巴黎夢幻陣容,搵我阿嫲都識教?

足球故事 於 11/08/2021 發表 收藏文章
巴黎依個夢幻陣容

目標就係得一個

歐聯。

榮譽滿身嘅美斯同拉莫斯都已經係34歲以上嘅球員,要穩攞歐聯其實都係唔穩陣,加上,第一季,陣容、戰術都需要時間磨合。而最受大眾討論嘅係教開熱刺嘅普捷天奴有冇能力控制依隊無限金錢嘅銀行艦隊呢?

有人話,搵我阿嫲都識教啦。

有人話,更衣室邊個話事?普捷天奴點教球王美斯進攻?

有人話,要搵施丹教先可以控制都依隊夢幻隊。

但有一點可以確定嘅係,巴黎為美斯付出咗好多嘢,而佢下年就會35歲,拉莫斯36歲,如果巴黎今季再攞唔到歐聯,下季只會更難取得。

如果巴黎喺依兩年內都係攞唔到歐聯,更好大可能會星散。所以,今次巴黎收購球王美斯雖然會引起極大正面迴響(賣球衣&fans數目急升),但亦係一筆巨大風險嘅投資(畢竟球員年齡係一個大問題),巴黎再攞唔到歐聯就係失敗。

如果喜歡我們的文章,請即分享到︰

標籤: 巴黎  美斯  拉莫斯  

留言


請按此登錄後留言。未成為會員? 立即註冊
    快捷鍵:←
    快捷鍵:→