踢踢下先話唔俾踢?巴西自製公關災難?

足球故事 於 06/09/2021 發表 收藏文章

踢踢下先話唔俾踢?巴西自製公關災難?
原本夜晚3點開波喺巴西舉行嘅南美大戰,巴西對阿根廷,踢到六分鐘左右,巴西就「落閘放狗」,來自巴西嘅衛生官員話阿根廷有四位來自英超嘅球員違反防疫規定,要求佢哋唔準踢落去,而經過一段爭論後,比賽被中途腰斬。

點解出場前咁長時間唔通知,要開咗波先通知?

今次事件係一場笑話,巴西官員竟然喺開場之後先帶過十名警察入場,「拉」走四名阿根廷球員。有指因為英超的球員要有14日隔離先可以喺巴西踢波,所以阿根廷該四名球員就不能踢。但係,阿根廷教練指出事前從未被告知該四名球員無得踢,巴西球員亦唔知道點解會開咗場先發生啲咁嘅事。阿根廷足協則話我哋每個國家一直都有遵守南美足協防疫規定。而巴西足協亦話今次嘅事好奇怪,佢哋應該要喺賽前就執取行動。

而喺現場嘅阿根廷隊長美斯就話:我哋嚟咗足足三日,而家先話無得踢?

阿根廷隊已飛離巴西,準備下場比賽。

一場令人失望嘅南美大戰,究竟會點收科?責任全在巴方?阿根廷球員隱瞞?

問題在於點解開波先嚟帶警察拉人走。


IG
https://www.instagram.com/p/CTHJ51rFGOD/?utm_medium=copy_link
標籤: 巴西  阿根廷  

留言


請按此登錄後留言。未成為會員? 立即註冊
    快捷鍵:←
    快捷鍵:→