22歲既威爾斯翼鋒丹尼爾占士以2800萬歐由曼聯轉投列斯聯。雖然係投奔死敵，但大部份曼聯球迷都祝福佢。除左因為係幫球隊精簡人手之外，仲有占士本身都係一個深得球迷歡心既年青人。
身為蘇斯克查上任後第一簽，占士既紅魔之路荊棘滿途。佢未嚟到已經備受爭議，當時曼聯急需一隻右翼，但引援對象竟然係寂寂無聞既「史雲斯太子」，啫係一個英冠兵。又點估倒佢開季表現夢幻，英超開鑼戰對車路士，後備落場入debut goal，之後仲四場入三球，令球迷對佢刮目相看。當時曼聯採用高位逼搶戰術，有速度有體能既占士自然深得蘇B歡心，進佔正選右翼位置。佢擅於打快攻同反擊，速度幾乎無人能及，仲會喺防守時內收入中路遮線，擔當防線第一道屏障。
不過，自19-20季初，占士一直表現飄忽，入球同助攻效率都偏低。當曼聯要打陣地戰，或者要攻破對方密集防線既時候，佢就好似廢左武功咁。佢盤球同護球能力都麻麻，推左走右，擺脫唔倒對手之餘，仲會推甩埋個波。出波更係佢最弱既一環，唔好話要傳中急勁準繩，佢有時喺防守球員唔點樣緊逼之下，都會傳左出界。
仲有，雖然話佢係前場萬能key，但其實佢最擅長既係左翼而唔係右翼。陣中華舒福同馬斯亞都係喺左路有較好發揮既球員(馬斯亞踢左邊冇咁差既咁)，甚至連普巴，定新加盟既C朗，都會因應戰術而客串左翼位置。所以，占士轉會去專打快攻，正選位置又冇咁競爭激烈既列斯聯，似乎更加相得益彰。
丹尼爾占士三年嚟為曼聯上陣63場，收穫8入球7助攻。跑得快、勤力、熱血形象深入民心，相信有朝一日，佢既態度會決定佢既高度。珍重，再見！
————————
中意睇我文章既
記得follow我Instagram @ngsickball
身為蘇斯克查上任後第一簽，占士既紅魔之路荊棘滿途。佢未嚟到已經備受爭議，當時曼聯急需一隻右翼，但引援對象竟然係寂寂無聞既「史雲斯太子」，啫係一個英冠兵。又點估倒佢開季表現夢幻，英超開鑼戰對車路士，後備落場入debut goal，之後仲四場入三球，令球迷對佢刮目相看。當時曼聯採用高位逼搶戰術，有速度有體能既占士自然深得蘇B歡心，進佔正選右翼位置。佢擅於打快攻同反擊，速度幾乎無人能及，仲會喺防守時內收入中路遮線，擔當防線第一道屏障。
不過，自19-20季初，占士一直表現飄忽，入球同助攻效率都偏低。當曼聯要打陣地戰，或者要攻破對方密集防線既時候，佢就好似廢左武功咁。佢盤球同護球能力都麻麻，推左走右，擺脫唔倒對手之餘，仲會推甩埋個波。出波更係佢最弱既一環，唔好話要傳中急勁準繩，佢有時喺防守球員唔點樣緊逼之下，都會傳左出界。
仲有，雖然話佢係前場萬能key，但其實佢最擅長既係左翼而唔係右翼。陣中華舒福同馬斯亞都係喺左路有較好發揮既球員(馬斯亞踢左邊冇咁差既咁)，甚至連普巴，定新加盟既C朗，都會因應戰術而客串左翼位置。所以，占士轉會去專打快攻，正選位置又冇咁競爭激烈既列斯聯，似乎更加相得益彰。
丹尼爾占士三年嚟為曼聯上陣63場，收穫8入球7助攻。跑得快、勤力、熱血形象深入民心，相信有朝一日，佢既態度會決定佢既高度。珍重，再見！
————————
中意睇我文章既
記得follow我Instagram @ngsickball
請按此登錄後留言。未成為會員? 立即註冊