距離俄羅斯世界盃尚餘幾日，各隊已經呈交23人大軍名單，當中有人歡喜有人愁，總會有球員落選令人感到可惜，情況就正如當日有球隊未能晉身決賽週一樣。既然大家都咁可惜，無得踢世界盃，不如等筆者幫你哋搞返場比賽，等各位秤下邊隊高啲。
外媒點評嘅落選隊23人大軍，有冇你心水？
落選隊陣容 (4-3-3)
本來打算高章啲，每支國家隊只選一人，但實在太高難度，畢竟唔係每個國家都有咁多人才受到遺棄。於是，門檻改為每支國家隊最多選三人。
另外，要成為「落選隊」成員，必定要無病無痛，身體狀態適合作賽。換言之，丹尼爾艾維斯(Dani Alves)、哥斯尼(Koscielny)、張伯倫(Alex Oxlade-Chamberlain)等球員都無資格入選。
補充一句，選人唔一定係該位置最強一人，只係筆者認為喺所屬國家隊內落選得最可惜嘅球員。
門將︰利奴 Bernd Leno (德國/利華古遜)
由於賽會規定每隊必須有3位門將，基本上門將位置上出現遺材嘅機會較其他位置低。喺德國國家隊入面，本身已擁有紐亞(Neuer)同達史特根(Marc-Andre ter Stegan)兩位世界級門神，第三門將呢個席位都只係去俄羅斯陪坐。話雖如此，爭輸俾喺巴黎聖日耳門雪到硬嘅查普(Kevin Trapp)，多少都會令人戥 Leno唔抵。睇返數據，佢今季為利華古遜出戰33場德甲只失40球，當中10場零封對手。呢項數字放喺唔少國家隊，已經可以穩坐一號門神之位，只可惜佢生於盛產優質門將嘅德國。
至於有網友認為祖赫特(Joe Hart)都係喺競爭激烈情況下黯然落選，筆者真係當堂嚇一跳，然後得啖笑。Joe Hart喺全英超失球最多嘅韋斯咸都爭唔到穩定正選位，加上睇返佢外借拖連奴期間表現，又有咩理由仲可以入選國家隊呢？坦白講，英軍三名入選門將碧福特(Pickford)、畢蘭特(Butland)、普比(Pope)嘅實力雖說接近，但只係平庸地接近。或者可能係呢個理由，先有球迷認為呢位前曼城鋼門有資格入選。
左閘︰阿歷士辛度 Alex Sandro (巴西/祖雲達斯)
阿歷士辛度落選巴西國家隊，其實令筆者相當意外。雖然正選左閘必定由馬些路(Marcelo)出任，但考慮到後備嘅最大競爭者菲臘比路爾斯(Filipe Luis)今季有一半時間都養傷，而且最近一次休息仲涉及腓骨骨折呢啲嚴重傷患，辛度似乎更值得佔一席位。此子全季為祖雪達斯踢咗39場，收獲4入球6助攻，數據依然亮麗。不過，只得場均2.2次鏟斷(Tackles)同1.2次攔截(Interceptions)，相比菲臘比路爾斯場均3.9次鏟斷(Tackles)同1.8次攔截(Interceptions)，防守力不足可能係辛度落選最大原因。
當然有唔少人認為西班牙嘅馬高斯阿朗素(Marcos Alonso)都好應該入選，但之前一篇文章已經解釋過西班牙嘅選人原則，喺車路士以翼衛姿態現身居多嘅阿朗素落選，相對容易令人釋懷，詳情可以去最底睇返舊文。
中堅︰拿樸迪 Aymeric Laporte (法國/曼城)、達高斯基 James Tarkowski (英格蘭/般尼)中堅位置上，揀選一對英超中堅，不過唔包括外媒推介嘅大衛雷斯(David Luiz)。巴西人今季因傷患同不和事件，大部份時間都喺冷板櫈上度過。再者，7-1之役歷歷在目，作為雙中堅之一嘅雷斯責無旁貸，四年來亦未見佢改善過水準飄忽嘅老毛病，對於擁有泰亞高斯華(Thiago Silva)、馬昆奴斯(Marquinhos)、米蘭達(Miranda)等穩健中堅嘅巴西領隊泰迪(Tite)而言，棄用雷斯並唔係困難嘅決定。
