一講奧斯文尼丹比利，你會諗起d咩？法國U21最佳球員，嶄露鋒芒既鋒線新星，定係傷患連連，紀律又差既麻煩友？
丹比利現年24歲，司職翼鋒，效力巴塞隆拿，亦係法國2018年世界盃冠軍成員。不過巴塞想5000萬歐元賣走佢，但佢唔願意喺冬季轉會窗離隊之際，亦喺同球隊既談判上寸步不讓，拒絕續約，關係有d膠着。
2017年，巴塞用1.45億歐元將丹比利由多蒙特帶返魯營，期望佢可以擔任尼馬接班人。佢成名法甲球隊雷恩，地標賽季就交出18場13球既亮麗表現。之後轉會多蒙特，第一季上陣49場，就入左10球，再貢獻21個助攻，以一個初登四大聯賽既年輕球員嚟講，可以話係潛力無限。
有人用玫瑰嚟形容丹比利，豔麗但容易枯萎，就好似佢球技出眾但成日受傷；帶刺既特性，亦象徵住佢不勝枚舉既紀律問題。先講技術方面，佢最擅長單對單甚至一對幾盤扭過人，創造力強，速度、爆炸力、變速突破樣樣有齊。佢球商成熟，引球走位入楔上佳，經常為隊友製造入球機會。不過，佢傳球時機同準繩度都有待改善。
可惜，佢頻繁受傷，成日比人笑佢貨不對辦。加盟巴塞四年幾，已經因為各種傷患缺陣超過700日。佢亦都不時比人批評態度欠佳，由雷恩到多蒙特到巴塞，練波遲到、詐病唔練波、罷操以威脅轉會，林林總總既紀律問題，如此有失專業既表現，都令球會非常頭痛。
昔日天才金童，今日因為傷患不斷同態度差劣而變成天價水貨。球場上既光芒隨住時日而消逝，亦令丹比利變成唔少球迷既討厭對象。如無意外，佢會喺今個夏天約滿離隊，唔知幾時佢先可以一洗惡名，威返比睇死佢既人睇？
————————
中意睇我文章既
記得follow我Instagram @ng.sickball
丹比利現年24歲，司職翼鋒，效力巴塞隆拿，亦係法國2018年世界盃冠軍成員。不過巴塞想5000萬歐元賣走佢，但佢唔願意喺冬季轉會窗離隊之際，亦喺同球隊既談判上寸步不讓，拒絕續約，關係有d膠着。
2017年，巴塞用1.45億歐元將丹比利由多蒙特帶返魯營，期望佢可以擔任尼馬接班人。佢成名法甲球隊雷恩，地標賽季就交出18場13球既亮麗表現。之後轉會多蒙特，第一季上陣49場，就入左10球，再貢獻21個助攻，以一個初登四大聯賽既年輕球員嚟講，可以話係潛力無限。
有人用玫瑰嚟形容丹比利，豔麗但容易枯萎，就好似佢球技出眾但成日受傷；帶刺既特性，亦象徵住佢不勝枚舉既紀律問題。先講技術方面，佢最擅長單對單甚至一對幾盤扭過人，創造力強，速度、爆炸力、變速突破樣樣有齊。佢球商成熟，引球走位入楔上佳，經常為隊友製造入球機會。不過，佢傳球時機同準繩度都有待改善。
可惜，佢頻繁受傷，成日比人笑佢貨不對辦。加盟巴塞四年幾，已經因為各種傷患缺陣超過700日。佢亦都不時比人批評態度欠佳，由雷恩到多蒙特到巴塞，練波遲到、詐病唔練波、罷操以威脅轉會，林林總總既紀律問題，如此有失專業既表現，都令球會非常頭痛。
昔日天才金童，今日因為傷患不斷同態度差劣而變成天價水貨。球場上既光芒隨住時日而消逝，亦令丹比利變成唔少球迷既討厭對象。如無意外，佢會喺今個夏天約滿離隊，唔知幾時佢先可以一洗惡名，威返比睇死佢既人睇？
————————
中意睇我文章既
記得follow我Instagram @ng.sickball
請按此登錄後留言。未成為會員? 立即註冊