[車水馬龍講英超]8號之轉承

http://imageshack.com/a/img841/8110/on3.gif

除了7號, 其實近兩代的曼聯8號仔都十分出色。你可能即刻問唔係呀嘩，安達臣都算出色?安達臣這種貨仔，出得咁少又唔揹唔起飛，當然配不上為一代8號。
再對上就朗尼，咁佢最出色既時候絕對係轉著10號之後，所以在我心目中亦未在一代8號仔之列。
對於90年代先開始睇波既小弟馬龍我, 想說的第一代曼聯8號係: 一代恩斯Paul Ince.


恩斯是曼聯近10年最缺乏的鐵血戰士式球員。
如果說曼聯7號是領導者, 恩斯代表的8號就是旁邊的硬淨仔G4!
dirty work做盡，企出黎都嚇死人既氣勢, 絕對是我心目中曼聯8 號球員的模板!


恩斯退下 (個衰佬後來仲輾轉走左去利記) ，畢特上位。
作為鐵血8號轉承者，畢特雖未達世界級，可是恩斯那份兇狠，還是隱隱於那個背上的8號滲出來。
第二代奧脫福G4畢特，保護了曼聯的中場，讓史高斯，碧咸，傑斯等師兄弟盡情進攻，亦成就了一個黃金時代。

00's 中段畢特離隊，這個球場上的G4亦不復見了...

事實上夏格維維斯絕對是第3代的理想人選，只是不幸當上了受傷的文員。
之後的費查算是無限接近這種打法的球員，又再一次，受傷怪病，令曼聯始終未出現恩斯畢特的轉承者。

如今曼聯8號再度出銷，由8號大刀換上華麗銷劍，雖然仍然未能完全復刻曼聯防中8號，
，不過希望馬達這個新生8號也可呈現出他們那份打不死的鐵血精神，令這傳統8號的靈魂得以轉承下去吧!




馬年要送走瘟神, 祝大家馬達精神!