挾住6500萬鎊嘅轉會身價，拿樸迪始終未有機會得到第一頂國家隊喼帽。轉會曼城到底係正確定錯誤嘅決定，可能要過多一季先可以斷定，但減少上陣機會的確係削弱咗呢位年輕中堅嘅競爭力。話雖如此，就算係畢爾包年代，迪甘斯(Deschamps)都從未將拿樸迪放在眼內，寧願繼續揀馬賽嘅拉米(Rami)作為後備。
般尼可以打入下屆歐洲賽，除咗領隊戴治(Dyche)應記一功，門將普比同兩位中堅美爾(Mee)同達高斯基都功不可抹。既然修夫基(Southgate)主打三中堅，亦銳意年輕化，史東斯(Stones)、馬古尼(Maguire)、阿諾(Alexander-Arnold)等球員都入選，同樣踢過熱身賽試陣嘅達高斯基，其穩健表現同樣值得一席位。
右閘︰沙治羅拔圖 Sergi Roberto (西班牙/巴塞隆拿)
「蘿蔔頭」成功轉型，即使喺葡萄牙新星施美度(Semedo)(註︰後者同樣落選國家隊)加盟巴塞後，仍然可以力壓對方穩坐正選右閘之位，可見注重防守嘅華維迪(Valverde)對呢位26歲通天老倌器重有加。可惜嘅係，面對卡華積(Carvajal)、艾斯比利古達(Azpilicueta)、拿祖(Nacho)等正宗後衛出身嘅對手，防守力不斷進步嘅羅拔圖仍然未能獲得西班牙領隊盧柏迪古(Lopetegui)垂青。
至於比爾連(Bellerin)？不了，又唔係選model或田徑選手。
中場︰尼恩高蘭 Radja Nainggolan (比利時/羅馬)、拉比奧特 Adrien Rabiot (法國/巴黎聖日耳門)、查維馬天尼斯 Javi Martinez (西班牙/拜仁慕尼黑)
尼恩高蘭落選，相信唔止比利時球迷失望，呢個亦係所有球迷嘅損失。比利時主打3-4-3陣式，除咗一對翼衛之外，中場中作為保持攻守平衡嘅節拍機，作用同樣舉足輕重。眼見整條比利時中場線，除咗熱剌嘅丹比利(Moussa Dembele)之外，可以carry住3-4-3陣式中場中角色，就只有今季打後一格嘅迪布尼(De Bruyne)。呢位曼城皇牌無疑有足夠組織能力同遠射腳頭，去補充尼恩高蘭嘅其中兩大優點，甚至係有過之而無不及，但講到防守硬淨同球場覆蓋，迪布尼同打開box to box嘅尼恩高蘭相比就一定有分別。先唔談浪費咗迪布尼嘅進攻天賦，亦假設丹比利能夠提供掩護(解放迪布尼)，但萬一其中一人受傷呢？後備席上嘅韋素(Witsel)同費蘭尼(Fellaini)喺級數上都無法取代以上三人任何一個。因此，尼恩高蘭絕對值得一張飛去俄羅斯嘅機票。
同樣道理，打三中場嘅法國理應要多一名中場後備，但迪甘斯寧願將名額留俾前場或後防。誠然，論實力，拉比奧特的確比唔上入選嘅5位。普巴(Pogba)同干堤(Kante)係必然正選，剩餘一個位置都應該係馬度迪(Matuidi)囊中之物，杜利素(Tolisso)同尼桑斯(Nzonzi)都只能成為替補球員。喺芸芸遺材當中，選呢位大巴黎嘅非必然主力似乎有啲浪費，但以法國青春風暴趨勢睇嚟，俾拉比奧特踢吓大賽吸取經驗，對法國未來發展會好過用年屆三十嘅尼桑斯。
