你願唔願意花光一生運氣，去換一個世界盃冠軍？
2013年，20歲既葛斯離開母會多蒙特，加盟死敵拜仁，呢個決定亦都令佢受盡千夫所指，背上「叛徒」之名。不過葛斯去左拜仁之後，贏得唔少錦標。佢亦喺2014年世界盃決賽射入致勝一球，協助德國勇奪世界盃冠軍。當時既佢如日中天，係球壇最炙手可熱既新星之一。本來大家都以為佢既球員生涯會再創高峰，點知迎嚟既偏偏係一個又一個難以承受既打擊。
2016年，葛斯喺拜仁苦無上陣機會，毅然返去多蒙特。可惜，好多多蒙特球迷都冇辦法原諒佢既離開。源源不絕既唾棄同辱罵，係佢既家常便飯。雪上加霜既係，佢狀態持續低迷，身形甚至有少少肥腫難分，冇哂以前嗰種靈巧，甚至比人恥笑係「肉盾型前鋒」，除左消耗對手體力，就冇其他作用。原來佢患左一種罕見病，令佢肌肉失調同體重增加，難以上陣比賽，慘成傷追人。所以好多人都話，世界盃決賽既入波，用盡葛斯一生人既運氣。
2020年10月，曾為德國既天之驕子，但近年飽受傷患同疾病困苦既葛斯，黯然離開成名地多蒙特，加盟燕豪芬，喺處子戰開賽僅僅九分鐘，就展現出佢靈敏既走位同入球觸覺，射入先開紀錄既一球，仲做埋MOTM。上季佢為燕豪芬上陣21場，交出7球6助攻，仲帶領球隊攞倒荷甲亞軍。
曾經係一顆前途無限既新星，如今29歲既佢，多左幾分成熟滄桑。希望葛斯可以保持身體健康，重現以前既靈性，帶領燕豪芬取得好成績。更重要係，佢可以重拾笑容，好好享受球場上既每一刻。或者葛斯願意花光一生運氣，去換一個世界盃冠軍。筆者都相信，佢可以喺燕豪芬浴火重生，再一次證明自己。
————————
中意睇我文章既
記得follow我Instagram @ngsickball
2013年，20歲既葛斯離開母會多蒙特，加盟死敵拜仁，呢個決定亦都令佢受盡千夫所指，背上「叛徒」之名。不過葛斯去左拜仁之後，贏得唔少錦標。佢亦喺2014年世界盃決賽射入致勝一球，協助德國勇奪世界盃冠軍。當時既佢如日中天，係球壇最炙手可熱既新星之一。本來大家都以為佢既球員生涯會再創高峰，點知迎嚟既偏偏係一個又一個難以承受既打擊。
2016年，葛斯喺拜仁苦無上陣機會，毅然返去多蒙特。可惜，好多多蒙特球迷都冇辦法原諒佢既離開。源源不絕既唾棄同辱罵，係佢既家常便飯。雪上加霜既係，佢狀態持續低迷，身形甚至有少少肥腫難分，冇哂以前嗰種靈巧，甚至比人恥笑係「肉盾型前鋒」，除左消耗對手體力，就冇其他作用。原來佢患左一種罕見病，令佢肌肉失調同體重增加，難以上陣比賽，慘成傷追人。所以好多人都話，世界盃決賽既入波，用盡葛斯一生人既運氣。
2020年10月，曾為德國既天之驕子，但近年飽受傷患同疾病困苦既葛斯，黯然離開成名地多蒙特，加盟燕豪芬，喺處子戰開賽僅僅九分鐘，就展現出佢靈敏既走位同入球觸覺，射入先開紀錄既一球，仲做埋MOTM。上季佢為燕豪芬上陣21場，交出7球6助攻，仲帶領球隊攞倒荷甲亞軍。
曾經係一顆前途無限既新星，如今29歲既佢，多左幾分成熟滄桑。希望葛斯可以保持身體健康，重現以前既靈性，帶領燕豪芬取得好成績。更重要係，佢可以重拾笑容，好好享受球場上既每一刻。或者葛斯願意花光一生運氣，去換一個世界盃冠軍。筆者都相信，佢可以喺燕豪芬浴火重生，再一次證明自己。
————————
中意睇我文章既
記得follow我Instagram @ngsickball
請按此登錄後留言。未成為會員? 立即註冊