蜘蛛俠-紐亞

足球故事 於 28/12/2020 發表 收藏文章
對我嚟講,紐亞係21世紀最勁嘅「龍門」,佢係各方面都幾乎無弱(身形丶技術丶心理素質、尤其係佢嘅創新打法足以令佢成為最偉大門將)

紐亞嘅signature除左「舉手」之外,肯定就係佢發揮極致嘅門衞打法,經常走出禁區,打斷敵人進攻,再組織攻勢,一氣呵成,如同踢多半個後衞,增強球隊進攻、反擊能力。

大家對龍門的一般印象應該係喺禁區內作出撲救丶指揮後防、撲十二碼 罰球等等。但係紐亞唔單止係依方面(企位、意識、撲救、守單刀、守十二碼、罰球、指揮、領袖能力、反應、短長傳)都係歷史級咁強大,更係佢獨有嘅「出擊」能力,阻止左好多敵人進攻嘅機會,減少自家後防壓力。加上,喺關鍵賽事,紐亞通常都會以超水準級表現發揮帶領球隊贏得比賽。

雖然有人覺得依種踢法會有好大風險出錯,但紐亞就連喺世界盃決賽都係咁樣踢,零封阿根廷,更入選金球奬頭三名。可惜可能因為龍門位置、只踢德甲同佢本身比較低調,無好似C朗 美斯咁受到好多關注,但佢極具娛樂性嘅打法重新定義門將,將守龍嘅上限提高,相信喺歷史上都無人做到。而且,佢嘅成就、表現,亦近乎完美,世界盃丶歐聯也交出征服級表現,令世人知道守龍嘅上限唔單止係一幅城牆,更係一幅會移動嘅要塞。

美斯、C朗、紐亞喺足球歷史上係齊名級別,紐亞作為一個龍門,佢已經發揮到衝破極限,重新定義一個位置。希望多啲人分享,等多啲人認識無乜人關注嘅龍門位置。如果要排近代,紐亞一定唔係世三,因為佢值得同美斯C朗一齊排世一,佢做左歷史以嚟咁耐都無人做到嘅嘢,仲要做得好好。

紐亞嘅精彩撲救同出擊有好多,可以去YouTube睇,例如佢單手守住C朗超近距離重炮同紐亞真係有啲似Spider-Man

IG:Newt.hk

如果喜歡我們的文章,請即分享到︰

標籤: 紐亞  龍門  門將  拜仁  德國  門衛  德甲  世界盃  歐聯  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→