紐卡素之雷霆救兵: 韋洛克

唔sickball 於 20/05/2021 發表 收藏文章
21歲既韋洛克,司職中場,係阿仙奴青訓球員,亦係英格蘭U21成員。今年2月,佢比阿仙奴外借左去紐卡素直至完季,去keep住比賽狀態,同埋獲得更多上陣經驗。

2018年,韋洛克首次為阿仙奴喺英超上陣。佢好快就被球迷寄以厚望,接任中場大腦一職,去填補艾朗藍斯同韋舒亞既空缺。可惜似乎中路派牌並唔係佢既強項,佢一直表現麻麻,可以話係勤力有餘,實力欠奉。佢喺阿仙奴踢左31場英超,只係攻入1球。

韋洛克2月外借去到紐卡素之後,進攻自由度既提升左,又多左機會策動快速反擊,因而佢既表現明顯脫胎換骨。喺外借既第一場,對修咸頓既比賽,佢落場16分鐘就即刻入波,協助當時仲努力護級緊既紐卡素以3:2險勝對手。狀態火熱既佢,更加連續六場入波。當中有奠定勝局(3:2韋斯咸、4:2李斯特城、1:0錫菲聯),亦都有成功逼和(2:2熱刺、1:1利物浦),而只係得一場係僅僅搶分失敗(3:4曼城)。最後,一度陷入降班危機既紐卡素順利護級。來季球隊可以繼續留喺英超作戰,季尾大爆發既韋洛克可以話係居功至偉。

韋洛克近期精彩既表現,令佢成為英超史上最年輕(21歲272日)連續六場入波既球員。傳聞佢身價已經上升至3000萬鎊,到底阿仙奴會call返呢個自家青訓返嚟,定係紐卡素會快快手用錢搶人呢?

————————

中意睇我文章既
記得follow我Instagram @ngsickball

如果喜歡我們的文章,請即分享到︰

標籤: 英超  紐卡素  阿仙奴  韋洛克  

留言


請按此登錄後留言。未成為會員? 立即註冊
    快捷鍵:←
    快捷鍵:→