Sorry,抽中佢添-2017-18英格蘭足總杯第三輪

英格蘭足總杯係英格蘭所有足球隊都可以參加既杯賽,職業既英超英冠到第十級別既業餘區域聯賽入面都可以參賽。上年就有當時位於第五級別聯賽既林肯城 (Lincoln City) 殺到入八強先比今年衛冕既阿仙奴擊敗。

第三輪又有乜咁特別呢?就係因為每屆足總杯第三輪開始,英超既球會都會加入比賽。
而今年既抽籤就喺今個星期一(12月4日)完成,當中都有唔少唔錯戲碼。

重頭戲當然係利物浦市打吡,利物浦主場迎戰愛華頓。主隊已經聯賽連續6場不敗,其間轟入19球。而客隊則自大SAM (Sam Allardyce) 執教後二連勝 (第一場大勝韋斯咸大SAM才剛簽約,並未領軍)。

另一場應該都相當有睇頭既就係白禮頓主場鬥水晶宮,兩隊喺40-50年代開始已經視對方為勁敵。而呢一對勁敵既對抗賽有個幾特別既花名,稱之為M23對抗賽。(維基話係因為M23公路隔開兩隊咁喎)

由於大部分低別聯賽隊伍都需要重賽,所以暫時未知會唔會有業餘球隊入到第三輪。

而另一個足總杯引人入勝既原因就係經常會出現巨人殺手 (Giant Killer),如果提到巨人殺手,梳士貝利 (Shrewsbury) 而家英甲排第二,第三輪會對上而家英超尾二既韋斯咸。

另外老牌球會 AFC溫布頓 (AFC Wimbledon) 就會到訪同市既熱刺,由於熱刺主場翻新,今季採用所有英國足員都夢未以求踏足既溫在萊球場 (Wembley Stadium)為主場,所以爆冷絕唔出奇。

如果計英格蘭既足球金字塔 (Football Pyramid) 相差最近既兩隊唔係黎自同一個聯賽既對壘,而係由英超包尾既史雲斯到訪英冠榜首既狼隊。(截至2017年12月7日)

最後,喺今次抽籤入面,出現咗幕都幾好笑既。今次負責抽客隊既係喺諾定咸森林出道既前英格蘭國腳贊拿斯 (Jermain Jenas),當佢要幫諾定咸森林抽出對手時,抽出既係上屆冠軍阿仙奴,主持人就問佢:「你覺得點?滿意?」佢既答案係:「Sorry」

去片:https://youtu.be/nGQdlM64eJA?t=6m15s

所有賽程可參: http://bit.ly/2zW4QoD

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→