西班牙中場線人滿成患，單係皇、巴、馬三強已經佔據大半席位，外流球員當中就只有大衛施華(David Silva)同泰亞高艾簡達拿(Thiago Alcantara)可以擠身大名單。即使係咁，可以打防中或中堅嘅查維馬天尼斯仍然值得入選，原因非常簡單，就係呢兩個位置嘅後備實力相當單薄。當布斯基斯(Busquets)、碧基(Pique)、沙治奧拉莫斯(Sergio Ramos)受傷(更大機會係停賽)嘅時候，馬天尼斯比起上文提過嘅AZP或拿祖都有更佳身體優勢，能夠勝任中堅位。防中位置更嚴峻，直情無一個正宗嘅後備。莫非到時盧柏迪古打算以攻代守，全派上組織型中場？
前鋒：辛尼 Leroy Sane (德國/曼城)、伊卡迪 Mauro Icardi (阿根廷/國際米蘭)、京士利高文 Kingsley Coman(法國/拜仁慕尼黑)
伊卡迪落選關唔關美斯事？真係當事人先知
前鋒競爭極為激烈，不過辛尼同伊卡迪嘅席位應該唔會引起爭議，只係右翼位應該選邊一位法國人，都令筆者掙扎一段時間。高文、馬斯亞(Martial)、拿卡錫迪(Lacazette)（可任翼鋒，但效果一般）落選星光熠熠嘅法國隊，其實並不意外。以上三人再加上喺歐霸決賽受傷嘅皮耶(Payet)，以及早年因勒索醜聞而被棄選嘅賓斯馬(Benzema)，根本都有能力成為一線球隊重心。奈何適逢世界盃年，佢哋因傷病或狀態問題未及其他人選（賓斯馬例外），實在係時機問題大於實力問題。
講返點解會揀高文而唔揀馬仔，主要係考慮到佢較能勝任左右兩翼嘅能力。雖然兩位最擅長嘅位置都係擔任逆足左翼，但馬斯亞一旦被安排出任右翼，就等於廢佢武功，而高文喺15/16球季加盟拜仁初期，同杜格拉斯哥斯達(Douglas Costa)串演「CoCo」組合之初，更常以右翼身份示人。數據顯示，高文職業生涯曾64次出任左翼(入12球，助攻10次)，39次出任右翼(入4球，助攻11次)；相反，馬斯亞職業生涯曾86次出任左翼(入24球，助攻23次)，卻只曾14次擔任右翼(入2球，助攻0次)。當然，大家會表示馬仔仲可以踢正前鋒(79次上陣，入20球，助攻13次)，唔一定要打翼，但考慮到法國陣中已經坐擁基沙文(Griezmann)、麥巴比(Mbappe)、基奧特(Giroud)等世界級前鋒，馬斯亞就算入選都唔會有機會踢呢個位。因此，喺考慮人腳調動嘅時候，高文比馬斯亞或拿卡錫迪都更值得入選法國國家隊，只係今季出場機會唔多，先會輸俾喺馬賽重生嘅泰奧雲(Thauvin)。
辛尼落選，應該係最令人意外嘅一個決定。無紀律問題，無同教練或隊友不和，狀態及表現比大部份隊友更好，應屆PFA最佳年輕球員最後因球風關係，落選重視機動性同整體性嘅德國隊。儘管路維(Lowe)解釋作出呢個決定有幾困難，都令人難以想像以辛尼嘅突破能力，竟然喺佢心目中連一個plan B席位都唔配。好彩呢位22歲球員識得樂觀面對事件，希望佢嚟緊喺哥迪奧拿(Guadiola)手下可以繼續成長，進步成為一級球星，令任何領隊都唔可以有棄選嘅藉口。
「落選隊」最後一位成員伊卡迪，係今季意甲神射手，即係話入波比希古恩(Higuain)同戴巴拿(Dybala)都仲要多，但即使喺蘭仙尼(Lanzini)因傷退隊後，依然無機會獲得補選。呢件事似乎係話俾國際米蘭隊長知，無論你幾努力，你都係衝破唔到人為因素。「勾二嫂」事件固然係罪魁禍首，但伊卡迪嘅脾氣同惹火言論亦都係令佢同球迷關係唔好嘅原因之一。如果一日未同國家、球迷冰釋前嫌，伊卡迪都應該無機會為國效力。
