今期你最紅: 屈福特前鋒艾曼紐丹尼斯

NGSICKBALL 於 22/01/2022 發表 收藏文章
有玩Fantasy Premier League (FPL)既,一定好熟悉屈福特既艾曼紐丹尼斯(Emmanuel Dennis)。6.2就買倒,41.9%玩家都擁有佢,至今已經拎倒成93分。講緊12.5既C朗先係得84分,丹尼斯絕對係game入面既平價優質之選。點解今期佢最紅?除左因為佢係玩家熱門之選之外,佢仲喺對諾域治既賽事兩黃一紅被罰離場,以-1分姿態成功令1,205,675個captain左佢既玩家中伏。

咁艾曼紐丹尼斯到底係何方神聖?佢係尼日利亞人,今年24歲,司職前鋒,係屈福特鋒綫主力。佢踢法機動,速度快之餘走位靈活,擅長喺前場竄擾,尋求入波機會,亦係反擊好手。不過佢傳球穩定性同控球質素有待改善,場內場外紀律亦都一般。

2016年丹尼斯加盟烏克蘭球隊索爾亞,憑住喺聯賽22場6球進帳,同歐霸分組賽出色表現,獲得唔少歐洲球隊垂青,並喺翌年轉投布魯日。佢效力布魯日四季,攻入29球。其中最為人津浸樂道,係2019年歐聯對皇馬梅開二度,閃耀全場。有傳曼聯同阿仙奴都想將佢收歸旗下,但當時布魯日企硬要2500萬鎊,先令交易告吹。去到上季季尾,因為佢就快完約,布魯日先急住放人,就益左升班馬屈福特,350萬鎊就帶走佢。丹尼斯亦都不負所望,暫時以8個入球成為球隊首席射手。不過屈福特而家護級形勢嚴峻,下季隨時又英冠見。

P.s. Fantasy Premier League係係英超官方一款砌陣game。玩家會有一個指定既budget去買球員嚟組隊,再根據球員喺現實比賽中既表現嚟計分。玩得多FPL,真係會對英超球員認識多左,尤其係中下遊球隊既,平時你未必會睇佢地比賽嗰d。筆者誠意推薦大家入坑,如果唔怕玩到嘔血既話。冇咩事都係出返去抹地先。

P.s. 成18000人triple captain左丹尼斯,-3分呀陰公。本身都諗住用triple,好彩訓着左冇撳倒咋。

————————

中意睇我文章既
記得follow我Instagram @ng.sickball

如果喜歡我們的文章,請即分享到︰

標籤: 英超  屈福特  艾曼紐丹尼斯  

留言


請按此登錄後留言。未成為會員? 立即註冊
    快捷鍵:←
    快捷鍵:→