，更重要嘅係佢地係近期依靠運動戰去整造嘅入球係少之又少，對傳媒話要創造型中場但又雪住半個球星嘅Ozil，解釋又模棱兩可。呢場對住愛華頓正正就自食其果，係人地一早領先下，面對住密集，猜波上去就靠哂Elneny一個，其他隊友就係前面企定定唔走位，士氣差到無哂靈魂，另外嘅情況就係靠Luiz帶到上中場見無人走位又大腳斬上去唔知搵邊個，造成咁尷尬嘅局面可以話係雪藏Ozil嘅後果。而我認為賽後訪問阿迪達所講嘅野更加令更衣室同球迷之間嘅氛圍係雪上加霜，成日都話自己壟斷比賽只係贏唔到，至少俾我嘅感覺就無反思過自己有無岀問題，最新係記者會就用自己球隊有分析團隊去計有幾多勝率去賴球員，話之前低勝率機會嘅比賽就贏到，近排好大機會贏嘅就輸，話有野作怪咁話。。。大佬呀，咪癲啦，如果用呢啲數據去計，咁阿仙奴贏英超冠軍機率咁低日後贏唔到係咪叫正常，以後唔洗爭先？個人真係建議阿迪達參考下摩佬嘅語言藝術，同認真反思下自己嘅問題，至少進攻點過急上哂去嘅問題就無咩改善啦，唔好再令自己帥位同更衣室嘅狀態惡化，否則阿仙奴換帥後，一切又要推倒重來，兵工廠球迷又要再陷入等待嘅輪迴。。。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
第一場就會係第十三輪嘅其中一場賽事亦都係榜首大戰，利物浦主場對住今季彈起而且近況大勇嘅熱刺，對雙方係賽前同分嚟講就知呢場係有幾需要贏。呢場比賽係踢之前，其實有唔少嘅不利因素係指向利物浦，先唔講佢地比熱刺少一日休息時間，水蛇春咁長嘅傷兵名單邊個睇到都驚，中堅又因為咁要用上小將R.Williams拍住替工Fabinho，中場個個傷或者未有狀態下，原本可以有時間慢慢成長嘅Jones都要繼續正選，係咁嘅情況下要對住今季嘅熱刺都好難講樂觀。然而，利物浦又再係呢次嘅比賽用體力同拼勁拉翻同對方紙面上嘅差距，上半場掌握局勢下成功透過半運氣折射入波，雖然射門個下有少少幸運成份，但射門前嘅組織同Jones嘅插入可以話成功滲透到入熱刺嘅大巴，值得呢半份先用實力換翻黎嘅運氣。當然熱刺都繼續做好自己招牌貨，半場少有嘅反擊但只要一次機會佢地前線嘅速度同球員個人能力就可以把握到，Son跑左成個場後再用把握力追和。可惜嘅就係，熱刺係下半場其實有更多嘅威脅攻勢，同上半場嘅利物浦交換角色咁款，但就係欠缺把握力，無辦法入到其中一球，最終埋下俾利物浦用角球絕殺嘅劇本，所以都好難怪摩佬完場同高普講踢得最好嘅一隊輸左，我諗如果調翻轉熱刺上半場踢得好下半場走樣嘅話，摩佬又未必講得岀呢句，唔知你地又會點睇佢呢句？但無論如何睇到熱刺今場可以有咁嘅表現去同利物浦抗衡，就知道佢地今季可能留係前列甚至爭冠軍嘅能力有幾大。至於第二場我就揀左愛華頓對阿仙奴呢場波嚟同大家講，係因為經過今場後我認為阿仙奴處景同內部狀態已去到非常危急嘅局面，兵工廠球迷耐性已經無哂咁濟，又走到去換帥定等待嘅分岔口。係早排嘅賽後報導，我有提及過我自己其實偏向相信阿迪達，認為佢可以帶領阿仙奴走出困境，只係需要時間比呢一位領隊經驗尚淺嘅教練去摸索。而當時阿仙奴嘅問題在於球員喺組織攻勢嘅時候我會比較心急，前場一早上晒去對方嘅禁區入面等波度，明買明賣去威脅對方，更見到阿迪達有為更衣室嘅問題召開大會都叫做有所行動可以靜觀其變睇吓有咩效果。然而，三場比賽過後，我見到嘅係球員嘅士氣已經去到低無可低嘅地步，喺場上面跑到嘅佢哋我留意唔到有戰意嘅存在，雖然過去兩場我冇去做阿仙奴嘅賽後報導，但係我亦有留意佢哋嘅比賽。阿仙奴士氣低落嘅問題已經影響到好基本嘅猜傳，若果你有睇佢哋嘅比賽，可以喺呢幾場嘅比賽入邊輕鬆見到一啲後場冇壓力差失波嘅畫面，直接將個控球權送返比對手，自己又要返返去做防守，但最慘嘅防守嘅質素又好有限，搞到每場對住咩對手都要失波，呢場亦都唔例外。同埋球員又係情緒影響下岀現領紅打少個嘅局面，就算好似俾佢地個場對修咸頓追和都好，呢啲情況都令任何士氣嘅火苗都煙消雲散，更重要嘅係佢地係近期依靠運動戰去整造嘅入球係少之又少，對傳媒話要創造型中場但又雪住半個球星嘅Ozil，解釋又模棱兩可。呢場對住愛華頓正正就自食其果，係人地一早領先下，面對住密集，猜波上去就靠哂Elneny一個，其他隊友就係前面企定定唔走位，士氣差到無哂靈魂，另外嘅情況就係靠Luiz帶到上中場見無人走位又大腳斬上去唔知搵邊個，造成咁尷尬嘅局面可以話係雪藏Ozil嘅後果。而我認為賽後訪問阿迪達所講嘅野更加令更衣室同球迷之間嘅氛圍係雪上加霜，成日都話自己壟斷比賽只係贏唔到，至少俾我嘅感覺就無反思過自己有無岀問題，最新係記者會就用自己球隊有分析團隊去計有幾多勝率去賴球員，話之前低勝率機會嘅比賽就贏到，近排好大機會贏嘅就輸，話有野作怪咁話。。。大佬呀，咪癲啦，如果用呢啲數據去計，咁阿仙奴贏英超冠軍機率咁低日後贏唔到係咪叫正常，以後唔洗爭先？個人真係建議阿迪達參考下摩佬嘅語言藝術，同認真反思下自己嘅問題，至少進攻點過急上哂去嘅問題就無咩改善啦，唔好再令自己帥位同更衣室嘅狀態惡化，否則阿仙奴換帥後，一切又要推倒重來，兵工廠球迷又要再陷入等待嘅輪迴。。。如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
請按此登錄後留言。未成為會員? 立即註冊