亞洲球王-孫興慜

28歲正值巔峰狀態的他，今季已經16場入12球5個助攻(暫時仲多個美斯或者C朗)，令他再上一層樓，受到更多人關注同支持。對我嚟講，佢一定係亞洲史上最出色球員。有邊個亞洲人可以好似佢咁成為頂級聯賽一線球隊核心、場場入波助攻、無佢會輸波？
就算佢已經好勁(以世界嚟講已經係世界頭幾名嘅左翼)，
以亞洲嚟講，佢無敵，但係佢都一樣保持謙虛，守規律(經常回防)，甚至好似連女朋友都唔去識，為足球奉獻出100%努力。喺2016年同今年，佢都分別攞左英超九月同十月MVP,是亞洲史上第一個人可以喺英起攞MVP。

雖然，有世界級水準嘅佢仲未攞到好多榮譽，只有一個歐聯、亞洲盃 亞軍 同U23 亞洲運動會冠軍。

但我相信由摩連奴第二年(即係今季)帶領嘅熱刺一定會攞到啲冠軍啲，甚至係英超冠軍。或者，喺個人榮譽上，佢keep依個狀態應該會攞到獎。
默默耕耘，必有回報！

佢為咗足球，連拖都唔拍，維持超自律生活就如佢偶像C朗。對一個亞洲球員嚟講，佢已經不繼刷新上限、突破自我，實在唔容易，付出嘅時間、精力係無法想像。而且，佢仲係好有火，總是覺得自己未夠好，要再努力。

“Unless I play like Lionel Messi or Cristiano Ronaldo, it'll be hard to give myself 100 out of 100."
Son Heung-min

佢唔單止令全亞洲人認識佢，更令全世界人都知道佢有幾勁。(佢而家身價已經去到7500萬歐元以上😂）因為孫興慜，我場場支持熱刺🤣

6/12/2020​
佢最近攞埋普斯卡獎（年度最佳進球）

IG:Newt.hk