海外分析:數據分析 343陣式如何成利物浦復蘇關鍵

今季利物浦開季成績慘不忍睹,係陣式上嘗試過 442(鑽石中場)、442(平排中場)、433和451等陣式,但成績都未見理想,直到羅渣士非常大膽採用 343/或稱 3421陣式後利物浦表現明顯上揚。

係防守上門將米勞列係近五場英超聯賽作客賽事 (註:所有數據並沒有計算對曼城的比賽,下同)都能保持清白之身,而係進攻上利物浦亦比之前更為流暢,古天奴、史達寧、拉蘭拿組成的鋒線明顯比巴洛迪利或林拔一個人踢單箭頭表現較好。除此之外,史杜列治終於復出亦成為利物浦鋒線的及時雨。



係開季十五場比賽之後,利物浦只獲得 21分排名第九,場均得分只有約 1.4分。但係過去轉踢 343陣式後的十一場比賽利物浦已經取得 24分,場均得分由 1.4分增加至 2.2分,成績有目共睹。入球數字亦較之前十五場的 1.3個入球升至 1.7個入球,更重要的係失球數字隨門將米勞列表現神勇及後防較少犯錯,由季初場均 1.27個失球跌至 0.91個失球




另外除了入球數,利物浦係進攻上各方面數據都較之前有所進步,例如射門次數、射中龍門次數等都較之前有顯著增加。相比起 451或 442等陣式,343陣式中古天奴、史達寧、拉蘭拿係位置上都比其他陣式更前,甚至連馬高域等都有不錯的射門意欲,古天奴係過去兩場的漂亮入門正正反映當古天奴係較前位置時表現明顯較好,如果各球員射門技術更好的話相信利物浦入球數字遠不至此。

除了場均入球及勝出率有明顯分別之外,利物浦係踢法上的改變亦係數據上反映出來。係轉踢343陣式後雖然利物浦的鏟截 tackles次數沒有太大分別,但係截球 interceptions方面卻略為下跌,間接令利物浦係控球百分比方面由 56.2%輕微下降至 52.5%,但同時亦令利物浦有較多的反擊空間。

除此之外,利物浦係轉踢 343陣式之後亦減少了兩側傳中,平均每場傳中次數幾乎少了一半,主要原因明顯係 343陣式中史達寧並非擅長爭頂頭鎚的球員,而季初場均 20次傳中只有約 4次成功的數據亦反映利物浦實在並非適合兩翼傳中的球隊。相反現在利物浦更多由古天奴、拉蘭拿、史達寧、史杜列治等球員利用速度、走位撕破對方防線亦可謂令各球員發揮所長。

整體而言利物浦係轉踢 343陣式之後數據表現和之前相比明顯判若兩人,特別係進攻上利物浦每場的入球、射門次數、 機會製造 key passes都明顯較季初時多,前線三名球員加上中場兩翼以速度、默契、走位等拉開對方防線比之前 451陣式以單前鋒進攻來得順暢。係防守上三中堅亦令人意外地表現穩定,門將米勞列近五場英超聯賽作客賽事不失球已經成為利物浦近年一大數據上的突破,同時亦一改近年利物浦防線令球迷提心吊膽的情況。

當然,現在決定 343能否成為利物浦長遠固定陣式依然言之尚早,但羅渣士大膽的排陣的確令利物浦係英超的表現令人耳目一新,相信到季尾時 343陣式的評價將會有所定案。



覺得小弟寫得都 ok的話或者想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc

留言


請按此登錄後留言。未成為會員? 立即註冊
  • vv11716 於 04/03/2015 評論 NO. 1

    我覺得係自史獨出番黎成隊生晒 e家既利記其實打咩陣都ok

快捷鍵:←
快捷鍵:→