「你當時相信的那些事情會在如今變成美麗風景」

喺香港選擇做一個運動員，絕對是為了追夢，而不是金錢名譽地位。

點解？

喺香港，做一運動員嘅人工極低，就算你喺香港係果項運動領域嘅最Top，你嘅收入都唔會好高，甚至低到連養起自己都唔夠，要做兼職先夠。

再就算你唔單止係香港最Top嘅運動員，你係世界最Top嘅運動員，就如剛攞奧運金牌嘅#張家朗，都只不過係獲全職運動員每月資助三萬多元，可想而知，喺香港做運動員係幾咁困難，就連代表香港出戰嘅運動員都只不過係頂薪四萬多，要攞牌先有獎金，而要攞牌嘅難度又高了一大截。但係作為一個全職運動員，每日都要大量訓練，邊有時間同精力去分心做啲同運動無關嘅嘢？
你估佢哋好想去電視台做Show?好想同777通視像做Show？何況依啲與運動無關嘅嘢只會令佢哋更難爭獎。仲有香港有幾多運動員係出名？係可以好容易就有人贊助？有人關注？

再講運動員嘅生涯其實並不長，無論有幾咁強都好，運動生涯最多都係得十幾年，而巔峰時期可能只得數年，佢哋係退役之後嘅生活點算？本身人工已經唔高。運動員有傷患而難避免，香港運動員嘅退役生活絕對唔同外國果啲大球星有幾十億身家，可以嘆世界，享受人生。所以，都係想講喺香港要做運動員追夢真係好難，依件事唔應該係咁難。

想像下，假如球王美斯喺香港出世，佢有侏儒症，就算佢係天才球員，香港球會/政府都唔會為咗一個有踢波天份好高嘅細佬免費俾醫藥費，同重點培訓佢去踢波，佢受到嘅只會係填鴨式教育，然後放棄夢想。
夢想可能無大小之分，但有幾多人可以好似香港運動員咁付出咁多努力去追夢？

佢哋要好自律，每一日都做好多訓練、學習戰術知識、飲食都要被嚴格控制、拍拖都未必有時間、家人未必支持、社交生活不能多等等，甚至有啲運動員要抽時間翻兼職先可以維持生計，更可能會被一些無知人士把運動「政治化」。佢哋無論身體上還是心理上都要承受巨大壓力。

試問有幾多個追夢嘅人可以付出到與佢哋相等嘅努力？相信唔多，香港嘅運動員係值得更好待遇同更多欣賞、尊重。其實佢哋咁辛苦係為咗啲咩去做一件成本和利益完全不對等嘅事？甚至付出了無數時間和汗水，收穫也可以是零。

究竟係為咗啲咩？
其實答案就係後面兩幅圖中電影《激戰》和《靈魂奇遇記》嘅果兩句對白。

如果你係一個正在追夢的人，那個夢無論是「龐大」還是「渺小」，都希望你可以真係付出好多努力，堅持到底，如果結果都係衰咗，而你真係有付出過百分百努力，你已經做得好好，無愧於心，就如運動比賽，有無數選手、隊伍參加，但冠軍只有一個，難道就代表其他人是失敗？

「你當時相信的那些事情會在如今變成美麗風景」

對每個拼了所有、堅持追夢的人，
無論輸贏，都不失氣勢，值得欣賞。

奪冠嘅只有一人/一隊
但誰說敗者無法不朽？相信再強大嘅運動員都唔係場場都會贏，都會有輸嘅時候。

其實我們都一模一樣 無名卻充滿了莫名渴望
一生等一次 發光 寧願重傷也不願悲傷
讓傷痕變成了我的徽章 刺在我心臟 永遠不忘
#我心中尚未崩壞的地方 詞 #阿信

#香港 #香港運動員 #運動員

#應該會有打錯字請見諒🤣