英超講場第七期丨相同戰術,不一樣的戰果丨蘇B帥位喪鐘再次敲響

英超講場 於 03/11/2020 發表 收藏文章
大家好!歡迎翻嚟收睇英超講場。英超第七輪,相信大家都知道呢輪焦點落係邊場賽事身上,咁當然就係曼聯對住作客嘅阿仙奴,終於係呢一次阿仙奴係事隔14年後終於係Old Trafford球賽帶走勝仗,入正題做翻個賽後報導俾各位先!
賽前曼聯同阿仙奴係電視直播上交岀嚟嘅陣式就分別係4231同343。但若果心水清嘅球迷就應該好容易就睇得岀兩邊都唔係用緊佢地交岀黎嘅企位。蘇B基本上沿用翻係歐聯場賽擊敗RB嘅4312,只係中場線上McTom同Bruno都翻翻正選,取以代之就係Matic同Van de Beek翻翻後備席上面,而Pogba同Fred就要挑戰一下體力再次岀任正選,特別Fred係個場仲要踢足90分鐘。然後望望下你就會發現企係中場線後面個四位後衛都係同病相憐,成隊人都有一半要承受雙線作戰嘅體力壓力,未免有啲令人費解蘇B點解唔作岀適當嘅輪換,例如可以俾Tuanzebe係上場更早時間換入場甚或因應佢係巴黎個場算係唔錯嘅表現而俾個正選機會佢,減低後防人員承受嘅體力壓力外仲可以維持質素。所以係調動輪換不善呢項嘅弱點,蘇B依然未有進步。之所以曼聯再次用上4312或多或少可能因為呢兩位對手都係近排幾常有3中堅嘅陣式,眼見週中能夠大勝而回,就用翻一樣嘅陣式去對付對手,可惜就計漏左阿仙奴球員係企位上比RB彈性得多,令算盤打唔響,講到呢到就要講下阿仙奴佢地做左啲咩啦。
簡單啲講,阿仙奴紙面上嘅3中堅實際上企岀黎更似一個433,而因為人員上嘅彈性比RB好,係需要時可以因應情況係3中堅同4後衛之間切換。前鋒線上嘅三位球員可以留意到企位較窄同埋收得好中,最主要就可以完全封死曼聯中場線嘅接應,被迫用上自己較少支援較弱嘅邊線,造成曼聯係上半場經常攞住個波唔知點做上去。而Saka就係阿仙奴要變換陣型嘅一個齒輪,佢既可以擔任左翼衛更可以收翻入去做左中場,令佢地唔會單一地俾對方一種戰術限制到,相反阿仙奴更成功用自己嘅方法迫到曼聯要用到自己最弱嘅位置去進攻,4312邊路上比較依賴兩閘上落覆蓋走廊嘅能力,但Shaw同Wanbi亦唔算最佳人選,特別係進攻上嘅能力。要突破中場就好需要中場靈活走位回後,但往往又會頻頻失誤,以普巴嘅表現最為糟糕,不斷斷纜後又要急急腳企翻去防守,變相攻守都做得唔好,雖然下半場蘇B有叫球隊中場打翻開,普巴都會上多左兩邊加強前場逼搶,但可惜攻勢上都未算因為咁有明顯進步,係一次防守失誤下被對手搏得十二碼,蘇B再係強強對話中輸波,以上種種因素亦係曼聯未能夠用一樣陣式照板煮碗再次贏波嘅原因。
係呢場比場後,一度以為有少少起色嘅曼聯又一下子俾呢場敗戰打回原形,蘇B帥位嘅壓力亦都重左唔少,6場比賽只贏得2場,其中一場更係係吹雞之後先至靠十二碼贏波,相信唔洗我特別講係邊場啦,但至少作為一支Big6隊伍絕對唔應該係咁嘅表現啦!曼聯嚟緊週中踢完歐聯後翻到聯賽仲要面對住暫時排第4今季有黑馬味道嘅愛華頓,你話若果呢場再輸...我估董事局應該無哂耐性,準備好手起刀落。還望蘇B能夠及時救翻自己一命!
如果唔想睇咁多字嘅歡迎去我Youtube channel 係個到我會用聲音同大家報導,翻工撘車聽就最岩啦!記得訂閱同開通知就唔會錯過我嘅賽後報導啦!
https://www.youtube.com/channel/UCFljyz_WSzX9CzmoP6UO4Jw

如果喜歡我們的文章,請即分享到︰

標籤: 英超講場  英超  阿仙奴  曼聯    愛華頓  

留言


請按此登錄後留言。未成為會員? 立即註冊
    快捷鍵:←
    快捷鍵:→