預告：缺席隊會由11個不同國家球員組成，你有咩心水陣容？
外媒點評嘅落選隊23人大軍，有冇你心水？
落選隊陣容 (4-3-3)
本來打算高章啲，每支國家隊只選一人，但實在太高難度，畢竟唔係每個國家都有咁多人才受到遺棄。於是，門檻改為每支國家隊最多選三人。
另外，要成為「落選隊」成員，必定要無病無痛，身體狀態適合作賽。換言之，丹尼爾艾維斯(Dani Alves)、哥斯尼(Koscielny)、張伯倫(Alex Oxlade-Chamberlain)等球員都無資格入選。
補充一句，選人唔一定係該位置最強一人，只係筆者認為喺所屬國家隊內落選得最可惜嘅球員。
門將︰利奴 Bernd Leno (德國/利華古遜)
由於賽會規定每隊必須有3位門將，基本上門將位置上出現遺材嘅機會較其他位置低。喺德國國家隊入面，本身已擁有紐亞(Neuer)同達史特根(Marc-Andre ter Stegan)兩位世界級門神，第三門將呢個席位都只係去俄羅斯陪坐。話雖如此，爭輸俾喺巴黎聖日耳門雪到硬嘅查普(Kevin Trapp)，多少都會令人戥 Leno唔抵。睇返數據，佢今季為利華古遜出戰33場德甲只失40球，當中10場零封對手。呢項數字放喺唔少國家隊，已經可以穩坐一號門神之位，只可惜佢生於盛產優質門將嘅德國。
至於有網友認為祖赫特(Joe Hart)都係喺競爭激烈情況下黯然落選，筆者真係當堂嚇一跳，然後得啖笑。Joe Hart喺全英超失球最多嘅韋斯咸都爭唔到穩定正選位，加上睇返佢外借拖連奴期間表現，又有咩理由仲可以入選國家隊呢？坦白講，英軍三名入選門將碧福特(Pickford)、畢蘭特(Butland)、普比(Pope)嘅實力雖說接近，但只係平庸地接近。或者可能係呢個理由，先有球迷認為呢位前曼城鋼門有資格入選。
左閘︰阿歷士辛度 Alex Sandro (巴西/祖雲達斯)
阿歷士辛度落選巴西國家隊，其實令筆者相當意外。雖然正選左閘必定由馬些路(Marcelo)出任，但考慮到後備嘅最大競爭者菲臘比路爾斯(Filipe Luis)今季有一半時間都養傷，而且最近一次休息仲涉及腓骨骨折呢啲嚴重傷患，辛度似乎更值得佔一席位。此子全季為祖雪達斯踢咗39場，收獲4入球6助攻，數據依然亮麗。不過，只得場均2.2次鏟斷(Tackles)同1.2次攔截(Interceptions)，相比菲臘比路爾斯場均3.9次鏟斷(Tackles)同1.8次攔截(Interceptions)，防守力不足可能係辛度落選最大原因。
當然有唔少人認為西班牙嘅馬高斯阿朗素(Marcos Alonso)都好應該入選，但之前一篇文章已經解釋過西班牙嘅選人原則，喺車路士以翼衛姿態現身居多嘅阿朗素落選，相對容易令人釋懷，詳情可以去最底睇返舊文。
中堅︰拿樸迪 Aymeric Laporte (法國/曼城)、達高斯基 James Tarkowski (英格蘭/般尼)中堅位置上，揀選一對英超中堅，不過唔包括外媒推介嘅大衛雷斯(David Luiz)。巴西人今季因傷患同不和事件，大部份時間都喺冷板櫈上度過。再者，7-1之役歷歷在目，作為雙中堅之一嘅雷斯責無旁貸，四年來亦未見佢改善過水準飄忽嘅老毛病，對於擁有泰亞高斯華(Thiago Silva)、馬昆奴斯(Marquinhos)、米蘭達(Miranda)等穩健中堅嘅巴西領隊泰迪(Tite)而言，棄用雷斯並唔係困難嘅決定。
