長達兩年既等待，曼聯終於成功以7500萬鎊喺多蒙特手上收購辛祖，就算佢下季未必着7號波衫，作為曼聯球迷都一定又期待又興奮。眾所周知，曼聯自從華倫西亞離隊之後，一直未能夠搵倒理想既右翼接班人。不論係被譽為最失敗7號既山齊士，馬達同連加特，定係近期買入丹尼爾占士，踢右翼既效果都乏善足陳，連潛質優厚既格連活特，打右翼都有患得患失既感覺。辛祖既來投，就可以對症下藥，改善左右邊路進攻失衡慘況。
辛祖今年21歲，司職右翼，上季為多蒙特上陣38場，攻入16球，交出20個助攻，成績非常亮麗。從佢既數據可以得知，佢既貢獻舉足輕重，肩負球隊進攻重任，稱得上係五大聯賽頂級翼鋒之一。進攻組織同打法方面，辛祖唔似一般傳統英式翼鋒屈速屈斬波，而係一個踢法聰明，重團隊意識既球員。佢控球既節奏感好好，帶波快慢收放自如，有良好傳球視野去作出關鍵既第一時間傳送，又可以透過靈活既走位去尋找最佳傳送時機同路線，令對手難以預判防守。佢亦都唔會一味死扭硬爆，又唔獨食貪功，戰術執行性強，擅於配合唔同隊友。個人技術方面，佢速度高爆發力強，擅長邊路突破去作出致命傳送或者自己射門，腳下功夫仲好細膩。同時，佢以優秀既終結能力見稱，入球效率顯著(xG有7.4；講緊占士得2.3)，令佢除左擔當隊波既傳球好手之外，仲係穩定既得分點。
同辛祖相比之下，內切型既右翼馬達，唔夠速度之餘仲加劇曼聯進攻中路塞車問題；速度型既占士，出波同把握力都真係有待改善；球王型既連加特同中鋒型既格連活特，都係唔中意拉邊同落底。曼聯過往以雙翼齊飛聞名，但呢幾年既右路近乎癱瘓，令對手好容易作出針對性部署防守。如今終於買倒辛祖，多一瓣進攻板斧，就多一分爭標機會。唔敢講話佢會係曼聯既救世主，但至少解決燃眉之急既右路進攻乏力問題。唔知佢回歸英格蘭，又可唔可以攀上職業生涯高峰？
————————
NGSICKBALL x ONLYFOOTBALL4231 合作企劃
中意睇我文章既
記得follow我Instagram @ngsickball
辛祖今年21歲，司職右翼，上季為多蒙特上陣38場，攻入16球，交出20個助攻，成績非常亮麗。從佢既數據可以得知，佢既貢獻舉足輕重，肩負球隊進攻重任，稱得上係五大聯賽頂級翼鋒之一。進攻組織同打法方面，辛祖唔似一般傳統英式翼鋒屈速屈斬波，而係一個踢法聰明，重團隊意識既球員。佢控球既節奏感好好，帶波快慢收放自如，有良好傳球視野去作出關鍵既第一時間傳送，又可以透過靈活既走位去尋找最佳傳送時機同路線，令對手難以預判防守。佢亦都唔會一味死扭硬爆，又唔獨食貪功，戰術執行性強，擅於配合唔同隊友。個人技術方面，佢速度高爆發力強，擅長邊路突破去作出致命傳送或者自己射門，腳下功夫仲好細膩。同時，佢以優秀既終結能力見稱，入球效率顯著(xG有7.4；講緊占士得2.3)，令佢除左擔當隊波既傳球好手之外，仲係穩定既得分點。
同辛祖相比之下，內切型既右翼馬達，唔夠速度之餘仲加劇曼聯進攻中路塞車問題；速度型既占士，出波同把握力都真係有待改善；球王型既連加特同中鋒型既格連活特，都係唔中意拉邊同落底。曼聯過往以雙翼齊飛聞名，但呢幾年既右路近乎癱瘓，令對手好容易作出針對性部署防守。如今終於買倒辛祖，多一瓣進攻板斧，就多一分爭標機會。唔敢講話佢會係曼聯既救世主，但至少解決燃眉之急既右路進攻乏力問題。唔知佢回歸英格蘭，又可唔可以攀上職業生涯高峰？
————————
NGSICKBALL x ONLYFOOTBALL4231 合作企劃
中意睇我文章既
記得follow我Instagram @ngsickball
請按此登錄後留言。未成為會員? 立即註冊