http://imageshack.com/a/img577/579/8q.gif
由元朗搭西鐵出到紅磡折返旺角東，穿過新世紀廣場戲院前的通道，還有3分鐘就開賽了，要開步跑了，於扶手電梯上跨過好幾個行李箱，到了太子道西，往花墟直奔，去到新的主場，旺角大球場;怱怱忙忙的購票，心想好彩呢度係唔駛再跑去側門嘅啫。步入球場，見到個球場比很多很多的黃色banner包住，嘩，真係似模似樣喎，再望著望著，不其然盯著那個新的會徽，整個人就呆站著，思緒被扯回去6年前。回到過去，6年前，2008年，天水圍飛馬剛進駐在我家附近的元朗大球場作為主場。一天，我有夠悠悠沒事做的便打算進進場看看。怎料打波先黎諾懿，停賽了，真掃興! 幾天後重賽，我決定再次衝閘進場。
當時又是剩下幾分鐘就開波，所以我又趕急地一個箭步去到大門口，被康民署人攔下來，我大聲問道為什麼，他答道請從側門進場。心諗好端端的有正門不用，香港波的安排果然非同凡響。幸好本大爺雅興大發，側門就側門，都免得跟你吵。誰知那個TMD側門要走到老蓮咁遠，搞到我睇波都要熱身。氣來氣喘的走到真正的入口，速磅60個大洋，眼見現場已有千九幾人，好彩我一支公，還是可以搵個中間高層靚座。坐在隔鄰的伯伯問: 今晚咩對咩?我答道: 天水圍飛馬主場對南華呀, 唔知邊隊對邊隊你都入嚟睇嘅? 伯:都痴根嘅, 呢道元朗嚟加麻，叫乜鬼天水圍飛馬啫，都short short地既。唔呢個問題...因為我都唔知點解嘅關係，我敷衍說:是但啦，舊時天水圍同元朗都冇分得咁清楚架啦; 呀伯再說一遍: 咁呢度真係元朗嚟麻，叫乜鬼天水圍呀。話已至此，我都不再搭咀了。而喺講下講下途中，兩隊球員已經出哂嚟準備開波喇，一開波嘅時侯…喂頂!唔係唔化，6分鐘失就先失一球，呢個時候雖然知道比數係1-0，不過都下意識搵個分牌望望，喂，頂你個肺，白色手動分牌?!陸運會咩?咩料呀師傅?咁搞鬼嘅? 當我仲沉淪喺個人肉分牌之際，佢地經已再輸多粒，而隔離呀伯已經將尐鬼掉哂出嚟了。2比0，南華迷馬上叫囂，喺元朗大球場，佢地喺你個地頭叫囂，全場元朗/天水圍居民此時只能夠發出微弱的「知知浸」聲，很不是味意。直至，一個身穿黃色波衫的11號黑鬼射入一球,呢一球嘅擦網聲劃破主場球迷的寂靜！全場立即hi爆! 人肉分牌一轉，2-1，半場完。半場時,雖然隔離呀伯繼續從口中掉出飛馬的不是，我卻感受到那份愛之深恨之切的感情，我知道，經過呢45分，呀伯同我都已經愛上左呢隊波了。呢場波，天水圍飛馬最後以3-2力克南華，不過，贏左場波，輸左3分，原因係中途很上線地換多左個外援落場，故此被判為輸3蛋。縱然發生尐咁不幸嘅事情，但係都無阻我對球隊日漸增長的感情:每次見到那件印有PLAYSATATION的波衫，那個很J LEAGUE FEEL 的會徽，那句很有韻的天~水~圍~飛馬! (前3個字略帶停頓，後2字急速帶勁)每一樣東西都令我感受到這一切都屬於我的我的天水圍飛馬。
回過神來，發現自己已昂首首的站了幾分鐘來追憶往事，故馬上踏上觀眾席坐低。也跟旁邊的伯伯say了個hi，他說:而家喺旺角踢好好多，邊鬼個會去到天水圍睇場波呀。我話: 唔係呀，之前係要去元朗睇呀。呀伯答:一樣樣啦，總知而家喺旺角好好多。呀伯重覆地如是說。
旺角二字在腦中迴盪，再想起那個會徽，雖然已換了一季，但突然覺得那個太陽看起來很刺眼，心口的遊戲機已變成了搜尋器，那句很順口的天~水~圍~飛馬不見了，再抬頭望望又見到啟基學校4個大字…所有東西併揍起來感覺很不對勁。呆呆的看了個半場，中場休息無無聊，戴起headphone，按下shuffle，耳機傳來了my little airport的歌聲，當聽到
「這香港已不是我的地頭，就當我在外地飄流」
明，明哂! 所有怪怪的感覺好像已找到了答案，我決定離開球場，離開這個眾人的地頭，帶著半點鄉愁，搭上68X，揚長而去。
再見了，被太陽殺死了的飛馬，不再天水圍的飛馬。
車水馬龍
(宣傳易: 仲有一篇講賀歲波，有興趣可看看)
仲有仲有facebook page「足球士多」，有請大家得閒like一like，有野就講低。
https://www.facebook.com/FootballStoreHK
