[英超第九輪] VAR當主角下的另一場和局 熱刺1:1屈福特

英超講場 於 25/10/2019 發表 收藏文章
原本主場出擊嘅熱刺應該以為揾到一個最好不過嘅岀氣袋,點知係自己屋企都要失2分,同包尾嘅屈福特握手言和。下輪英超仲要作客晏菲路,你都咪話唔擔心呀。


熱剌今場排岀一個佢地極少岀現既陣型,竟然大玩三中堅。你問佢地習唔習慣?開波六分鐘用一個失球答左你啦。俾人睇定黎斬個斜線高波然後拉右最後傳中由杜哥尼完成入球,好得意既係明明用左三中堅,但禁區內三人回防速度就慢慢黎咁,走甩入波嘅杜哥尼,見到咁嘅情況真係不如用翻四後衛好過啦。。。至少企位上已經可以好大機會到避免斬斜線之後danny rose回追不及既問題,增加對方傳中嘅難度。再者,實在不明白普帥嘅取態,皆因3421進攻的能力有限,已經多場不勝下,仲用一個咁少進攻點嘅陣型。好啦,若果取態防反,前面又會唔用純快馬嘅,孫大人竟然不在陣中只作後備,我明白留力歐聯,但作反擊前面孫大人加摩拉反撃不是更具威脅?然後可以令哈利休息,俾個機會佢國際賽舟車勞頓之後回氣,成件事既合理,又有效。然而,最終岀黎嘅陣型及人選皆不能令熱刺發揮得最好,當然球員薪金過低,不和,國際賽後體力不足及有正選門將重傷等都係潛在因素令整體表現下降。但普帥今次實在需要為失2分付上比較大責任,陣容不妥令熱刺不足六分鐘被榜尾攻破大門,你叫球員點樣士氣唔低落係唔熟悉嘅3中堅排陣下有好表現呢?下場作客利物浦希望普帥可以慎重考慮陣營及人選,令球隊唔洗輸係起跑線。


至於屈福特,首先真係為韋碧克感到遺憾,走岀大傷後難得正選上陣,但唔夠四分鐘就傷岀,希望只係因為熱身不足造成嘅普通拉傷嘅情況,同埋早日康復揾翻球感話哂佢都28歲架啦。早段先領先嘅屈福特其實後期表尚可,有一兩次反擊非常入肉,只不過一次被擋一次就var覺得無被侵犯而失去2:0嘅機會。而失球上,後防及龍門賓科士打就需要付上最重嘅責任啦,溝通上誤會及甩手令Alli偷雞搶翻1分,不過要講整體表現的話其實屈福特值得全取三分,而VAR又係呢個時候成為和波嘅原因。


從慢鏡上,我地可以清楚見到迪路菲奧被維頓漢落剷後侵犯,球證從後睇唔到無即時吹到我理解,但有各種重播及慢鏡技術嘅VAR裁判竟然話係龍門球。。。用VAR用到好似無用咁,所以我覺得英超有需要改善VAR,呢啲關鍵性嘅判決應該俾第一球證用細電視機翻睇,確保吹罰尺度一致及更公正,而決定後更可向投訴解釋自己觀點,既公平又可以解決球員疑惑及不滿,收拾心情繼續比賽。希望冬季後或下季,英超可以完善VAR的使用,唔洗俾VAR做左精華嘅主角。

如果喜歡我們的文章,請即分享到︰

標籤: Watford  hotspur  alli  VAR  熱刺  屈福特  韋碧克  英超  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→