敗在自己手上的曼聯精選

由我們的足球場於 04/05/2014 發表收藏文章

今晚曼聯係主場迎戰新特蘭.最終以0:1輸左比新特蘭
其實輸波事小，只係我見到出賽名單已經十萬個問號....
1迪基亞

3艾夫拿 15維迪 5里奧費迪南 4菲爾鍾斯

16卡域克 24費查

8艾殊利楊格 17蘭尼

8馬達

14靴南迪斯

後備名單:
40賓艾莫斯，12史摩寧，25華倫西亞，31費蘭尼，44贊奴沙19韋碧克，20雲佩斯

問題1: 明知上場戰術成功，但依然要改陣，并用上無狀況的球員。

按此觀看圖片

真係唔明，上場已經睇得好清楚香川同華倫既發揮，揚格今場既表現真係麻麻...無咩出到好波之餘防守又無力...攪到菲爾鍾斯不停後上出波，當然菲將軍既出波能力就有所保留啦...而蘭尼唔係踢得差，只係已經一段時間無上陣，而對比賽有小小生疏，所以左路主要攻勢都係來自艾夫拿，下半場換入贊奴沙都正路。
問題2: 換走前場唯一既分波球員

按此觀看圖片

另一個重要問題就係，今場曼聯大名單中能擔任穿針引線角色既球員只有馬達，但係傑斯就係66分鐘換入雲佩斯同韋碧克取代馬達同楊格...放三前鋒啱定錯，我唔敢講，不過收左個分波既球員來放三前鋒就好似有多少問題。三前鋒;小豆，雲佩斯同韋碧克都係好相似既類型既攻擊手..."禁區內機會型攻擊手" 係無人分到波入禁區既情況下佢地三個都係發揮唔到應有既實力...加上小豆今場本身無咩狀態啦....
問題3: 香川同朗尼連後備名單都無份...

按此觀看圖片

其實好奇怪，朗尼一直都係曼聯既攻擊核心，雖然未必好成功，但係上場係馬達,香川同埋華倫既幫忙低下的確打得唔錯....今場連大名單都無份未免有點那個...加上雲佩斯其實都係啱啱復出根本未知佢狀態既情況下其實朗尼相對會係更好既選擇啦
其實.....

按此觀看圖片

連只會打FIFA既我都知收起馬達，放三箭頭係并唔係可行之計既時間
上場作出色調動既傑斯就偏偏做出這種百思不得其解既行動。
加上本場大軍名單，真係唔多唔少覺得曼聯今場完全係輸係自己手上

標籤: 曼聯新特蘭傑斯

留言

我要評論
請按此登錄後留言。未成為會員? 立即註冊

nukylo 於 04/05/2014 評論 NO. 1
朗尼傷左。。
ric chung 於 04/05/2014 評論 NO. 2
感覺傑斯似試陣，同埋可能幫班球員提升狀態，同埋5踢歐霸應該係好事，世界盃後踢少樣，球員休息都多d
利申：曼迷，睇哂全場
lawger 於 04/05/2014 評論 NO. 3
兄弟欠3分，當然做野啦！
btw, 一向覺得giggs 未夠班
Pansley Cheung 於 04/05/2014 評論 NO. 4
仲有中路出得太多老將，令到攻守好慢，無好快壓迫和幫手 hold ball!
Ricky W 於 04/05/2014 評論 NO. 5
比三分佢護級吧
RD P仔於 04/05/2014 評論 NO. 6
以Giggsy既能力，似乎唔係排陣或換人既錯，陰謀論就似係刻意送分，但同時亦深感幫班球員提昇狀態。另外，楊格其實好努力去打好場波，只怪佢已經唔太夾隊波既隊形戰術，下季仲見到佢既機會係50/50,事關佢始終係英格蘭球，於歐洲足協既條例下，本土球既比率係有要求，而佢亦並非完全廢，留下還是有機會。至於Nani，太耐無落場，球感係差多少，踢多兩場提昇狀態，下季配合Mata、Kagawa，應該係好好睇既攻擊組合。利申。。。曼迷
siuman64 於 04/05/2014 評論 NO. 7
球員留力世界杯
李柏夕於 05/05/2014 評論 NO. 8
Rooney受傷吖……
sun1980 於 05/05/2014 評論 NO. 9
我覺得傑斯做得好好。

佢要先用1,2場甚至3場時間試用所有曼聯的球員，咁可以睇出邊d球員有態，邊d球員無態

下一場好明顯會出番香川而收起楊格，有準備而態一樣差既球員應該被雪藏