揮軍亞洲的靈魂人物: 基華尼頓

NGSICKBALL 於 18/04/2022 發表 收藏文章
短短幾年間,港超新貴理文由榜尾既陪跑份子,躍進成爭標熱門之一,同傑志、東方兩隊傳統勁旅三雄鼎立。2019年加盟既巴西翼鋒基華尼頓,可以話係球隊成績突飛猛進既關鍵。

師承森巴足球,基華尼頓有齊巴西進攻球員starter pack,有精湛技術同華麗腳法之餘,又keep倒喺踢法簡單直接。不過,佢既職業生涯起初並唔係一帆風順。佢出身於巴乙球隊維拉諾華青訓,2009年佢以19歲之齡被提拔上一隊,更因為潛質優厚而獲得巴甲班霸山度士垂青。可惜,佢外借去山度士嗰兩季,出場時間寥寥可數。為左爭取上陣機會,佢主動同球隊解約。往後幾年,佢先後效力巴甲、巴乙、巴丙、聖保羅州聯賽(巴丁)球隊,但表現都未達預期。輾轉之下,基華尼頓選擇外闖去韓國,加盟K2球隊光州FC,但又因為未能站穩陣腳而回流巴西。最後,佢選擇越洋來港,轉投異軍突起既理文,好快就成為球隊進攻泉源。

上季理文首次踏足亞洲賽舞台,角逐亞協盃,代表香港挑戰各國列強。喺跨區決賽(四強),作客遠赴烏茲別克,挑戰西亞傳統勁旅拿薩夫。面對實力更強既對手,基華尼頓同一眾理文隊友將士用命,法定時間追到2:2平手。遺憾球員最後體力不繼,比對手射入世界波,僅負2:3飲恨出局,無緣寫下香港球隊喺亞協盃之歷史新章。基華尼頓喺四場亞協盃賽事一共交出4入球2助攻,面對拿薩夫更係毫無懼色,入波之餘又搏得十二碼。佢既傑出表現征服唔少球迷,甚至連對手既支持者都認同佢既實力。

基華尼頓喺球隊貢獻良多,屢有建樹,係現時港超最高身價球員之一,亦係理文揮軍亞洲既靈魂人物。隊波可唔可以喺亞洲賽走得更遠,或者繼菁英盃之後再下一城,好睇佢同一班主力交唔交倒功課啦。

————————

中意睇我文章既
記得follow我Instagram @ng.sickball

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→