由元朗搭西鐵出到紅磡折返旺角東，穿過新世紀廣場戲院前的通道，還有3分鐘就開賽了，要開步跑了，於扶手電梯上跨過好幾個行李箱，到了太子道西，往花墟直奔，去到新的主場，旺角大球場;怱怱忙忙的購票，心想好彩呢度係唔駛再跑去側門嘅啫。步入球場，見到個球場比很多很多的黃色banner包住，嘩，真係似模似樣喎，再望著望著，不其然盯著那個新的會徽，整個人就呆站著，思緒被扯回去6年前。回到過去，6年前，2008年，天水圍飛馬剛進駐在我家附近的元朗大球場作為主場。一天，我有夠悠悠沒事做的便打算進進場看看。怎料打波先黎諾懿，停賽了，真掃興! 幾天後重賽，我決定再次衝閘進場。
當時又是剩下幾分鐘就開波，所以我又趕急地一個箭步去到大門口，被康民署人攔下來，我大聲問道為什麼，他答道請從側門進場。心諗好端端的有正門不用，香港波的安排果然非同凡響。幸好本大爺雅興大發，側門就側門，都免得跟你吵。誰知那個TMD側門要走到老蓮咁遠，搞到我睇波都要熱身。氣來氣喘的走到真正的入口，速磅60個大洋，眼見現場已有千九幾人，好彩我一支公，還是可以搵個中間高層靚座。坐在隔鄰的伯伯問: 今晚咩對咩?我答道: 天水圍飛馬主場對南華呀, 唔知邊隊對邊隊你都入嚟睇嘅? 伯:都痴根嘅, 呢道元朗嚟加麻，叫乜鬼天水圍飛馬啫，都short short地既。唔呢個問題...因為我都唔知點解嘅關係，我敷衍說:是但啦，舊時天水圍同元朗都冇分得咁清楚架啦; 呀伯再說一遍: 咁呢度真係元朗嚟麻，叫乜鬼天水圍呀。話已至此，我都不再搭咀了。而喺講下講下途中，兩隊球員已經出哂嚟準備開波喇，一開波嘅時侯…喂頂!唔係唔化，6分鐘失就先失一球，呢個時候雖然知道比數係1-0，不過都下意識搵個分牌望望，喂，頂你個肺，白色手動分牌?!陸運會咩?咩料呀師傅?咁搞鬼嘅? 當我仲沉淪喺個人肉分牌之際，佢地經已再輸多粒，而隔離呀伯已經將尐鬼掉哂出嚟了。2比0，南華迷馬上叫囂，喺元朗大球場，佢地喺你個地頭叫囂，全場元朗/天水圍居民此時只能夠發出微弱的「知知浸」聲，很不是味意。直至，一個身穿黃色波衫的11號黑鬼射入一球,呢一球嘅擦網聲劃破主場球迷的寂靜！全場立即hi爆! 人肉分牌一轉，2-1，半場完。半場時,雖然隔離呀伯繼續從口中掉出飛馬的不是，我卻感受到那份愛之深恨之切的感情，我知道，經過呢45分，呀伯同我都已經愛上左呢隊波了。呢場波，天水圍飛馬最後以3-2力克南華，不過，贏左場波，輸左3分，原因係中途很上線地換多左個外援落場，故此被判為輸3蛋。縱然發生尐咁不幸嘅事情，但係都無阻我對球隊日漸增長的感情:每次見到那件印有PLAYSATATION的波衫，那個很J LEAGUE FEEL 的會徽，那句很有韻的天~水~圍~飛馬! (前3個字略帶停頓，後2字急速帶勁)每一樣東西都令我感受到這一切都屬於我的我的天水圍飛馬。
回過神來，發現自己已昂首首的站了幾分鐘來追憶往事，故馬上踏上觀眾席坐低。也跟旁邊的伯伯say了個hi，他說:而家喺旺角踢好好多，邊鬼個會去到天水圍睇場波呀。我話: 唔係呀，之前係要去元朗睇呀。呀伯答:一樣樣啦，總知而家喺旺角好好多。呀伯重覆地如是說。
旺角二字在腦中迴盪，再想起那個會徽，雖然已換了一季，但突然覺得那個太陽看起來很刺眼，心口的遊戲機已變成了搜尋器，那句很順口的天~水~圍~飛馬不見了，再抬頭望望又見到啟基學校4個大字…所有東西併揍起來感覺很不對勁。呆呆的看了個半場，中場休息無無聊，戴起headphone，按下shuffle，耳機傳來了my little airport的歌聲，當聽到
「這香港已不是我的地頭，就當我在外地飄流」
明，明哂! 所有怪怪的感覺好像已找到了答案，我決定離開球場，離開這個眾人的地頭，帶著半點鄉愁，搭上68X，揚長而去。
再見了，被太陽殺死了的飛馬，不再天水圍的飛馬。
車水馬龍
(宣傳易: 仲有一篇講賀歲波，有興趣可看看)
仲有仲有facebook page「足球士多」，有請大家得閒like一like，有野就講低。
https://www.facebook.com/FootballStoreHK
請按此登錄後留言。未成為會員? 立即註冊