馬達踢法屬於內切創造型，以細膩技術見稱。雖然佢速度欠奉，單對單突破既能力亦都唔強，但由進攻中場改變而成翼鋒既佢，傾向start喺邊路，然後cut入中路，喺k角位附近攞波組織攻勢。當佢由邊線cut入中路既時候，就有空間比隊友拎波，從而後上助攻。佢最大既特點就係擅長喺前場保持控球權，爭取時間等隊友走位去到最有威脅既位置。
筆者都明白以曼聯現時進攻體系，正選陣容的確係冇馬達既位置。進攻中場唔需要我多講啦，喺4213之下，尤其係右翼位置，好多時都需要占士或者綠木呢d速度型球員，因為右閘既雲比沙卡唔擅長助攻，突破能力較弱，如果右翼再用馬達，難免加劇曼聯中路大塞車既問題。只係，到底有冇需要輪換般奴呢，當般奴休息既時候，馬達又可唔可以打返佢熟悉既攻中位置呢？而當球隊需要破密集既時候，創造型既馬達又係咪一個好plan b呢？
馬達加盟至今，喺15-16球季最受重用，嗰季上陣多達54場，交出10個入波同11個助攻，而佢喺英超更加係38場全勤。現年32歲既佢，合約喺今個夏天就會屆滿，而曼聯至今仲未啟一年自動續約條款。今季喺蘇斯克查只係重用般奴，同埋卡雲尼同迪亞路等進攻球員加盟情況下，慘遭投閒置散，暫時只係上陣左12場，仲要有d係臨完場前後備落一落場。所以，佢會唔會離隊，仍然係未知之數。無論點都好，筆者都希望馬達喺嚟緊仲有機會為曼聯出場，真係唔想就咁就say goodbye呀。
P.s. 願馬達媽媽安息
————————
中意睇我文章既
記得follow我Instagram @ngsickball
筆者都明白以曼聯現時進攻體系，正選陣容的確係冇馬達既位置。進攻中場唔需要我多講啦，喺4213之下，尤其係右翼位置，好多時都需要占士或者綠木呢d速度型球員，因為右閘既雲比沙卡唔擅長助攻，突破能力較弱，如果右翼再用馬達，難免加劇曼聯中路大塞車既問題。只係，到底有冇需要輪換般奴呢，當般奴休息既時候，馬達又可唔可以打返佢熟悉既攻中位置呢？而當球隊需要破密集既時候，創造型既馬達又係咪一個好plan b呢？
馬達加盟至今，喺15-16球季最受重用，嗰季上陣多達54場，交出10個入波同11個助攻，而佢喺英超更加係38場全勤。現年32歲既佢，合約喺今個夏天就會屆滿，而曼聯至今仲未啟一年自動續約條款。今季喺蘇斯克查只係重用般奴，同埋卡雲尼同迪亞路等進攻球員加盟情況下，慘遭投閒置散，暫時只係上陣左12場，仲要有d係臨完場前後備落一落場。所以，佢會唔會離隊，仍然係未知之數。無論點都好，筆者都希望馬達喺嚟緊仲有機會為曼聯出場，真係唔想就咁就say goodbye呀。
P.s. 願馬達媽媽安息
————————
中意睇我文章既
記得follow我Instagram @ngsickball
請按此登錄後留言。未成為會員? 立即註冊