朗奴高文

足球故事 於 27/01/2021 發表 收藏文章
#史上入波最多嘅後衛
朗奴高文
雖然佢而家果身形唔似一個踢波好勁嘅啲人,但其實佢之前踢波好勁,係傳奇級球員(有玩開Fifa應該會知)、史上入球最多後衛、罰球同十二碼專家,就如巴塞史上最多罰球同十二碼進球佢排喺第二名(因為被美斯超越咗 但佢踢嘅場數一定比美斯少 可想而知 佢作為一個後衛 可以有咁強大嘅入球能力有幾勁)。睇佢果樣就知佢嘅射門係力量型,超級重炮手。

喺球員成就上,佢以一球罰球幫巴塞攞左第一個歐聯(全場唯一入球加賽後MVP).而佢係踢巴塞之前,攞過一次歐聯加荷甲冠軍、一個歐洲國家盃冠軍、仲有各種盃賽冠軍等等。

喺教練成就上,雖然佢而家教得巴塞並唔出色,但是,佢係主動自付違約金同荷蘭國隊,嚟教依隊本身已經有好多問題嘅巴塞。加上,喺引援上,因為巴塞財困,登比利、基沙文、古天奴左右夾埋用左四億左右都唔關佢事,相信佢真係好難可以安排到自己想排果套陣容,蘇牙雷斯嘅走都唔可以怪灑佢一個人。

其實佢接近教左二十年波,攞過七個冠軍,而佢一直都想教巴塞,可惜佢受到嘅限制實左太多,佢已經用左好多年輕一代同俾左好多會基沙文喺唔同位置找回狀態,同佢係自付違約金俾荷蘭走嚟教巴塞。

總結,佢暫時嚟講球員生涯一定比教練生涯好好多,佢喺比賽入面嘅臨時調動有時真係好難理解🤣。
正如佢所講足球場上,乜都有可能發生,所以都係靜待佢接下來嘅表現,歐聯唔好輸得太差已經好好。

根據網上資料,佢運動生涯入左253球,比第二名多78球,拉莫斯差佢超過100球。

過左半季,大家對佢評價又係點?
佢會唔會被炒呢?

​​IG:newt.hk
原圖及資料來源:互聯網​

留言


請按此登錄後留言。未成為會員? 立即註冊
    快捷鍵:←
    快捷鍵:→