【EURO 2016】長褲門將-Gábor Király

不專業球評 於 23/06/2016 發表 收藏文章
今屆歐國盃決賽周由16隊變成24隊,當中有唔少新面孔同久別重逢嘅老朋友。

匈牙利事隔44年再打入決賽周,仲要第一場就對住好有淵源嘅鄰居奧地利。

呢場比賽固然矚目,但係最令人注目嘅唔係場波,而係....


呢位仁兄同佢條經典運動褲。

呢位仁兄係匈牙利嘅龍門Gábor Király(Kee-rye咁讀)。

佢今年40歲踢緊匈牙利球會Haladás,啱啱就唔小心打破咗歐國盃最老出場球員嘅紀錄。

佢曾經踢過哈化柏林,水晶宮,維拉,般尼富咸同1860慕尼黑,最風光都算係04-07年喺水晶宮踢正選。

佢標誌性嘅長褲原來都有段故,另一位故事主角係大家都識仲嚟過香港搵食嘅K先生...



事發係一場緊張刺激嘅比賽,阿Király當日並無著住佢最愛嘅長褲,著緊平凡嘅短褲仔。

當時效力車路士嘅K先生係禁區K角位拉弓勁射,個波好似炮彈咁向住個窿直飛。

冇錯,我無打錯字,係個窿唔係個龍,係Király兩隻腳中間果個窿。

結果當然就係個波經過個窿入咗個龍。

據聞Király完場就即刻除咗條短褲仔,入到更衣室指住條褲同隊友講:「給我打,把他往死裡打。」

自此之後佢就無再著過短褲喇,完。

"I'm a goalie, not a top model!" he told Hungarian publication Lo Journal Francophone de Budapest.

"It's essentially a question of comfort. I've played on clay or grass that's been frozen in winter; it makes your legs hurt when you fall so jogging bottoms seemed obvious.



其實個故事就係唔係真就不得而知,但係球波就珍珠都冇咁真,有神通廣大嘅外國網民仲搵到證據添,同埋相信大家都知道邊個係保住我哋有長褲睇嘅英雄K先生啦。

呢位門將的確夠晒傳奇,希望佢可以帶領匈牙利係淘汰賽繼續分組賽嘅好表現啦!!

繼續不專業評歐國盃,多謝大家提點同支持。
啱睇就上嚟facebook page 擺低個like,睇唔過眼就更加要上嚟講下你點睇!
最後送上佢嘅世界級技術...


如果喜歡我們的文章,請即分享到︰

標籤: EURO 2016  歐國盃  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→