挾住6500萬鎊嘅轉會身價，拿樸迪始終未有機會得到第一頂國家隊喼帽。轉會曼城到底係正確定錯誤嘅決定，可能要過多一季先可以斷定，但減少上陣機會的確係削弱咗呢位年輕中堅嘅競爭力。話雖如此，就算係畢爾包年代，迪甘斯(Deschamps)都從未將拿樸迪放在眼內，寧願繼續揀馬賽嘅拉米(Rami)作為後備。
般尼可以打入下屆歐洲賽，除咗領隊戴治(Dyche)應記一功，門將普比同兩位中堅美爾(Mee)同達高斯基都功不可抹。既然修夫基(Southgate)主打三中堅，亦銳意年輕化，史東斯(Stones)、馬古尼(Maguire)、阿諾(Alexander-Arnold)等球員都入選，同樣踢過熱身賽試陣嘅達高斯基，其穩健表現同樣值得一席位。
右閘︰沙治羅拔圖 Sergi Roberto (西班牙/巴塞隆拿)
「蘿蔔頭」成功轉型，即使喺葡萄牙新星施美度(Semedo)(註︰後者同樣落選國家隊)加盟巴塞後，仍然可以力壓對方穩坐正選右閘之位，可見注重防守嘅華維迪(Valverde)對呢位26歲通天老倌器重有加。可惜嘅係，面對卡華積(Carvajal)、艾斯比利古達(Azpilicueta)、拿祖(Nacho)等正宗後衛出身嘅對手，防守力不斷進步嘅羅拔圖仍然未能獲得西班牙領隊盧柏迪古(Lopetegui)垂青。
至於比爾連(Bellerin)？不了，又唔係選model或田徑選手。
中場︰尼恩高蘭 Radja Nainggolan (比利時/羅馬)、拉比奧特 Adrien Rabiot (法國/巴黎聖日耳門)、查維馬天尼斯 Javi Martinez (西班牙/拜仁慕尼黑)
尼恩高蘭落選，相信唔止比利時球迷失望，呢個亦係所有球迷嘅損失。比利時主打3-4-3陣式，除咗一對翼衛之外，中場中作為保持攻守平衡嘅節拍機，作用同樣舉足輕重。眼見整條比利時中場線，除咗熱剌嘅丹比利(Moussa Dembele)之外，可以carry住3-4-3陣式中場中角色，就只有今季打後一格嘅迪布尼(De Bruyne)。呢位曼城皇牌無疑有足夠組織能力同遠射腳頭，去補充尼恩高蘭嘅其中兩大優點，甚至係有過之而無不及，但講到防守硬淨同球場覆蓋，迪布尼同打開box to box嘅尼恩高蘭相比就一定有分別。先唔談浪費咗迪布尼嘅進攻天賦，亦假設丹比利能夠提供掩護(解放迪布尼)，但萬一其中一人受傷呢？後備席上嘅韋素(Witsel)同費蘭尼(Fellaini)喺級數上都無法取代以上三人任何一個。因此，尼恩高蘭絕對值得一張飛去俄羅斯嘅機票。
同樣道理，打三中場嘅法國理應要多一名中場後備，但迪甘斯寧願將名額留俾前場或後防。誠然，論實力，拉比奧特的確比唔上入選嘅5位。普巴(Pogba)同干堤(Kante)係必然正選，剩餘一個位置都應該係馬度迪(Matuidi)囊中之物，杜利素(Tolisso)同尼桑斯(Nzonzi)都只能成為替補球員。喺芸芸遺材當中，選呢位大巴黎嘅非必然主力似乎有啲浪費，但以法國青春風暴趨勢睇嚟，俾拉比奧特踢吓大賽吸取經驗，對法國未來發展會好過用年屆三十嘅尼桑斯。
