冬季市場第一簽 - 雲迪積克加盟利物浦

冬季轉會市場尚餘4天才正式開始，不過已經有一單大交易。

搞咗成個夏季既修咸頓中堅雲迪積克(Van Dijk)終於而家成功轉會利物浦，轉會費高達7千5百萬磅，比起今夏加盟的B.文迪(Benjamin Mendy)的5千2百萬磅還要高，成為全球最貴後衛。

自從由蘇超冠軍些路迪轉會修咸頓，雲迪積克表現穩定，甚至間中的助攻也偶有佳作。身型健碩的雲迪積克，腳下功夫也有一兩下子，偶爾能交出美妙傳送。


不過自傷癒後，加上夏季的轉會風波，荷蘭國腳今季似乎未有突出表現，同時由於曾經交出轉會申請的他，似乎與球會/隊友亦多少隔膜。

雖然利物浦今季前面炸死人，後面就玩自爆，不過加入一個中堅係咪真係可以解決到，而7千5百萬磅係咪真係值得都係未知數。

連埋雲迪積克，利物浦自2014年已經由「聖人超市」同購入6名主將，合共付出1億7千萬磅。