[英超第九輪] 和局收場嘅雙VAR會

英超講場 於 22/10/2019 發表 收藏文章
雖然第九輪英超仲未完,但係小編已經急不及待想為大家送上呢場嘅賽後評。以和局收場嘅雙紅會,相信對唔少人來講應該係一種爆冷,到底發生咗啲咩事先可以有咁嘅結果?


先分析一下有主場之利既曼聯,唔知大家仲記唔記得賽前我嘅分析?小弟提過曼聯要有一線希望,蘇B就必需放棄4231結構提高球隊防守力,把握反擊。而經過兩星期既國際週,蘇B又真係諗通左,針對性改變陣型為球隊注入左新元素,用352對抗利物浦。後防上可以分工更分明,3對3既局面經常岀現完全限制3叉戟既進攻,再令用邊翼衛為經常後上助攻既利記兩閘帶黎壓力。而中場就係亂搶流,減少對方舒服控球既節奏,配答快馬倒三角進行反擊。部署上其實真係不錯,開局更嘗試積極迫搶,有效令對方失誤,失去球權。係領先後就防線退後,中後場先保守迫下,352變532大巴。除咗部署上值得一讚,球員嘅心態亦都非常積極,完全放低左連敗嘅陰影,成功地如我想講將士用命踢場好波,值得獲得一分。然而其實呢場,正正可能係今季曼聯嘅縮影,反映曼聯無法主攻,只可以靠打反擊搵食,長遠而言球隊嘅未來亦不算樂觀。


至於利物浦,今場表現其實比預期差,未如大部人預測壓住曼聯黎踢,然而背後其實有幾個原因。一,國際周期嘅影響,明顯見到軒達臣受到體力不支及狀態嘅影響,影響中場運轉。二,失去沙拿尖刀,origi並未可以成功代替製造速度上威脅,。三,中場失誤過多,未能企穩陣腳。高普某程度上都要負擔責任,開局見到對方352,球隊未能預期發揮,係半場其實已經需要調動,至少企位上需要改變,皆因對方352成功拉開自己中場,然後分邊傳中直接反擊,下半場60分鐘先調實在有少少遲,球隊其實有幾次機會輸反擊需要失多球。慶幸嘅係,換入嘅中場球員,雖然平時唔多上陣時間,但係今次換上嚟之後都交到貨,狀態唔錯甚至好過正選,成功一輪猛攻之下令曼聯走甩啦啦啦追和。


至於今場既執法同VAR,必定係一大問題,實在有待改善。曼聯既入球,無疑係因為係犯規之後獲得利益有反擊嘅機會造成入球,其他聯賽早有相關案例,大部份亦會吹罰入球無效。既然用得VAR,點解可以覺得呢次入球係冇問題?最簡單yes no question,球隊係咪因為係犯規之後直接得到入球機會?答案其實已經足以入球宣告無效。另外,英超VAR比較唔同,球證往往都會相信VAR中心嘅決定而唔會自己翻睇,存在尺度不同嘅問題,實在有改善嘅空間。希望英超既然決定以VAR提高球賽嘅公平性及判罰嘅準確性就貫徹到底,否則VAR只會繼續做Man of the match.

如果喜歡我們的文章,請即分享到︰

標籤: liverpool  利物浦  英超  紅魔鬼  沙拿  雙紅會  曼聯  Big6  軒達臣  VAR  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→