教皇馬係就係有成大隊億萬球星任你駛，落到場球證都會俾吓面，但其實有苦自己知，搞掂呢班大帝，唔係咁易架！就算識「拖舟」，都未必拖得掂一支銀河艦隊。
周末皇馬大炒西維爾一場，基本上掃除了今季西甲奪冠最後一大障礙，如無意外可直趨終點，睇巴塞食白果。不過，呢場波又有球員在被換出時公然唔妥施丹，今次呢個仲要係「親生仔」黎。
莫拉達下半場被換出時黑口黑面，施丹主動與其握手，點知佢掂行掂過，「拖舟」伸手拖佢都不獲理會，擺明不滿呢個調動。今次已經是近期第三個皇馬球員出現類似事件，個多月前首席球星C朗被換走，離場時說「為何是我」，然後說了一句西班牙語粗口。之後過了不到一個月，另一大牌球員J洛在下半場被撤換時，又說「老母XX！全場都不讓我踢足」。
施丹每次都想息事寧人，事後還為球員說好話，表示人人落場都希望踢足全場，可以諒解。今次佢又拆解，話莫拉達發皮四唔係因為被換走，而係因為其他事，不過唔知係咩事.... 得啦得啦！施苦，明白了！
不知是施丹在更衣室管治威信太低，還是皇馬球星太大牌，這種事情竟接二連三出現，而且愈來愈平民化，連角色基本上是後備球員的莫拉達也有樣學樣，對主帥不尊重之風，在隊中已有蔓延跡象，令人替施丹擔心。
雖然莫拉達沒有爆粗，但上兩次死硬派皇迷還可以話讀唇專家作嘢，但今次一切都暴露觀眾眼前，施丹真係要諗諗計。始終佢都只係坐正一年多，雖然好大機會成為首位蟬聯歐聯冠軍的領隊，本身又曾是皇馬球王，但如果有球員認為一切成績是自己功勞，自己才是球王，施丹帶隊捧幾多獎盃，都未必有助贏得這些部屬的尊重。 http://en.as.com/en/2017/05/15/football/1494863007_497391.html
請按此登錄後留言。未成為會員? 立即註冊