英格蘭近年新星湧現，人才輩出，效力韋斯咸既中場核心迪肯賴斯，就係其中一個炙手可熱既年青球員。韋斯咸雖然今季排名比上季退步，最後只能夠參加歐協聯賽事，但保得住歐洲賽資格，迪肯賴斯可以話係功不可沒。
23歲既迪肯賴斯生於倫敦，出身自車路士青訓，身高1米85，司職防守中場。佢早期代表愛爾蘭U隊，2018年首次獲得成年隊徵召，踢過三場友誼賽。之後，佢就改為三獅軍團效力，披上英格蘭戰衣。佢同列斯聯既加雲菲臘斯合作無間，攻守兼備，喺上屆歐國盃光芒四射。
至於球會生涯，2015年迪肯賴斯轉投同市既韋斯咸青年軍，翌年簽訂第一份職業合約。不過佢喺16-17球季尾聲先迎來成年隊地標戰，喺英超煞科戰對般尼既賽事，91分鐘後備登場。憑住喺U23穩定而出色既表現，佢正式被提拔上一隊，逐漸成為主力。2018年年尾，19歲既佢就已經代表韋斯咸上陣50場。2021年，佢開始擔任球隊副隊長一職，成為不可或缺既領軍人物。效力韋斯咸呢幾年間，迪肯賴斯榮獲唔少球會獎項，今季仲入選英超Team of the Season。
迪肯賴斯對韋斯咸舉足輕重，係中場核心，係球隊轉守為攻既靈魂人物，踢法硬朗之餘，機動性同技術兼備。佢擅長攔截同鏟波，可以兼任中堅既佢，爭頂同解圍都唔錯。身體對抗性優秀，佢高大得嚟一d都唔笨拙，唯獨係速度稍慢。佢既強項喺擅打防反既韋斯咸如魚得水，傳球視野良好，能夠喺搶截之後保持控球權，然後立馬策劃進攻，係後防同前場球員既橋樑。佢亦係陣中最無私既球員之一，透過dirty work去保護防線，戰術執行性亦都好強。
韋斯咸由英超中游一躍而起，擠身前列份子，再喺歐霸同各國勁旅分庭抗禮，自1976年嚟首次打入歐洲賽四強，迪肯賴斯對球隊既貢獻至關重要。可惜一直盛傳佢有意離隊，三番四次拒絕新合約。面對球隊高薪挽留，球員本人仍然登高望遠，希望挑戰歐聯賽事。喺倫敦土生土長既佢，唔知會唔會希望回歸車路士，同蒙特一家團聚呢？
————————
中意睇我文章既
記得follow我Instagram @ng.sickball
23歲既迪肯賴斯生於倫敦，出身自車路士青訓，身高1米85，司職防守中場。佢早期代表愛爾蘭U隊，2018年首次獲得成年隊徵召，踢過三場友誼賽。之後，佢就改為三獅軍團效力，披上英格蘭戰衣。佢同列斯聯既加雲菲臘斯合作無間，攻守兼備，喺上屆歐國盃光芒四射。
至於球會生涯，2015年迪肯賴斯轉投同市既韋斯咸青年軍，翌年簽訂第一份職業合約。不過佢喺16-17球季尾聲先迎來成年隊地標戰，喺英超煞科戰對般尼既賽事，91分鐘後備登場。憑住喺U23穩定而出色既表現，佢正式被提拔上一隊，逐漸成為主力。2018年年尾，19歲既佢就已經代表韋斯咸上陣50場。2021年，佢開始擔任球隊副隊長一職，成為不可或缺既領軍人物。效力韋斯咸呢幾年間，迪肯賴斯榮獲唔少球會獎項，今季仲入選英超Team of the Season。
迪肯賴斯對韋斯咸舉足輕重，係中場核心，係球隊轉守為攻既靈魂人物，踢法硬朗之餘，機動性同技術兼備。佢擅長攔截同鏟波，可以兼任中堅既佢，爭頂同解圍都唔錯。身體對抗性優秀，佢高大得嚟一d都唔笨拙，唯獨係速度稍慢。佢既強項喺擅打防反既韋斯咸如魚得水，傳球視野良好，能夠喺搶截之後保持控球權，然後立馬策劃進攻，係後防同前場球員既橋樑。佢亦係陣中最無私既球員之一，透過dirty work去保護防線，戰術執行性亦都好強。
韋斯咸由英超中游一躍而起，擠身前列份子，再喺歐霸同各國勁旅分庭抗禮，自1976年嚟首次打入歐洲賽四強，迪肯賴斯對球隊既貢獻至關重要。可惜一直盛傳佢有意離隊，三番四次拒絕新合約。面對球隊高薪挽留，球員本人仍然登高望遠，希望挑戰歐聯賽事。喺倫敦土生土長既佢，唔知會唔會希望回歸車路士，同蒙特一家團聚呢？
————————
中意睇我文章既
記得follow我Instagram @ng.sickball
請按此登錄後留言。未成為會員? 立即註冊