曼聯「知名球迷」李克勤在網上貼圖，顯示自己捱夜睇波捧紅魔場，見證愛隊在足總盃反勝布力般流浪晉級。克勤在凌晨一時發訊，自稱是「真魔粉」，還問「有誰跟我一樣？」
相信有不少曼聯球迷都和克勤一樣，有留意曼聯的這場比賽。之不過，克勤收看的是網上串流直播。有傳媒指克勤作為音樂創作人，這是公然上網盗看曼聯球賽，侵犯知識產權，但傳媒可能未有留意，以近年克勤事業的發展方向，你怎可肯定他睇波時是身在香港而不是內地？
克勤第二天知道出事，急忙「補鑊」說昨晚自己不在香港，解釋因看不到電視直播才上網觀看。不過，理論上侵權的事是沒有國界的，即使盜看者身在的城市沒有此場賽事的合法轉播，沒有轉播者的利益因而受損，曼聯仍是利益受侵害者，有權作出追究。
其實，因沒有其他方法而被逼要上網看非法串流，相信球迷都會體諒，但靜悄悄看過便算了，作為公眾人物和創作人，公然分享和推廣這種睇波方式，就難免會受到非議。
事件最精采的是續集，擁有足總盃比賽轉播權的樂視作出抽水回應，在官方社交媒體貼出克勤上網睇波圖片，藉此警告球迷「睇波最緊要合法，切勿以身試法」！然後乘機推銷佢哋有個「逐月計」收費計劃，最後仲要「交俾堅成」，引用樂視足球評述員馮堅成提出，可以送上會籍給克勤(又講「送禮」~)，等佢可以安心合法睇波咁話。樂視今次搞笑處理，變相免費有名人做代言人，克勤俾人抽到乾塘都無得出聲，呢招高呀！[size=80]
請按此登錄後留言。未成為會員? 立即註冊