西班牙中場線人滿成患，單係皇、巴、馬三強已經佔據大半席位，外流球員當中就只有大衛施華(David Silva)同泰亞高艾簡達拿(Thiago Alcantara)可以擠身大名單。即使係咁，可以打防中或中堅嘅查維馬天尼斯仍然值得入選，原因非常簡單，就係呢兩個位置嘅後備實力相當單薄。當布斯基斯(Busquets)、碧基(Pique)、沙治奧拉莫斯(Sergio Ramos)受傷(更大機會係停賽)嘅時候，馬天尼斯比起上文提過嘅AZP或拿祖都有更佳身體優勢，能夠勝任中堅位。防中位置更嚴峻，直情無一個正宗嘅後備。莫非到時盧柏迪古打算以攻代守，全派上組織型中場？
前鋒：辛尼 Leroy Sane (德國/曼城)、伊卡迪 Mauro Icardi (阿根廷/國際米蘭)、京士利高文 Kingsley Coman(法國/拜仁慕尼黑)
伊卡迪落選關唔關美斯事？真係當事人先知
前鋒競爭極為激烈，不過辛尼同伊卡迪嘅席位應該唔會引起爭議，只係右翼位應該選邊一位法國人，都令筆者掙扎一段時間。高文、馬斯亞(Martial)、拿卡錫迪(Lacazette)（可任翼鋒，但效果一般）落選星光熠熠嘅法國隊，其實並不意外。以上三人再加上喺歐霸決賽受傷嘅皮耶(Payet)，以及早年因勒索醜聞而被棄選嘅賓斯馬(Benzema)，根本都有能力成為一線球隊重心。奈何適逢世界盃年，佢哋因傷病或狀態問題未及其他人選（賓斯馬例外），實在係時機問題大於實力問題。
講返點解會揀高文而唔揀馬仔，主要係考慮到佢較能勝任左右兩翼嘅能力。雖然兩位最擅長嘅位置都係擔任逆足左翼，但馬斯亞一旦被安排出任右翼，就等於廢佢武功，而高文喺15/16球季加盟拜仁初期，同杜格拉斯哥斯達(Douglas Costa)串演「CoCo」組合之初，更常以右翼身份示人。數據顯示，高文職業生涯曾64次出任左翼(入12球，助攻10次)，39次出任右翼(入4球，助攻11次)；相反，馬斯亞職業生涯曾86次出任左翼(入24球，助攻23次)，卻只曾14次擔任右翼(入2球，助攻0次)。當然，大家會表示馬仔仲可以踢正前鋒(79次上陣，入20球，助攻13次)，唔一定要打翼，但考慮到法國陣中已經坐擁基沙文(Griezmann)、麥巴比(Mbappe)、基奧特(Giroud)等世界級前鋒，馬斯亞就算入選都唔會有機會踢呢個位。因此，喺考慮人腳調動嘅時候，高文比馬斯亞或拿卡錫迪都更值得入選法國國家隊，只係今季出場機會唔多，先會輸俾喺馬賽重生嘅泰奧雲(Thauvin)。
辛尼落選，應該係最令人意外嘅一個決定。無紀律問題，無同教練或隊友不和，狀態及表現比大部份隊友更好，應屆PFA最佳年輕球員最後因球風關係，落選重視機動性同整體性嘅德國隊。儘管路維(Lowe)解釋作出呢個決定有幾困難，都令人難以想像以辛尼嘅突破能力，竟然喺佢心目中連一個plan B席位都唔配。好彩呢位22歲球員識得樂觀面對事件，希望佢嚟緊喺哥迪奧拿(Guadiola)手下可以繼續成長，進步成為一級球星，令任何領隊都唔可以有棄選嘅藉口。
「落選隊」最後一位成員伊卡迪，係今季意甲神射手，即係話入波比希古恩(Higuain)同戴巴拿(Dybala)都仲要多，但即使喺蘭仙尼(Lanzini)因傷退隊後，依然無機會獲得補選。呢件事似乎係話俾國際米蘭隊長知，無論你幾努力，你都係衝破唔到人為因素。「勾二嫂」事件固然係罪魁禍首，但伊卡迪嘅脾氣同惹火言論亦都係令佢同球迷關係唔好嘅原因之一。如果一日未同國家、球迷冰釋前嫌，伊卡迪都應該無機會為國效力。
預告：缺席隊會由11個不同國家球員組成，你有咩心水陣容？
請按此登錄後留言。未成為會員? 立即註冊