理文同東方分途出戰亞冠2分組賽事。雖然兩隊暫時都係兩場輸晒，但踢出嚟個表現，你會發現原來香港波都有分咩叫趕客，咩叫吸客。乜原上屆盃賽冠軍同聯賽冠軍實力差咁遠咩？唔係，出事係個教練呀。
上場亞冠2，東方主場對日職榜首廣島三箭，你以為又好似對FC悉尼咁比人456？開波幾分鐘已經憑住角球攻勢入波。激戰90分鐘惜敗，除左將士用命，賽前部署得宜係關鍵。以穩守突擊行先，丹尼爾同高素巴耶夫都好努力做好half space殺波，堵截對手進攻。當對手開始不斷用邊路人數優勢，傳中波打你weak side既時候，東方就打得再低位d，加強中路密集防守。叫得underdog就緊係唔會任人魚肉，速度同竄擾力兼備既巴科爾就將防守反擊發揮得淋漓盡致。最後東方都憑住set piece同長傳急攻，成功攻破對手大門兩次。兩隊球員技術同速率緊係有差距，但呢個差距，係講緊香港同亞洲頂級。講真，已經好有交代啦。
至於另一邊既理文，對住淡濱尼流浪，曾昭達個賽前部署，就係424陣式。出盡四大尖刀，安尼亞、保連奴、艾華頓、羅沙，聽落令人聞風喪膽，但點知原來係得個雷聲大，實情係雨都冇滴。保利臣客串防中，拍住胡晉銘，當係唔會cover倒成個中場啦。結果咪就係前場同後場完全disconnected，對手好輕易就長驅直進，直接打你四個後防。老實講，上季理文個進攻戰術簡單直接，艾華頓、基華尼頓同安尼亞三個自己搞掂，再換保連奴出嚟鎖定勝局。打單防中真係唔緊要，進攻都係防守既一種，但守唔倒得嚟又唔攻，點會唔出事。況且，今季理文引援嚴重資源錯配，教練又點會冇責任。放走傳統左翼基華尼頓之後，繼任人既竟然係中鋒羅沙；明知全隊得兩個正宗防中，然後簽個唔知係咩類型中場，但肯定唔係防中既夏馬特返嚟。東方同理文為左亞洲賽，相信都paid好多effort，喺香港地搞波都係用愛發電。但出到嚟個效果，mean d講句真係天淵之別。
落場前點樣feed班球員，平日training教d乜，場上每一分鐘，都反映緊個教練場外嗰十年功。睇臨場調動，就知教練功力上既分野。足球世界既伯樂不常有，喺香港足球更加係不可多得。東方經歷幾次縮皮之後，陣容反而越嚟越完整，建立左成熟既攻守體系，又發揮倒每個球員既特性，對住廣島三箭先係補時僅僅輸2:3，教練盧比度當然居功至偉。淨係睇幾多個東方球員越踢有，年年都有新星冒起就知。特別想講吳宇曦，不論係對住曼聯青年軍定係日職球隊，都一樣敢扭過你同通你坑渠。或者隊波就係爭一個聯賽冠軍去證明自己。理文好在真係班球員本身有返咁上下質素，同埋簽左個周子謙咋。亞冠喎，真係仲有排你交學費。After all，曾昭達試過不敗奪冠，已經功成身退，純粹想講伯樂真係難求，唔係話要鞭屍邊個，係理文真係要認真搵個好教練返黎嚟。
講開伯樂，希望港隊嗰個都係啦。冇咩事我出返去飲兩杯先。
-------------------------------------------------------------------------------------------------
中意睇我文章既
記得follow我Instagram @ng.sickball
上場亞冠2，東方主場對日職榜首廣島三箭，你以為又好似對FC悉尼咁比人456？開波幾分鐘已經憑住角球攻勢入波。激戰90分鐘惜敗，除左將士用命，賽前部署得宜係關鍵。以穩守突擊行先，丹尼爾同高素巴耶夫都好努力做好half space殺波，堵截對手進攻。當對手開始不斷用邊路人數優勢，傳中波打你weak side既時候，東方就打得再低位d，加強中路密集防守。叫得underdog就緊係唔會任人魚肉，速度同竄擾力兼備既巴科爾就將防守反擊發揮得淋漓盡致。最後東方都憑住set piece同長傳急攻，成功攻破對手大門兩次。兩隊球員技術同速率緊係有差距，但呢個差距，係講緊香港同亞洲頂級。講真，已經好有交代啦。
至於另一邊既理文，對住淡濱尼流浪，曾昭達個賽前部署，就係424陣式。出盡四大尖刀，安尼亞、保連奴、艾華頓、羅沙，聽落令人聞風喪膽，但點知原來係得個雷聲大，實情係雨都冇滴。保利臣客串防中，拍住胡晉銘，當係唔會cover倒成個中場啦。結果咪就係前場同後場完全disconnected，對手好輕易就長驅直進，直接打你四個後防。老實講，上季理文個進攻戰術簡單直接，艾華頓、基華尼頓同安尼亞三個自己搞掂，再換保連奴出嚟鎖定勝局。打單防中真係唔緊要，進攻都係防守既一種，但守唔倒得嚟又唔攻，點會唔出事。況且，今季理文引援嚴重資源錯配，教練又點會冇責任。放走傳統左翼基華尼頓之後，繼任人既竟然係中鋒羅沙；明知全隊得兩個正宗防中，然後簽個唔知係咩類型中場，但肯定唔係防中既夏馬特返嚟。東方同理文為左亞洲賽，相信都paid好多effort，喺香港地搞波都係用愛發電。但出到嚟個效果，mean d講句真係天淵之別。
落場前點樣feed班球員，平日training教d乜，場上每一分鐘，都反映緊個教練場外嗰十年功。睇臨場調動，就知教練功力上既分野。足球世界既伯樂不常有，喺香港足球更加係不可多得。東方經歷幾次縮皮之後，陣容反而越嚟越完整，建立左成熟既攻守體系，又發揮倒每個球員既特性，對住廣島三箭先係補時僅僅輸2:3，教練盧比度當然居功至偉。淨係睇幾多個東方球員越踢有，年年都有新星冒起就知。特別想講吳宇曦，不論係對住曼聯青年軍定係日職球隊，都一樣敢扭過你同通你坑渠。或者隊波就係爭一個聯賽冠軍去證明自己。理文好在真係班球員本身有返咁上下質素，同埋簽左個周子謙咋。亞冠喎，真係仲有排你交學費。After all，曾昭達試過不敗奪冠，已經功成身退，純粹想講伯樂真係難求，唔係話要鞭屍邊個，係理文真係要認真搵個好教練返黎嚟。
講開伯樂，希望港隊嗰個都係啦。冇咩事我出返去飲兩杯先。
-------------------------------------------------------------------------------------------------
中意睇我文章既
記得follow我Instagram @ng.sickball
請按此登錄後留言。未成為會員? 立即註冊