過去個星期，英超有兩場波個賽果睇落好正路，但對Fantasy Premier League (FPL)玩家嚟講，就好有驚喜。呢兩場就係賓福特主場輕取李斯特城4:1，同埋般尼茅夫作客4:2擊敗狼隊。賓福特既加雲舒哈迪同般尼茅夫既祖斯甸古華特，分別喺FPL豪取23分同20分。佢兩個本身唔算big name，喺game入面亦都唔係好熱門既球員，但就咁啱同時上演生涯第一次帽子戲法。加雲舒加迪除左收獲三個入波，仲有個助攻；而祖斯甸古華特嗰三球，就咁啱都係十二碼，係英超史上首位靠極刑戴帽既球員。
現年23歲，身高1米83既德國中場加雲舒哈迪，喺22-23球季，以先借後買(2200萬鎊)方式，由德甲弗賴堡加盟賓福特。佢前場左中右三個位置都可以勝任，速度快又走位靈活，都中意短傳造就入球機會比隊友。不過佢既埋門把握力同進攻decision making真係麻麻地。加雲舒哈迪轉戰英超以嚟，一直飽受傷患困擾，表現都平平無奇，正選都未坐得穩。今場之前，踢左成40場，都只係幫球隊攻入過2球。因此，今次帽子戲法，無疑會為佢注入一支強心針，好好展現自己天賦。
現年25歲，身高1米71既荷蘭攻中祖斯甸古華特，係名將之後。佢喺阿積士出道，2018年轉投羅馬之後，先後被外借至德甲、法甲同西甲，上季先正式登陸英超。雖然入球能力同成就都完全比唔上球王老豆，可以兼任翼鋒同正前鋒既佢，速度快又餘，盤扭技術出眾，終結能力都唔錯。不過同樣地佢既decision making有待改善，進攻時都太中意以突破過人。古華特仔暫時今季為般尼茅夫上陣13場，計埋啱啱個十二碼帽子戲法，有5入球2助攻，希望佢都越踢越有啦。
啱啱呢個FPL gameweek，只要你唔係captain夏蘭特，基本上都應該有唔錯分數，記得12月係有聖誕快車，睇實個deadline砌隊呀！
-----------------------------------------------------------------------------------------------------
中意睇我文章既記得follow我Instagram @ng.sickball
現年23歲，身高1米83既德國中場加雲舒哈迪，喺22-23球季，以先借後買(2200萬鎊)方式，由德甲弗賴堡加盟賓福特。佢前場左中右三個位置都可以勝任，速度快又走位靈活，都中意短傳造就入球機會比隊友。不過佢既埋門把握力同進攻decision making真係麻麻地。加雲舒哈迪轉戰英超以嚟，一直飽受傷患困擾，表現都平平無奇，正選都未坐得穩。今場之前，踢左成40場，都只係幫球隊攻入過2球。因此，今次帽子戲法，無疑會為佢注入一支強心針，好好展現自己天賦。
現年25歲，身高1米71既荷蘭攻中祖斯甸古華特，係名將之後。佢喺阿積士出道，2018年轉投羅馬之後，先後被外借至德甲、法甲同西甲，上季先正式登陸英超。雖然入球能力同成就都完全比唔上球王老豆，可以兼任翼鋒同正前鋒既佢，速度快又餘，盤扭技術出眾，終結能力都唔錯。不過同樣地佢既decision making有待改善，進攻時都太中意以突破過人。古華特仔暫時今季為般尼茅夫上陣13場，計埋啱啱個十二碼帽子戲法，有5入球2助攻，希望佢都越踢越有啦。
啱啱呢個FPL gameweek，只要你唔係captain夏蘭特，基本上都應該有唔錯分數，記得12月係有聖誕快車，睇實個deadline砌隊呀！
-----------------------------------------------------------------------------------------------------
中意睇我文章既記得follow我Instagram @ng.sickball
請按此登錄後留言。未成為會員? 立即註冊