怯，你就輸成世！

怯，你就輸成世！
英格蘭喺兩分鐘唔到，就攻入第一球，領先意大利一比零，加上主場之利，氣勢如虹！

但係，意大利球員憑藉極強心理素質，一啲都無怯，更係成場都差唔多壓住英格蘭嚟打，展現王者實力。

最終，佢哋係十二碼大戰勝出，奪得冠軍，實至名歸！

贏比利時、西班牙、英格蘭等頂級強隊！

英格蘭雖然賽前被視為大熱，但其實意大利今屆表現極有說服力，就算無巨星，但都一路殺入決賽，勝利，並唔係靠好運就得，仲要有經驗累積。所以，意大利今次攞冠係實至名歸，更係值得學習同欣賞。
相反，英軍一路表現都未算出色，就算有地利人和，都未發揮得最好，決賽表現更是一言難盡，教練調動令人失望，球迷嘅期望落空，批評聲音愈來愈多，球員壓力更力，下年世界盃點算好？

諗極都諗唔通點解會派三個年輕球員喺決賽射十二碼先，尤其是第五個。同佢哋賽前會有溝通過，又有幾多個經驗比較多嘅球員請纓射十二碼呢？真係有咩理由俾個十九歲嘅第五個射？教練同球員都有責任。

文仙尼👏🏻👏🏻👏🏻

成隊意大利都係MVP！

最重要係心態！

面對幾萬個英軍Fans加早段失球，意大利隊都無怯過，
仲壓住嚟打。

數據如下(意大利：英格蘭)

控球率 66%：34%
射門次數 19：6
傳球次數 728：319
傳球成功率：89%：75%
Expected goals 2.16：0.55

比數 1：1 （3：2）

IG:newt.hk

12/7/2021