第九輪焦點賽事預測: 曼聯對利物浦

英超講場 於 19/10/2019 發表 收藏文章
第九輪焦點賽事預測: 曼聯對利物浦

嚟緊禮拜日夜晚23:30就會上演今輪既大戰,雙紅會。然而呢場所謂既「大戰」,係今季Big6球隊中,分數上差距最大既一場「大戰」。無疑以今季嘅班底,球員狀態及球隊近期表現種種方面上,利物浦都會係佔優既一方,以合理既分析及計算,結果都比較一面倒,但當然小編都要循例上分析所有既可能性。


對於利物浦嚟講,坐和望贏係一個合理嘅預測。若果領隊高普主力盡岀,用翻開季至今既陣型,球隊狀態正常之下,其實唔需要擔心紅魔鬼。要考慮嘅因素在於高普會唔會為雙紅會三日後既歐聯比賽作輪換,我認為作出合理嘅輪換適當不過,唯一需要擔心嘅係高普係過度輪換下,造成戰術及陣營上變質既情況。其次,係沙拿及正選門將艾利臣會唔會因為安全起見繼續缺陣,佢哋兩個係球隊一攻一守都擔任一個好重要嘅角色,亦其沙拿若缺陣,有可能係對住泊大巴既曼聯下無辦法攻得入。最後就係後防上大將軍雲迪克狀態上嘅疑慮,皆因係啱啱嘅國際比賽週佢同祖記既金童子輪流做後防炸彈,犯下唔少低級錯誤,若果呢支定海神針繼續發揮低迷,有機會令利物浦後防不穩。


至於曼聯,坦白講無論邊個領隊,都會無計可施。站在蘇B立場,不但實力上傳有差距,仲遇上正選球員冇辦法主力盡岀嘅情況再加球隊敗於紐卡素後未必可以走出低迷下,要同利物浦抗衡可以話係螳臂擋車。能夠為曼聯帶來一絲嘅希望,就係作為領隊可以發表一啲震撼心弦嘅說話,團結軍心,令到場上面11位球員,拚死咁做好防守,好好把握一兩次嘅反擊,先至有機會演上爆冷嘅劇本。最重要嘅係一定要做好防守,放棄4231,用4312等保守陣形,充分保護好後半場,仲可以用企位係泊大巴時做好禁區頂既防守,否則先失球,不但軍心大亂,仲因為被動下焗攻,爆露更多空位,後果只會大敗。就睇曼聯上下有冇拚死一戰嘅決心,唔好輸俾人睇,踢翻漂亮嘅一仗。


標籤: 利物浦  高普  曼聯  雙紅會  Big6  紅魔鬼  沙拿  艾利臣  雲迪克  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→